YESAYA 10:5 - KITAB NU TUMPU ALLA LELE MA'IMAI'

⁵ Tumpu notataemo, “Silakamo na Asyur! Asyur Ku pakemo salaku pondoke ka' salaku amangkun bau pompan aha to mia-mian anu nukonamo nu tambuha'-Ku.

YESAYA 10:5 ပူးပေါင်းရင်းမြစ်များ

KAJADIAN 10:11

Lengkat kiijo' mae ia nambamo nokiijo' i Asyur, lantas nompotinjomo kota Niniwe, Rehobot-Ir, Kalah,

2 TOMU-TOMUNDO' 18:25

osangka nu belemiu kami montumbuhi ka' mompatundu' lipu' nu belemiu madi' nutulungi mae nu Tumpu! Tumpu na monsai kami montumbuhi ka' mompatei!”

2 TOMU-TOMUNDO' 19:25

Ma'isa toho' beleyum nohongo, na iwi-iwi' aijo' tinanga'an-Kumo daagi' pe'e u'utu mae? Ka' uuka aiya kubaumo. Akumo na mombee'i kuasa' hi beleyum da mongidei iwi-iwi' na kota' anu ko bentengnyo sahingga memo tu'onyo.

MAZMUR 125:3

Mian anu ma'idek na kinyonyoanyo madi' saja'mo montoongi kakuasa'an i tano' pusaka' nu mian anu hodi' na kinyonyoanyo, da mian anu manonong madi' mosele mombau anu ma'idek.

MAZMUR 17:14

Boli mae na aku nupoposia nu to mia-mian anu montambun halata' nu aha i dunia aiya. Hukum na aha nu balaa' anu pinotoukamo nu Belento pohukum aha. Ka' to maku-makumpu nu aha suele ahi' o hukum.

YESAYA 10:15

Panyo pinoto'imo nu Tumpu, “Tetoho' mule' bobolo' mosi buulakonmo ia hi mian anu monggunakon ia? Pa' galagaji lebe penting nulingkudui na mian anu monggunakon ia? Misa amangkun na mohangkat mian, panyo mian ahi' na mohangkat amangkun.”

YESAYA 10:25

Madi'mo daagi' pin pusa-Ku hi belemiu madi'anmo, lantas aha Ku pateimo.

YESAYA 13:5

Aha tinokamo lengkat mae ilipu' anu toto jo'o-jo'on ipuusnyo nu tano'. Tumpu notambuha'mo sahingga nonggunakonmo aha da monsilakaimo songko-songko na dunia.

YESAYA 14:24

Tumpu Anu Daka na Kuasanyo notataemo, “Anu tinanga'an-Kumo aijo' tionyo ahi' jadimo.

YESAYA 14:25

Aha mian nu Asyur anu jojoong i Israel lipu'-Ku aijo' Ku silakaimo ka' anu jojoong aita'mae ibungkutnyo anu Aku na tumpunyo, Ku pahampeja'akonmo. Aku mompobebasmo bansang-Ku da boli lewa' osakisa ka' lewa' obee'i pakalaja'an anu maboat opa-opakisakon nu aha mian Asyur hi aha.

YESAYA 23:13

Misa' bansa Asyur panyo bansa Babel ahi' na nompojohokmo kota' Tirus da kinuasan nu binatang anu mahangas hondo. Aha ahi' na nompotinjo laigan anu toto tangka-tangkas anu bau pontumbuhian, ka' nohobo'akonmo bentengnyo iwi-iwi' ka' mule' no hansunimo kota' aijo'.)

YESAYA 26:20

Pinsoopmo i uno nu laigan nu beleyum, o, belemiu bansangku, lantas tumbanmo mae na sabatan. Paninsulukmo mau ola sasaingoni' sampe Tumpu madi'mo motambuha'.

YESAYA 29:2

Panyo nu potokamo mae nu Tumpu na balaa' hi kota' aijo' sahingga mian molokihismo ka' mompele-pele'mo. Songko-songko na kota' aijo' sumomo ahi' mezbah anu kahomo baso'.

YESAYA 30:27

Kakuasa'an tiba Tumpu talasanggo ahi' otoamo aijo' mae majo'o-jo'on. Apu tiba tibuk aijo' bau pomponyata'nyo saba' Ia notambuha'mo. Ia motataemo tiba aha ka' potatae-Nyo aijo' mompapui susumo apu.

YESAYA 30:30

Tumpu saidi' mae mompohongomo potatae-Nyo anu daka' hondo ka' toto samian molasaimo kuasa-Nyo anu opalias hondo. Tambuha'-Nyo saidi' mae mompotokamo mae ujan anu daka' hondo, ujan batu tiba antong anu makansang hondo.

YESAYA 30:9

Kalana, aha aijo' sa'angu' na bansa anu saja' mongka'oho' motomuhuk hi Tumpu, saja' baleko', ka' madi' mongka'oho' mompotombihing pangajalan nu Tumpu.

YESAYA 34:2

Tumpu nontambuha'imo iwi-iwi' na bansa ka' mule' hi iwi-iwi' na gombuan nu suludadu nu aha. Ia mohukumo ka' mule' monsilakaimo aha.

YESAYA 66:14

Nontoa aijo', belemiu lame'je, ka' tinimbalimo mahoson ka' bikas susumo hemput anu montampu'unije tumuu'. Sahingga to posa-posaihon-Ku mongoa'ije kakuasa'an-Ku o-sampobali'-Ku mongoa'ije tambuha'-Ku.”

YESAYA 7:17

Tumpu mompotokamo mae tomundo' nu aha Asur lantas beleyum ka' belemiu salaigan ka' mule' mian da'isan nu beleyum mongoa'imo sinaa anu talalo hondo manjoo' na kasusa'annyo ka' mule' sansala nulingkudui apaa na anu toho'mo ingoa'an salatanmo pe'e kalaja'an Israel ka' Yehuda nobagi-bagimo.

YESAYA 7:20

Tumpu montamboimo tomundo' Asyur da mompobelesi' Israel susumo samian na anu lewa' mongkiis, mongkiismo iwi-iwi' bulu nu ubak tiba bulu nu butong.

YESAYA 8:4

Kalana ma'isa pe'e anak aijo' daka' da timbalimo montaloakon ‘Tuuma’ tiba ‘Tina’, iwi-iwi' na kakaya'an nu aha Damsyik ka' mule' iwi-iwi' na anu pinahuhuakon nu aha Samaria na balang, o'atomo oboa hi tomundo' Asyur.”

YESAYA 8:7

Kalana aijo' Aku, Tumpu mompotokamo mae tomundo' nu aha Asyur tiba iwi-iwi' na suludadunyo da montumbuhimo Yehuda. Aha montumbuhimo susumo lapangnyo Kaunyo nu Efrat mosawe'mo ka' monganjuhakonmo iwi-iwi na tobinyo nu Kaunyo aijo'.

YEHEZKIEL 22:31

Kalana aijo' uuka aiya Ku potudunmo na tambuha'-Ku hi aha, ka' susumo apu Ku toyo'imo na aha kalana iwi-iwi' na palabuatan nu aha Aku, Tumpu Anu Matangkas na Kuasanyo notataemo.”

YEHEZKIEL 7:10

Sinaa katokaan mae nu balaa' bansa Israel tinokamo. Kasinggian nu mompalentah jadimo iyaya mae. Kasombongan nu mian mompaka jadimo.

DANIEL 11:36

Tomundo' nu lipu' sasu utara mombaumo yayamo na anu nu kahanda'i nu kinyonyoanyo. Ia takabunmo sahingga nu taloakonmo tukoonyo ia na lebe daka' na kakuasa'an nulingkudui na pilogot maumo pa' iyaya mae, ka' mule' lebe daka' na kakuasa'annyo nulingkudui na Tumpu Anu Matangkas na kuasanyo. Ia timbali mombau sumo aijo' sampeje ahi Tumpu madi'mo motambuha'. Kalana apaa na anu tinantukanmo nu Tumpu tionyo pe'e ahi' jadi.

NAHUM 1:1

Sumo uuka na potuunon nu Tumpu mongkona aha Ninewe. Potuunon aijo' pinonyata ihan anu pinotoa hi Nahum samian na nabi anu nolengkat mae i Elkos.

HABAKUK 1:12

Tumpu, daagi pe'e naipuan mae Belento memang Tumpu. Belento Tumpungku anu susi' sampe toka sidu-sidutu'. Tumpu, Tumpungku anu monjagai mae aku, bansa Babel aijo' pinile'anmo nu Belento ka' pinobaanimo nu Belento da mohukum kami.

ZEFANYA 2:13

Lapas aijo' Tumpu monggunakonmo kuasa-Nyo da mohansunimo Asyur. Kota' nu Ninewe opotimbalimo da liingmo hondo ka' timbalimo tano' anu mateges.

NOMBILANGMO 24:24

Panyo lengkat mae i Siprus tokaje mae na sa'angu' na kapan anu mompahampateakon, aha mompatundu'mo Asyur ka' Heber, lapas aijo' suele kapan anu mompahampateakon aijo' tompumo ka' mohopu'mo na miannyo.”