YESAYA 10:3 - KITAB NU TUMPU ALLA LELE MA'IMAI'

³ Apaa na daagi' obau nu belemiu de tokamo na sinaanyo nu Tumpu mohukum belemiu? Daagi' apaa na usaha nu belemiu de Ia mompotokamo mae balaa' anu lengkat mae ilipu' majo'on? Hihe na timbali pomoitan tulung nu belemiu? Iyamae na timbali pomposulukan kakaya'an nu belemiu?

YESAYA 10:3 ပူးပေါင်းရင်းမြစ်များ

KAJADIAN 31:1

I Yakub nohongomo to ana-anak i Laban nontaloakonmo sumo uuka, “I Yakub nongalamo iwi-iwi' halata' nu tuumanto. Iwi-iwi' na kakayannyo nolengkat mae i halata' nu tuumanto.”

2 TOMU-TOMUNDO' 7:15

Namba na aha tinoka i kaunyo nu Yordan. I tutuus na jalan pakean ka' to paka-pakakas nu aha mian Siria notanatamo iwi-iwi' aijo' memo pinaha bahetakon sumo aijo', nu aha mian Siria, kalana mian nu Siria nalaimo. To posa-posaihon ninsusule' ka' pinoto'inyomo hi tomundo'.

AYUB 31:14

De madi', mosia na aku mongahopi Tumpu Allah-ngku? Apaa na bau pontaamingku de Ia tokamo mae momputusi pa lakalangku?

AMSAL 11:4

De montanda'imo kasilakan halata' madi'mo ko gunanyo; panyo kantumuu'an nu beleyum salamat de beleyum madi' tageo' na kinyonyoa.

YESAYA 13:6

Polotando'mo kalana sinaa nu Tumpu toka mae malia'mo, aijo'mo sinaa kasilaka'an anu nu potokamo mae nu Tumpu Anu Daka' na Kuasanyo.

YESAYA 17:4

Tumpu nontataemo, “Tokaje mae na tempo'nyo katalasanggoan nu aha Israel mingkotmo, ka' mule' ka'ima'an nu kantumuu'an nu aha lanyapmo.

YESAYA 20:6

Tempo'nyo aijo' aha to mia-mian anu jojoong ibiwi nu ambai motataemo, ‘Soab toa apaa na anu jinadimo hi bansa anu ota-otakabunakonto monjagai mae kita da madi' nu poposia mae i tomundo' nu Asyur. Iyamule' na kita daagi' salamat?’ ”

YESAYA 26:14

Aha sinilakamo ka' madi'mo po ule' tumuu', santuu'nyo madi'mo daagi' po ule' tumuu'. Kalana aha ningkotmo pinatean nu Belento ka' sinapuanmo nu Belento na sanggo nu aha da bolimo sola o, inau'.

YESAYA 26:21

Mintatau'je mae na Tumpu lengkat mae aita' isuluga' kajo-kajojoongan-Nyo da mohukumo mian anu jojoong i dunia kalana dosa' nu aha. Aha mompatei aijo' madi' osumbu-sumbu' panyo sidi' mae osumbu'je ahi'. Tano' madi'mo daagi' montabuhi aha to mia-mian anu sinilaka pipinateanmo aijo'.

YESAYA 28:20

Belemiu sumomo ahi' mian anu kahanda'mo hoyot ikoi anu madi' mantan da timbali opohodi' na butong nu belemiu. Sabut anu opusok nu belemiu madi' bola sahingga madi' sukup na bau ponsabuti butong nu belemiu.

YESAYA 29:6

Tumpu Anu Daka' na Kuasanyo mompobebasmo kota' aijo' nu antong anu daka' hondo tiba luulu' anu daka' hondo. Ia mompotokamo mae antong anu daka' hondo ka' apu anu banyela-nyelakmo.

YESAYA 30:16

Ola mule' ahi' belemiu binatanga'mo nopalai da boli nu poposia nu sampobali' nu belemiu ka' nonsake'imo ajahan anu malia' hondo. Ma'ima'mo! Memang belemiu tionyo ahi' mopalaimo! Tinutugan nu belemiu au'aitu ajahan nu belemiu atina' sukupmo hondo na kolia'yo na ia mopadeka' padahan anu montotumputi mae belemiu na lebe malia'.

YESAYA 30:5

iwi-iwi' na mian saidi' mae jadi ma'ambang kalana nontakabunakonmo bansa anu madi' kogunanyo hi aha. Anu ihumpak nu aha misa' ahi' ka untungan kabai da tinulungan mae panyo ola ahi' da pinopo ambang mae.”

YESAYA 30:7

Anu pinontulungi mae nu Mesir ola pinalasuma. Kalana aijo' Mesir Ku sanggohi, ‘Ulo anu madi' mompoposi’.”

YESAYA 33:14

Aha to mia-mian baladosa' i Sion nu lakatmo nu nubuhak. Aha motataemo, “Kaputusan nu Tumpu sumo apu anu banyela-nyelakmo sampe toka sidu-sidutu'. Te daagi' ahi' komian anu moko ala tumuu' i uno nu apu anu mompateimo aijo?”

YESAYA 39:3

Lapas aijo' i Nabi Yesaya nangadapmo hi Tomundo' Hizkia ka' nompokilawamo, “Lengkat mae iya na mian haha aijo'? Apaa na koonyo nu aha?” Tinaamanmo i Hizkia, “Aha aijo' lengkat mae i Babel, lipu' anu majo'on hondo.”

YESAYA 5:14

Nganga' nu kapatean tolo anga'mo ewa-ewa kalana moloyomo aha mian to pola-polaya' i Yerusalem tiba mian da'isan anu binalame-lame'mo nombau bau-bauon.

YESAYA 5:26

Tumpu molagamo bansa anu majo'on ka' aha tokamo mae malia-lia'!

YEREMIA 22:7

Ku saimo na mian da mamba mohansuni. Nu boamo mae nu aha na bobolo' ka' mompahantaa'akon ohi'nyo sahingga motua'mo, ohi'nyo anu toto ima-ima' haha aijo' te kau' cemara na binau anu lengkat mae i Libanon. Lantas nu lumbu'akonmo nu aha i apu.

YEREMIA 4:30

O Yerusalem beleyum pinala'ianmo ka' madi'mo daagi' moko ala mombau apa-apaa! Daagi' apaa na gunanyo mompusok baju' momea' ka' mompakei nu mosoni' tiba salaka, ka' mule' monjohiti mata nu celak? Palasuma na beleyum mompokopiani butong nu beleyum, kalana to mia-mian anu monsindua'i beleyum madi'mo daagi' mongka'ima'i beleyum. pakalaus mule' kahanda'mo nu patei nu aha na beleyum.

YEREMIA 5:31

to nabi-nabi binaleko'mo, to ima-imam mombau anu nu palentahkon nu Tumpu ola yayamo pongka'oho' nu kinyonyoa nu aha ka' belemiu mian anu palesayamo hi beleng-Ku nongka'ima'imo han aijo'. Panyo apaa na anu obau nu belemiu saidi' mae de tokamo na sinaanyo anu imihinyomo mae?”

YEREMIA 9:9

Te misa'o konanyo na bansa susumo aiya ka' madi' Ku nabu'akon na hukuman anu memang konanyomo ahi'? Ku balosakonmo na palabuatan nu aha Aku, Tumpu, notataemo!”

HOSEA 5:13

Bansa Israel tiba bansa Yehuda sininsumbu'mo i kalakuan nu aha anu ma'i-ma'idek aijo' sahingga Israel nambamo i Asyur momoita bantuan hi tomundo' anu talasanggo. Panyo tomundo' aijo' madi' noko ala nontulungi kabai nompoko ima'i palabuatan nu aha.

HOSEA 9:5

Tempo'nyo nu sinaa daka' nu agama da moholomatimo Tumpu belemiu madi' moko ala mombau apa-apaa salaku bau polame'akon.

HOSEA 9:7

Tinokamo mae na tempo'nyo anu pohukumanmo, tempo'nyo nu pontalimanmo balosnyo nu palabuatan nu aha. Nu oa'imo nu Israel! Belemiu nontaloakon, “Nabi anu kinuasanmo nu roh aiya ponga'! Ulawon na ia!” Belemiu nontaloakon sumo aijo' kalana belemiu mongka'ideki mae hondo aku ka' dosa' nu belemiu talalo hondo daka' na koonyo nu nabi aijo'.

AMOS 5:19

Ka'ada'annyo sumo mian anu mompalaiakon butong da madi' singkabot singa panyo mompahakabotmo ahi' tiba beruang. Kabai susumo mian ninsusule'mo i laigan limanyo nintoong i pagan mesen, lantas sina'umo nu ulo!

MIKHA 7:4

Anu talalomo ma'ima' na kinyonyoa ka' mule' anu talalomo tageo' na kinyonyoanyo aijo' hi aha panyo sumo-sumomo ahi' hemput anu kohii'nyo madi' kokaliangannyo. Tinokamo na tempo'nyo Tumpu mohukumo mian-Nyo anu palesayamo susumo anu toho'mo pinotuka'-Nyo hi aha to nabi-nabi-Nyo ka' to nabi-nabi-Nyo na nompoto'imo hi aha. Uuka aiya tinokanmo nu pahantuda'an hi posi bubu'mo aha.

ZEFANYA 1:18

Isinaa anu okabuhuk hondo aijo' saidi' mae Tumpu mompotoamo pusanyo sahingga iwi-iwi' na mosoni' tiba salaka nu aha madi'mo moko ala momposalamat aha. Songko-songko na dunia saidi' mae mingkotmo hansun nu papui nu apu nu tambuha'-Nyo. Monti-montik madi' pin Nu gautmo na nyawa iwi-iwi' anu i dunia aiya.

LUKAS 19:44

Nugalisi nu aha na beleyum tiba tumpu nu lipu'um; ka' madi' ko sambatu pe'e na batu nu pojohok nu aha tasusun i tampatnyo, kalana beleyum madi'mo mompalahatikan pa' hi pian na Tumpu toka mae momposalamat beleyum!”

PO'ULE' INGULIT 28:49

Sa'angu' na bansa anu madi' osumbu' nu belemiu na sisik nu aha nupotokamo mae nu Tumpu lengkat mae i puusnyo nu tano' da mongewa belemiu. Susumo bonyia' nusabutmo nu aha na belemiu.

1 PETRUS 2:12

Kalakuan nu beleyum atina' hi mian anu madi' monsumbu' Tumpu, tionyo ahi' opokopiani ma'i-ma'ima' sahingga de aha mompitana' i belemiu tukoonyo mian anu ma'idek, panyo aha saidi' mae mongakuije kalakuan nu belemiu aijo' ma'ima', sahingga aha mompuji' Tumpu i sinaa katokaan-Nyo.