YESAYA 10:16 - KITAB NU TUMPU ALLA LELE MA'IMAI'

¹⁶ Kalana aha mian nu Ayur nombuulakonmo butong nu aha, sahingga Tumpu Anu Daka' na Kuasanyo mompotokamo mae panyakit anu molele da bau pohukum to sulu-suludadu anu toto tangka-tangkas na pangkatnyo ka' mule' toto hoso-hoson. Aha molasaimo pipin sakit nusihabi anu taha-tahahumo pokakanamo susumo apu anu madi'mo kokamingkotannyo na montoyo'i.

YESAYA 10:16 ပူးပေါင်းရင်းမြစ်များ

2 TAWARIKH 32:21

Lantas sinaimo nu Tumpu na nabi samian nompatei to sulu-suludadu nu aha Asyur ka' mule' to sulu-suludadu anu toto tangka-tangkas na pangkatnyo nu aha Asyur haha aijo'. Kalana talalomo hondo na'ambang na i tomundo Asyur sahingga ia ninsusule'mo i lipu'nyo. Daagi' kino sansinaan ia hau-haunyo kiijo' i laigan nu pilogotnyo, pa' aha sangkuka na anaknyo tinokamo mae nompatei ia nu bajak.

MAZMUR 106:15

Ia nombee'mo apaa na anu pinoitamo nu aha, panyo suele panyakit anu molele nongkonamo aha.

MAZMUR 78:31

Tumpu notambuha'mo ka' nompahampateakonmo aha; pinateannyo na to mia-mian Israel anu ma'isa langkai' ka' bengkele' ka' anu toto babaani.

YESAYA 10:18

Alas anu toto daka-daka' tiba ale' anu toto molu-molumba' ilipu' nu aha Asyur ohansunimo ingko-ingkot susumo mian masakit anu tahahumo sansala ahennyo silakamo.

YESAYA 17:4

Tumpu nontataemo, “Tokaje mae na tempo'nyo katalasanggoan nu aha Israel mingkotmo, ka' mule' ka'ima'an nu kantumuu'an nu aha lanyapmo.

YESAYA 26:11

O, Tumpu, Belento sabole-boleh mohukum anu monsampobali' Belento, panyo madi' nu sumbu' nu aha. Bakas da aha ma'ambangje demontoamo kalibosan nu Belento hi mian anu palesayamo hi Belento. Bakas da aha mohopu'o nu hukuman anu Nu posadiamo hi aha.

YESAYA 31:9

Tomundo' nu aha mopalaimo kalana mabuhukmo ka' to sulu-suludadunyo anu toto tangka-tangkas na pangkatnyo tolokengkengmo sahingga nu pala'imo nu aha na bandela'nu aha iwi-iwi'.” Tumpu notataemo, Tumpu anu osombah ka' mule' anu oholomati nu koloban anu opotunu i Yerusalem.

YESAYA 37:29

ka' ihongong-Kumo na beleyum pinusamo ka' mule' tinakabunmo atina'. Uuka aiya Ku pokaitmo na kait atina' isung nu beleyum tambang bau pontambangi nganga' nu beleyum, da beleyum Kuhela'mo osule'akonmo montulu jalan anu tinulu mae nu belemiu tempo'nyo belemiu tinoka mae aiya.”

YESAYA 37:36

Pihi-pihimo aijo' na malaekat nu Tumpu tinoka ibinakema'an nu Asyur ka' nompateimo 185.000 na suludadu. Dodododopnyo subu-subu bangke haha aijo' singkapmo sika-sika bandang.

YESAYA 5:17

Ikota' anu ihansunmo saidi' mae mee' tiba domba mongototmo hemputnyo ka' mule' madi'mo kakulangan i anu okaan.

YESAYA 8:7

Kalana aijo' Aku, Tumpu mompotokamo mae tomundo' nu aha Asyur tiba iwi-iwi' na suludadunyo da montumbuhimo Yehuda. Aha montumbuhimo susumo lapangnyo Kaunyo nu Efrat mosawe'mo ka' monganjuhakonmo iwi-iwi na tobinyo nu Kaunyo aijo'.

YESAYA 9:4

Sapatu nu suludadu anu ginalupakanmo ka' mule' baju' nu aha anu kahomo baso' saidi' mae mingkotmo mo'angot nu apu.

YESAYA 9:5

Samian na anak hampemo aiya hi kita; kita binee'anmo samian na anak mo'ane. Ia na saidi' mae timbali polaya'to. Ia osanggohi: “Anu pande na mombee'i Pokinde'i”, “Tumpu anu Baani”. “Tuuma au tumuu' Sampe toka sidu-sidutu'”, “Tomundo' anu Mompodame”.

YEREMIA 21:14

panyo Ku hukumo na beleyum kalana palabuatan nu beleyum atina'. Laigan nu tomundo' nu belemiu Ku papumo, ka' sinin na apaa anu atina' ohani suele ahi' motoyo'mo. Aku, Tumpu notataemo.”

YEREMIA 48:14

Mosia na to momo'ane nu aha Moab daagi' motatae, ‘Kami talenga', suludadu anu baani' anu inguji'mo i uno nu pahampatean?’

YEHEZKIEL 34:16

Anu nolapusmo Kulio, anu tinalasmo Ku sule'akonmo, anu binelaonmo Ku bobodi, anu masakit Ku pakuli'imo; panyo anu molompo' ka' mule' mahoson Ku pateimo kalana Akumo na polaya' anu momba-mombau apaa na anu ma'ima'.

NAHUM 1:12

Sahingga notataemo na Tumpu hi aha Israel mian-Nyo anu pinalesayamo, “Maumo aha to mia-mian nu Asyur aijo' mahoson ka' konjoo'nyo da'isan panyo aha ohansunimo lantas mingkotmo. Binaung-Kumo na belemiu da sinansala panyo Aku madi'mo mombau mule' sumo aijo'.

ZEFANYA 2:13

Lapas aijo' Tumpu monggunakonmo kuasa-Nyo da mohansunimo Asyur. Kota' nu Ninewe opotimbalimo da liingmo hondo ka' timbalimo tano' anu mateges.

ZAKHARIA 7:4

Sumo uuka na potuunon nu Tumpu anu tinokamo mae hi belengku.

SISIKON NU TO RASUL-RASUL 12:23

I tempo'mo aitu na malaikat nu Tumpu nohapa' i Herodes, kalana ia madi' mongadati Tumpu. I Herodes kinaan nu ias lantas i mate.