YESAYA 10:12 - KITAB NU TUMPU ALLA LELE MA'IMAI'

¹² Panyo pinoto'imo nu Tumpu, “De anu kahanda' Ku bau i Puge'nyo nu Sion ka' i Yerusalem aijo' ilapasmo, Aku mohukumo tomundo' nu aha Asyur kalana ia buulon ka' talalo saja badaka.”

YESAYA 10:12 ပူးပေါင်းရင်းမြစ်များ

2 TOMU-TOMUNDO' 19:31

I Yerusalem tiba aita' mae i bungkutnyo nu Sion daagi' ko to mia-mian anu salamat kalana Tumpu nontantukanmo han aijo' tionyo ahi' jadi.

MAZMUR 18:27

Kona hi mian anu susi', butong nu Belento suele nu poto'i ahi' susi', panyo anu ma'idek na kinyonyoanyo suele ahi' nuka'ideki nu Belento.

MAZMUR 21:10

Ia toka mae sumo apu anu moakmo kahanda'mo mompatei aha. Tinambuha'anmo nu Tumpu na aha kalana aitu aha ohopu'imo, ka' nuangotimu nu apu.

MAZMUR 76:10

Salatan Belento nobungkutmo, kahanda'mo momputusi da oposalamatmo na mian anu sinakisamo i dunia aiya.

MAZMUR 76:5

Totu-totu'u talasanggo hondo na Belento, ka' ma'ima' na otoa to bungku-bungkutnyo anu salatanmo pe'e dunia aiya i lingkuduanmo nu Belento.

AMSAL 21:4

Mian anu ma'idek na kinyonyoanyo aijo' baladosa', kalana nukuasaimo nu takabun ka kobubuun.

AMSAL 30:13

Daagi' ko mian anu mongoa'i butongnyo talalo hondo manonong memang talalo hondo manonong!

YESAYA 2:11

Ola-olanyomo ahi Tumpu na anu opopodaka'.

YESAYA 2:12

Toka isina aijo' Tumpu Anu Daka' na Kuasanyo mompopo'ambangmo iwi-iwi' na anu montige-tige ka' mule' mohukumo iwi-iwi' na anu buulon tiba anu lewa' montige-tige.

YESAYA 24:21

Tempo'nyo aijo' Tumpu mohukumo to mia-mian anu balakuasa aita' ilanga tiba to tomu-tomundo' idunia aiya.

YESAYA 27:7

Tumpu mohukum mian anu palesayamo hi Ia, madi' sumo koboatnyo nu hukuman anu nu pokona hi mian anu monsampobali' aha. Ia madi' mompatei mian anu palesayamo hi Ia, susumo ia nohukumo sampobali'-Nyo.

YESAYA 27:9

Panyo dosa' nu aha Israel ola timbali o, ampuni de mazbah nu to pilo-pilogot ogiling sampe hansun susumo tilon. Iwi-iwi' na anu bau pompapuan kamangian ka' anu molambangakon Pilogot boune Asyera tionyo ahi' suele ohansuni.

YESAYA 29:14

Kalana aitu aha Ku potolokengkengmo nu pondoke anu ojojo'imo. Mian anu pande timbalimo ponga' ka' iwi-iwi na kapandean nu aha madi'mo mingkaliangan.”

YESAYA 33:1

Silakamo na to sampo-sampobali'to! Aha mompahuhuakon maumo aha madi' opa huhuakon, ka' mombau palabuatan ma'idek maumo madi' obau apa-apaa na anu ma'idek hi aha. Panyo salatan moko pahuhuakonmo ka' mombaumo palabuatan anu ma'idek aha mule' ahi silakamo kalana sola' mompahuhuakon ka' mombau palabuatan anu ma'idek.

YESAYA 37:23

Pa' sinumbu'mo nu beleyum ihe na anu lewa'mo kinaan nu beleyum ka' mule' anu pinopo ambangmo aijo'? Aku, Tumpu nu Israel, Tumpu anu susi'.

YESAYA 37:29

ka' ihongong-Kumo na beleyum pinusamo ka' mule' tinakabunmo atina'. Uuka aiya Ku pokaitmo na kait atina' isung nu beleyum tambang bau pontambangi nganga' nu beleyum, da beleyum Kuhela'mo osule'akonmo montulu jalan anu tinulu mae nu belemiu tempo'nyo belemiu tinoka mae aiya.”

YESAYA 5:15

Toto samian opopo ambangmo ka' anu buulon madi'mo ohalagai.

YESAYA 50:11

O, belemiu anu mongka'oho'mo monsilakai mian sangga'at, posi tanga'anmo nu belemiu na monsilakai belemiu. Tumpu na mombau aijo' da jadi, belemiu osakisamo hondo.

YESAYA 65:7

kalana dosa' nu aha ka' dosa' nu mompolee' nu aha. Aha nompopo'ambangmo Aku kalana nompapumo kamangian i puge'nyo tampat ponsomban to pilo-pilogot. Aku mombalosije aha sitimbang tiba palabuatan anu lewa'mo binau nu aha.”

YESAYA 9:9

“Laigan to daka-daka' anu batu na binau nohobo'mo, panyo kami po ule'mo mombau laigan toto daka-daka' anu bu'ou anu batu na obau. Kau' ara singkapmo tina'an, panyo obolosimo mami nu kau' cemara i Libanon anu ma'ima' hondo”.

YEREMIA 25:29

Ku tampu'unimo na mohansuni lengkat pe'e iposi kota'-Ku. Dumo nu sangka nu aha au' aitu aha na madi' ahi' ohukum. Aha na memang ahi' ohukumo kalana Aku mompotokamo mae pahampatean hi iwi-iwi' na bansa anu isongko-songko na dunia aiya. Aku, Tumpu Anu Balakuasa, notataemo.

YEREMIA 50:18

Kalana aijo', Aku, Tumpu Anu Balakuasa hondo, Tumpu Allah Israel mohukumo i Tomundo' Nebukadnezar tiba lipu'nyo susumo Aku nohukumo itomundo' Asyur.

YEREMIA 50:32

Bansa nu beleyum anu talalo buulon aijo' tosumpunmo ka' tombahangkangmo. Madi'mo daagi' ko samin na anu montulungi beleyum da po ule' tuminjo. Sinin na kota' nu beleyum Ku papumo, ka' iwi-iwi' na daerahnyo ohansunimo.”

YEHEZKIEL 31:10

Kalana aijo' Aku, Tumpu Anu Matangkas na Kuasanyo mompoto'imo hi beleyum apaa na anu jadi saidi' mae hi kau' anu tuu'nyo toka-tokamo i kundom aijo'. Kalana de talalomo matangkas, talalomo mule' ahi' mompakabuulon na ia.

YEHEZKIEL 31:14

Iwi-iwi' aijo' jadimo da otampu'uni uuka aiya madi'mo daagi' ko kau' anu tumuu' sumo aijo' na kotangkasnyo; madi'mo daagi ko tuu' nu kau' anu montoka-toka kundom maumo ahi' mohumpak uee anu molabi-labi. Iwi-iwi' tionyo ahi' silaka susumo manusia anu madi' tumuu' batu ka' sihukmo mosa'angu' tiba to mia-mian anu nintatau'mo i dunia nu mian anu sinilakamo.”

DANIEL 11:45

Ka' mule' ia mombaumo kemah nu kalaja'annyo i olot nu ambai tiba bungkutnyo tampat nu Laigan nu Tumpu. Panyo lapas aijo' silakamo ka' madi' ko anu salasamian pe'e na nontulungi ia.”

DANIEL 4:37

Jadi uuka aiya aku i Nebukadnezar mompuji'mo, mompopodaka'mo katalasanggoan nu Tomundo' nu Suluga'. Iwi-iwi' na anu binau-Nyomo totu'u ka' mule' adin ka' moko ala mompota'aluk mian anu kalakuannyo takabun.

NOMBILANGMO 24:24

Panyo lengkat mae i Siprus tokaje mae na sa'angu' na kapan anu mompahampateakon, aha mompatundu'mo Asyur ka' Heber, lapas aijo' suele kapan anu mompahampateakon aijo' tompumo ka' mohopu'mo na miannyo.”

MATIUS 12:33

“Da mohumpak bua' anu ma'ima'; pu'unnyo nu kau' tionyo molumba'. De pu'unnyo nu kau' madi' molumba', bua'nyo suele madi' ma'ima'. Molumba' kabai madi' na kau' osumbu' i bua'nyo.

MATIUS 15:19

Kalana lengkat i uno nu kinyonyoa lubat na pikilan-pikilan anu ma'idek, anu monsabapi mian mompatei, masala' mombau anu moko mahenyu, montomang, mombee'i sakisi baleko', ka' mompitana'akon.

PO'ULE' INGULIT 32:27

Panyo aku madi' mongka'oho' sampobali' nu aha Israel kobubuunmo; boli-boli aha sala' na monsangka ka' notatae tukoonyo nu aha, ahamo na nohungku'i mian anu pinalesayamo hi beleng-Ku,’ padahan Aku ahi' na nombaumo han aijo'.”

1 PETRUS 4:17

Tinokamo na tempo'nyo Tumpu momputusimo dunia. Ka' mian anu pinalesayamo hi Tumpu na anu o putusi momonanyo. Jadi, de nutampu'unimo nu Tumpu hi kita, mosiamo ahi' na katimbaliannyo saidi' mae tiba to mia-mian anu madi' palesaya i Lele Ma'ima' anu lengkat mae hi Tumpu aijo'?