YESAYA 10:1 - KITAB NU TUMPU ALLA LELE MA'IMAI'

¹ Silakamo na belemiu kalana nombaumo atulan-atulan anu madi' adin na mombei palentah anu monsakisa bansang-Ku.

YESAYA 10:1 ပူးပေါင်းရင်းမြစ်များ

1 TOMU-TOMUNDO' 21:13

Mian anu uwesan ua'aha aijo' sinumuhangmo mompaha ahop i Nabot, ka' i ahop nu mian da'isan aha nontuukmo ia au' aitu ia nontotobi'akonmo Tumpu Allah tiba tomundo'. Kalana aijo' ia sinabatakonmo i kota' ka' pinahambunu'akonmo nu batu sampe ia nate.

MAZMUR 58:2

O, to mia-mian anu balakuasa pa' adin ahi' na kaputusan nu belemiu? Pa' hodi' ahi' na kinyonyoa nu belemiu de belemiu momputusimo palakala nu manusia?

NOSABATMO 23:3

De mongulus palakala nu mian boli obeda-bedakon maumo anu o'ulus aijo' mian anu kasiasi.

NOSABATMO 23:6

O'ulus na mian misikin adi-adin de ia toka mongkalak palakalanyo hi mian kopian.

YESAYA 29:21

mian anu saja' mompobau-bau mian sangga'at, mian anu montewa' da boli ohukum na miana nu ma'idek na kinyonyoanyo ka' mule' mian anu saja' molea-leangakon sisik anu toto bale-baleko' da mian anu madi' tageo' na kinyonyoanyo boli obee'i ka adilan.

YESAYA 3:11

Panyo silakamo na mian anu ma'idek na kinyonyoanyo! Aha osakisamo susumo aha nonsakisamo mian sangga'at.

YESAYA 3:14

Tumpu mongulusmo susumo mian kopian hi aha to pola-polaya' nu aha mian anu palesayamo hi Ia. Sumo uuka na Tumpu nontudu aha; “Belemiumo na nontomang iwi-iwi' na isi nu ale' nu anggur; laigan nu belemiu kahomo balang anu ingagoan nu belemiu hi aha mian anu kasiasi.

YESAYA 5:11

Silakamo na belemiu! Lengkat pe'e daagi subu sampe malom belemiu ola sola' bala inum inumon anu mokopalangu ka' lewa' malangu.

YESAYA 5:18

Silakamo na belemiu anu me saja' mombau dosa!

YESAYA 5:23

Panyo ola kalana mohumpakmo doi anu abu pontamboi, sahingga belemiu mompobebasmo anu kokasala'annyo ka' mombanta mian anu madi' kokasala'annyo da madi' pokonai ka'adilan.

YESAYA 5:8

Silakamo na belemiu anu lewa'mo nongoli ka' lewa'mo nongagoi ale' da bau pontuangi apaa na anu nu belemiu! Madi' pin mingkotmo na tampat nu aha mian sangga'at sahingga me belemiu na jojoong ilipu' aiya.

YESAYA 59:13

Kami madi'mo nohongo ka' pinusamo hi Tumpu, ka' madi'mo mongka'oho' mombatuki Tumpu mami. Kami lewa'mo nonsakisa mian sangga'at ka' madi'mo nombatuki atulan, pikilan mami sinala'mo ka' potatae mami binaleko'mo.

YESAYA 59:4

Belemiu mongkalak palakala madi' ko sababnyo apa-apaa ka' momputusi palakala madi' adin. Belemiu baleko' ka' montakabunakon anu madi' kogunanyo; belemiu ko tanga'an monsilakai mian sangga'at ka' mombau anu ma'idek.

YEREMIA 22:13

Silakamo na mian anu mombau laigannyo panyo binau nu jalan anu madi' adin, ka' nompodaka'mo panyo pinodaka'mo nu jalan anu madi' hodi' na kinyonyoa. Silakamo na ia anu mompalentah mian mokalaja padahan madi' otamboi.

AMOS 2:7

Aha mongkabisa'i mian anu madi'mo moko ala mombau apa-apaa ka' mola'mo mian anu kasiasi. Tuuma ka' anak mongkamale'imo posaihon boune; bounemo ai-aijo', sahingga mongideimo sanggong-Ku anu Susi'.

MIKHA 6:16

Iwi-iwi' aijo' jadimo saidi' mae kalana belemiu nontulutimo palabuatan anu toto ide-idek hi Tomundo' Omri, tiba anaknyo aijo'mo i Tomundo' Ahab. Belemiu nontulutimo sipa-sipat nu aha. Kalana aijo' Ku hansunimo na belemiu, ka' belemiu lewa'mo opobau-bau ka' mule' lewa'mo o'alu nu iwi-iwi na bansa.”

HABAKUK 2:12

Kinutukan na beleyum! Kalana palabuatan nu beleyum ma'i-ma'idek atina' sahingga noko alamo nombau kota'. Ka' nombau atina' lewa' nompatei mian.

HABAKUK 2:15

Kinutukan na beleyum! Beleyum nongalumo ka' nompopo'ambangmo mian anu mompaha ohani laigan nu beleyum; binau nu beleyum na aha, da nahasasungonanmo susumo mian anu nalangumo.

HABAKUK 2:6

Panyo iwi-iwi na anu pinatundu'nyomo aijo' saidi' mae lewa'mo monsisik han anu ma'idek ka' mule' lewa'mo mongalu. Aha motatae, “Kinutukan na beleyum kalana montambun balang anu misa' belemiu na tumpunyo! Daagi hipian na kopinnyo na beleyum mompokaya butong nu beleyum anu lewa'mo mompakisa to mia-mian anu kosamaya'nyo hi beleyum da bau pombayan samaya nu aha?”

HABAKUK 2:9

Kinutukan na beleyum! Beleyum nompokayamo auan nu beleyum nu kauntungan anu i humpak nu beleyum kalana nompakisamo, da laigan nu beleyum amanmo ka' madi'mo ko kasusa'an ka' mule' balaa' anu montokai mae.

MATIUS 11:21

“Silaka na komiu, Korazim! Ka' silaka mule' na komiu Betsaida! Ande-andenyo anu okabangangi binau i totonga' miu, binaumo i Tirus ka' i Sidon, tantu to mia-mian i kiijo' mae pininmo na binala tobat i to dosa-dosa' nu aha ka' nompakemo pakean nu adat de ko anu mate, ka' nompotudumo abu' i buan nu ubak.

MATIUS 23:23

Silaka na komiu to gulu-gulu' agama ka' to mia-mian nu Farisi! Komiu ola ahi' mombau pula-pula! To lampa-lampa sumo solasi, adas manis, ka' suele jintan, komiu mombee'i, de sampulu' na bahagian sambahagian hi Tumpu. Padahan hahan anu palalu hondo i uno nu to atu-atulan nu agama, sumo umpamanyo: Ka'adilan, mompahakali-kalibosi, ka' mohongo-hongo, madi' o palahatikan miu. Padahan aijo'mo na tionyo o bau miu, tiba madi' timbali mompojohok anu toto sangga'at.

MATIUS 23:27

Silakamo na komiu to gulu-gulu' agama ka' to mia-mian Farisi! Komiu ola ahi' mombau pula-pula! Komiu sumomo to kubu-kubun anu o set mopute', i sambiha'nyo o toa ma'ima', padahan i unonyo mobuke' nu buku ka' iwi-iwi' anu to busi-busik.

MATIUS 23:29

“Silakamo na komiu to gulu-gulu' agama ka' to mia-mian nu Farisi! Komiu ola ahi' mombau pula-pula! Komiu mombau tampat pongkubulan anu to ma'i-ma'ima' bau anu nu to nabi-nabi, ka' mombunga-bungai kubulan nu to mia-mian anu ma'ima' na kantumuu'annyo.

MATIUS 26:24

Memang Anak nu Mian tionyo mate, sumo anu tinulis i uno nu Kitab nu Tumpu. Panyo silaka na mian anu mongkabisa'i Anak nu Mian! Lebe ma'ima' na mian aijo' de ia madi' pinohampe!”

LUKAS 11:52

Silaka na komiu to gulu-gulu' agama! Gunsing bau pontuhea'akon tumban kapandean, pino'una'mo hi komiu, panyo posi komiu madi' mongka'oho' minsoop i unonyo da molio kapandean aijo'. Ola mule' komiu mombau hahan, sahingga to mia-mian madi' mongka'oho' ko usaha minsoop i unonyo!”

YOHANES 19:6

Salatan to kapa-kapala nu imam, ka' ponjaga-ponjaga aijo' nontoa i Yesus, aha noloboo'mo, “Salibmo na Ia! Salibmo na Ia!” I Pilatus notatae hi aha, “Ala na Ia, ka' komiumo na mosi salib, aku madi' nohumpak sa'angu' pe'e na kasala'an hi Ia.”

YOHANES 9:22

Tina Tuuma nu mian aijo' notatae sumo aijo', kalana aha mabuhuk hi to pola-polaya' nu Yahudi; kalana aha aijo' sinambukumo, tukoonyo mian anu mongakui Yesus Tomundo anu Momposalamat, madi'mo daagi' timbali minsoop i laigan pogalejaan.

YUDAS 1:11

Silaka na aha! Kalana aha nombatukimo jalan anu tinuluanmo i Kain. Da mohumpak doi, aha nontuamo butong nu aha i uno nu kasala'an, pokakana sumo i Bileam. Ka' aha mule' pinateanmo kalana notomuhukmo susumo i Korah.