YESAYA 1:9 - KITAB NU TUMPU ALLA LELE MA'IMAI'

⁹ De bisuannyo Tumpu Anu Daka' hondo na Kuasanyo madi' nongala aha to pia-piangkuka na mian, kita sinilakamo iwi-iwi' mimbalu-balu' mo Sodom ka' Gomora.

YESAYA 1:9 ပူးပေါင်းရင်းမြစ်များ

KAJADIAN 18:26

Tumpu notatae, “De lapangnyo Ku humpak limampulu' na mian anu madi' ko sala'nyo kiijo' i Sodom, Ku ampuni na kota aijo' songko-songko kalana aha.”

KAJADIAN 18:32

Ahennyo notatae na i Abraham, “Boli pusa, o Tumpu, aku me minsan na motatae. Mosia de ola o humpak sampulu' na mian?” Tumpu notatae, “De daagi' ko aha sampulu' na mian anu madi' ko sala'nyo, madi'mo Ku silakai na kota aijo'.”

KAJADIAN 19:24

Monti-montiik Tumpu nontudunakonmo ujan alilang anu ko apunyo hi Sodom ka' Gomora.

1 TOMU-TOMUNDO' 19:18

Panyo' 7.000 na mian nu Israel Ku posalamatmo, aijo'mo to mian-mian anu sabole-bole montuluti Aku, ka' madi' toho' tolodadupu monsomba patong nu Baal kabai mongooki ia.”

2 TOMU-TOMUNDO' 19:4

Tomundo' Asyur nonsaimo mae samian na suludadu anu matangkas na pangkatnyo da mompopo ambang Tumpu Allah anu tumuu'. Ihe na monsumbu' Tumpu Allah nu belemiu nohongomo pinompopo'ambang aijo' ka' mohukumo aha anu nontaeakon! Kalana aijo' do'akonmo hi Tumpu Allah na mianto haha aijo' anu daagi' tutuu'.”

YESAYA 1:8

Ola Yerusalem na madi' ingidean, panyo susumo kota anu tinumbuhan mo, ka' madi'mo noko ala gawe, susumo tahop i ale' nu anggur ka' tahop i ale' nu kantimun.

YESAYA 11:11

Toka isinaa aijo' Tumpu po ule' mule' monggunakon kakuasa'an-Nyo ka' monsule'akonmo mae mian anu palesayamo hi Ia anu tinasisa i Asyur ka' i Mesir, ka' mule' i iwi-iwi na lipu' Patros, Sudan tiba Elam anu kiijo' i Babel, ka' mule' Hamat tiba iwi-iwi' na togong anu toto jo'o-jo'on.

YESAYA 11:16

Kona hi aha mian anu palesayamo hi Ia dadaagi' tinasisa mae tabuka'mo na jalan daka' da posabatan mae lengkat i Asyur, susumo aha Israel nosabatmo mae lengkat i Mesir.

YESAYA 17:6

Susumo kau' zaitun anu noko tipuanmo na bua'nyo ka' me tinontuha' pa' sangkuka itutuu'nyo nu panga'nyo sumo aijo'mo na Israel me sangkiding na miannyo na salamat. Aku, Tumpu, Tumpu nu aha Israel nompoto'imo.”

YESAYA 24:13

Sumo aijo'mo na anu jadi' isongko-songko na dunia saidi' mae hi iwi-iwi' na bansa. Sumomo ahi' itempo' nu pompadakan salatan bua' nu zaitun o, alamo sampe mingkot ka' mule' bua' nu anggur anu kamingkotannyomo otipumo aijo' i pumpungannyo.

YESAYA 24:6

Kalana aijo' Tumpu mongkutukimo tano' ka' mohukumo mian anu monjojoongi kalana palabuatan nu aha. Aha opapuimo ka' madi' manjoo' na aha anu oposalamat.

YESAYA 37:4

Tomundo' nu aha Asyur nonsaimo mae suludadunyo mata-matangkas na pangkatnyo da mompopo ambang Tumpu anu tumuu'. Ihe anu monsumbu' pa' Tumpu nohongomo mae anu binau pinopo ambang nu aha aijo' ka' mohukumo aha anu nontaloakonmo mae aijo'! Kalana aijo' balado'amo hi Tumpu da nu tulungi mae na kita to mia-mian anu daagi' tutuu'.”

YESAYA 46:3

Potombihing mae na Aku, o, mian lee' mae i Yakub, belemiu iwi-iwi' anu tinontuha' na mian anu palesayamo hi beleng-Ku. Aku nompotuu'mo belemiu, salatanmo pe'e belemiu ihampemo.

YESAYA 6:13

Pakalaus de daagi' ko anu aha sampulu' na mian lantas samian na daagi' jojoong ilipu' aijo' ia suelemo ahi' opatei. Panyo susumo kau' nunuk de otaa'mo daagi' ahi' ko tu'onyo sumo aijo' mule' daagi' ahi' ko tuha'nyo na bansa aijo' anu saidi' mae pomulaian mian anu susi'mo.”

YESAYA 65:8

Tumpu notatae, “Bua' nu anggur anu daagi' ko ueenyo madi' o, alin panyo opotimbalimo uee' nu anggur. Sumo aitu mule' na bansang-Ku madi' ku hopu'i iwi-iwi', kalana kiijo' hi aha daagi' ahi' ko anu tulu-tulutan hi beleng-Ku.

YEREMIA 23:14

Panyo mule' ahi' i Yerusalem tinoang-Ku to nabi-nabi nombaumo palabuatan anu lebe ma'idek mule'. Aha binaleko'mo ka' nasala'mo ka' mule' nonsangaja'imo mian anu mombau palabuatan anu ma'idek sahingga madi'mo daagi' ko samian na kahanda' balatobat. Ku anggap na aha iwi-iwi' na'idekmo susumo mian anu jojoong i Sodom tiba i Gomora.”

YEREMIA 42:2

hi belengku ka' nompoto'i, “Kita tuuma, susumo anu pinosi toamo nu kita Tuuma, kami aiya naipuan mae manjoo', panyo uuka aiya me sangkiding. Opoita mami kita Tuuma da mondo'akon mae kami hi Tumpu Allah anu nu sombah nu kita Tuuma. Do'akon mae na kami anu daagi' tinontuha' aiya,

YEREMIA 50:20

Toka itempo'nyo aijo' Israel tiba Yehuda belesi'mo madi'mo baladosa', kalana Ku ampunimo na to mia-mian anu pinosalamat-Kumo. Aku, Tumpu, notataemo.”

MOHAANGI 3:22

Liibos nu Tumpu madi' toho' mingkot, balakatnyo madi' toho' mingkot,

MOHAANGI 4:6

Mianku anu palesayamo i hukumo lebe maboat molingkudui aha mian anu jojoong i Sodom anu ola tolo kulap, i hansunmo na pinombau nu lima nu Tumpu Allah misa kalana pakalaja'an nu manusia.

YEHEZKIEL 14:22

De bisuanyo ko anu moko ala mopalai ka' moko ala momposalamat to ana-anaknyo palahatikan na aha de maluanyo aha tokamo mae hi belemiu. Toa na ko ideknyo na palabuatan nu aha sahingga belemiu mangalti'je taalu' memang madi' ahi' sala' na Aku nohukumo Yerusalem.

YEHEZKIEL 6:8

Daagi' sangkiding na bagian na Ku potumuu' na aha madi opatei panyo aha oga'a-ga'atakonmo mamba hi bansa-bansa sangga'at;

YOËL 2:32

Panyo de ihe na momoita tulung hi Tumpu saidi mae nu posalamatmo. Tumpu motataemo, “I Yerusalem to mia-mian anu pinile'an-Kumo oposalamatmo.”

AMOS 4:11

Sambahagian na belemiu ihansunan-Kumo susumo Aku nohansunimo Sodom tiba Gomora. Anu daagi' tinumuu' na belemiu me susumo lo'uton anu ingala mae aijo' i apu. Maumo sumo aijo' belemiu madi' ahi' daagi' minsusule' mae hi beleng-Ku.

HABAKUK 3:2

O Tumpu i hongongkumo na anu biaumo nu Belento. Sahingga kapandean bapikin ingoa'anku nanjoo'mo i uno nu kinyonyoangku. De timbali da palabuatan anu Daka' aijo' o'ulit pe'e nu belento ka' oponyata' mae nu belento hi kami tempo' uuka aiya. Tionyo ahi' kami aiya okalibosi mae nu Belento maumo ahi' Belento napanasmo na kinyonyoa.

ZEFANYA 2:9

Kalana Aku anu tumuu', Tumpu nu bansa Israel, Kusapuimo iwi-iwi' na Moab tiba Amon susumo Sodom ka' Gomora. Lipu' haha aijo' mobuke'mo nu bubung anu kaho timusonnyo, kota' anu singkapmo ma'idek anu nu tumuu'imo nu kau' tiba hemput sampe sidu-sidutu'. Tuha' nu mian-Ku anu pinalesayamo anu daagi tutuu' montomangmo mian anu jojoong ikiijo' ka' mongalamo tano' nu aha.”

MATIUS 7:14

Panyo soki ka' susa' na sabatan ka' jalan anu momboa mian i kantumuu'an. Ka' ola sangkiding na mian anu mongkabot.”

ROMA 9:27

I Nabi Yesaya notatae sahondo-hondonyo mongkona bansa Israel, “Mau mule' konjoo' nu bansa Israel sumo bone' i ambai, panyo ola sangkiding na anu salamat;

ROMA 9:29

I Yesaya notatae sumo uuka mule', “De Tumpu Anu ko Kuasa madi' nombee'i kita lee', tantu kita iwi-iwi' tinimbalimo Sodom ka' Gomora.”

PO'ULE' INGULIT 29:23

Ale' miu iwi-iwi' madi'mo ma'omuk ka' nutumuu'imo nu padang ka' tabuhonmo nu belelang ka' timuson. Tano'nyo madi'mo timbali posu'anan ka' hemput madi'mo mongka'oho' tumuu' ikiijo'. Lipu' nu belemiu sumomo to kota-kota nu Sodom ka' Gomora, Adma ka' Zeboim anu ingideanmo nu Tumpu tempo'nyo Ia talalomo hondo notambuha'.

2 PETRUS 2:6

Pokakanamo na balu-balu'nyo sumo kota nu Sodom ka' Gomora: Tumpu nonggalisimo kota haha aijo' nu apu da timbali sonto' mongkona apaa na anu saidi' mae timbali hi to mia-mian anu ma'idek.

ANU PINOTO'I HI YOHANES 11:8

Ka' aha anu sinilakamo paha-paha timpasmo i jalan anu ewa i kota daka', anu pinonsalipan nu aha Tumpu. Sanggo anu pinongkantuangakon kota aijo' atina'mo Sodom kabai Mesir.