YESAYA 1:8 - KITAB NU TUMPU ALLA LELE MA'IMAI'

⁸ Ola Yerusalem na madi' ingidean, panyo susumo kota anu tinumbuhan mo, ka' madi'mo noko ala gawe, susumo tahop i ale' nu anggur ka' tahop i ale' nu kantimun.

YESAYA 1:8 ပူးပေါင်းရင်းမြစ်များ

AYUB 27:18

Laigan nu mian anu ma'idek na kinyonyoanyo mahu'mo susumo peta nu loa', ola laigan anu madi' pin na o joongi susumo tahop nu mian anu monjaga.

MAZMUR 9:14

Toa mae, na sampobali'ku monsansalamo aku; kalibosiakon mae na aku, o Tumpu, po'uhanakon mae na aku da boli silaka,

YESAYA 1:7

Lipu' nu belemiu ingideanmo; kota-kota' nu belemiu pinapuanmo iwi-iwi'. Mian anu i salipu'an nongalamo tano' nu belemiu ka' ingideannyomo na isinyo.

YESAYA 1:9

De bisuannyo Tumpu Anu Daka' hondo na Kuasanyo madi' nongala aha to pia-piangkuka na mian, kita sinilakamo iwi-iwi' mimbalu-balu' mo Sodom ka' Gomora.

YESAYA 10:32

Sinaa uuka sampobali' tinokamo i kota' Nob, ka' ikiijo' mae aha nontangkakonmo pajagun nu aha i sasu Puge'nyo nu Sion, mambamo i kota' Yerusalem.

YESAYA 29:3

Tumpu montumbuhimo kota' aijo' ka' montikumo songko-songko na pasu'nyo.

YESAYA 30:17

Samadala na mian saidi' mae ola mopalai de montoamo samian na sampobali' montumbuhimo mae belemiu, ka' de ahamo olima' na montumbuhi mae belemiu iwi-iwi' mopalaimo. Anu sanggombu na suludadu nu belemiu me totahan sangkau na tiang nu bandela' aita' ipuge'nyo.

YESAYA 37:22

pinoto'i nu Tumpu, “Kota' Yerusalem mongkokojoimo ka' mongalumo beleyum, Sanherib!

YESAYA 37:4

Tomundo' nu aha Asyur nonsaimo mae suludadunyo mata-matangkas na pangkatnyo da mompopo ambang Tumpu anu tumuu'. Ihe anu monsumbu' pa' Tumpu nohongomo mae anu binau pinopo ambang nu aha aijo' ka' mohukumo aha anu nontaloakonmo mae aijo'! Kalana aijo' balado'amo hi Tumpu da nu tulungi mae na kita to mia-mian anu daagi' tutuu'.”

YESAYA 4:4

Kakuasa'anmo nu Tumpu na momputusi saidi' mae ka' mompoko ima'imo mian anu palesayamo hi Ia. Ia mompobelesi'mo baso' nu to mia-mian i Yerusalem anu pinatean ikota' aijo'.

YESAYA 49:21

Sahingga beleyum motataemo i uno nu kinyonyoa ‘Ihe na nompohampe anak haha aiya hi belengku? Te misa' nolapusmo ahi' na to ana-anaku, ka' madi'mo ahi' daagi' mompohampe? Aku binoamo ka' pinojoongmo kiijo' mae ka' ingalinmo, ka' pinala'ianmo me ahi' sausa'. Jadi lengkat mae iya na anak haha aiya ka' ihe na nompidaka'i aha?’ ”

YESAYA 62:11

Tumpu mombee'imo potunon sumo uuka hi aha songko-songko na dunia, “Poto'i hi aha anu jojoong i Sion, ‘Toa, Tumpu anu Momposalamat tinokamo! Ia sinangaluan mae nu to mia-mian anu pinobebasnyomo.’ ”

YESAYA 8:8

Nu letabimo nu aha na Yehuda susumo lapangnyo iaba' toka-tokamo igogohong na kotangkasnyo ka' mule' mongomokimo iwi-iwi na apaa.” Tumpu na monsangalui kita! Polipik-Nyo anu bibinokamo nonsalumbungimo lipu'to aiya.

YEREMIA 4:17

Ka' montumbuhimo Yerusalem susumo mian anu monjagai ale'. Iwi-iwi' aijo' jadi saidi' mae kalana bansa Yehuda notomuhukmo hi Tumpu. Tumpu notataemo.

YEREMIA 6:2

Kota' Sion handa hondo, panyo nu hansunimo nu Tumpu;

MOHAANGI 2:1

Tumpu nongalamo sa'angu' na kaputusan i uno nu kapusan-Nyo, Sion kinuluban-Nyomo nu pikat hondomi'. Katalasanggoan nu Israel anu talalomo natangkas toka-tokamo i langit ingalin-Nyomo i dunia. Salatan Tumpu pinusamo laigan-Nyo pe'e kiita i Sion madi'mo ilinga-linga-Nyo.

MOHAANGI 2:6

Ia nohansunimo laigan-Nyo tampat posa'angu'an nu mian-Nyo anu palesayamo hi Ia monsombah Ia. Binau-Nyomo na mian da mongkolilimi sinaa nu Sabat tiba iwi-iwi' na sinaa molamean. Kalana Tumpu talalomo hondo pinusa imam tiba tomundo' madi'mo tinalima-Nyo.

ZAKHARIA 2:10

Tumpu notatae, “Panyanyimo bila-bilahi o, mian anu jojoong i Yerusalem! Aku jojoongmo atina' hi belemiu!”

ZAKHARIA 9:9

O, mian anu jojoong i Sion, balame-lame'mo! O, mian anu jojoong i Yerusalem pontaligalaimo! Toamo! Tomundo' nu beleyum tinokamo ka' inguntungmo mae na nahampate! Ia tomundo' anu adin momomboamo mae kasalamatan. Panyo madi' bakadaka'an na ia toka mae monsake'i keledai, sa'angu' na keledai anu daagi' bata'nyo.

YOHANES 12:15

“Boli mabuhuk, langkoyang nu Sion! Toa na Tomundo'um tinokamo, monsake'i sa'angu' na keledai bata'nyo!”