YESAYA 1:7 - KITAB NU TUMPU ALLA LELE MA'IMAI'

⁷ Lipu' nu belemiu ingideanmo; kota-kota' nu belemiu pinapuanmo iwi-iwi'. Mian anu i salipu'an nongalamo tano' nu belemiu ka' ingideannyomo na isinyo.

YESAYA 1:7 ပူးပေါင်းရင်းမြစ်များ

2 TAWARIKH 28:5

Kalana i Tomundo Ahas binaladosa'mo, Tumpu Allah-nyo nompojohokmo ia da pinatundu' nu tomundo Siria anu suele nomboamo mian nu Yehuda manjoo' hondo salaku mian anu i hakop ka' binoa i Damsyik. Tumpu mule' nompojohokmo ia da pinatundu' i Tomundo Pekah anak i Remalya mian nu Israel, anu nompateimo sinansinaa aha 120.000 na suludadu nu aha Yehuda anu toto babaani. Tumpu Allah mompolee' nu aha nompojohokmo iwi-iwi' aijo' da jinadi kalana mian da'isan nu aha Yehuda madi'mo nontapali Tumpu.

MAZMUR 107:34

Tano' anu molumba' pinotimbali-Nyomo tampat padang anu napoyu'mo nu timuson, kalana palabuatan ma'idek nu to mia-mian anu jinojoong ikiijo'.

MAZMUR 107:39

Panyo aha pinatundu'mo ka' madi'mo nanjoo' kalana kasansala'an ka' talalomo pinosakisa hondo.

MAZMUR 109:11

Bakas da iwi-iwi' na halata'nyo nu alamo nu mian anu montage samaya hi ia, ka' hasin nu ia nalawe na nokalaja nu agoimo nu mian.

YESAYA 1:8

Ola Yerusalem na madi' ingidean, panyo susumo kota anu tinumbuhan mo, ka' madi'mo noko ala gawe, susumo tahop i ale' nu anggur ka' tahop i ale' nu kantimun.

YESAYA 3:8

Memang Yerusalem madi'mo kino angga'nyo! Yehuda madi'mo tinala sanggo! Kalana iwi-iwi' na potatae tiba palabuatan nu aha madi'mo nontuluti Tumpu ka' madi'mo nompajuli kakuasa'an-Nyo.

YESAYA 34:9

Iwi-iwi na kaunyo nu Edom mongabali'mo sumomo ter, ka' tano'nyo timbalimo belerang. Ahennyo songko-songko na lipu' moakmo susumo ter opapuimo.

YESAYA 49:19

Lipu' nu beleyum anu kinunmo ka' iliingmo hondo uuka aiya binunsokmo hondo hi aha to mia-mian anu kahanda' monjojoongi. Ka' aha to mia-mian anu kahanda'mo mompatei beleyum, nambamo jo'o-jo'on nompala'i beleyum.

YESAYA 5:17

Ikota' anu ihansunmo saidi' mae mee' tiba domba mongototmo hemputnyo ka' mule' madi'mo kakulangan i anu okaan.

YESAYA 5:9

Ihongongku Tumpu Anu Daka' na Kuasanyo binasumpa'mo, “Iwi-iwi na laigan anu to daka-daka' haha aiya ka' mule' anu to ima-ima' haha aiya iwi-iwi' aijo' longkangmo madi'mo ko anu monjojoongi.

YESAYA 6:11

Aku nompokilawamo, “Sampe tokaje hi pian na kopinnyo na anu susumo aiya saja' jadi, o, Tumpu?” Tinaaman-Nyo mae, “Sampeje iwi-iwi na kota' hansunmo ka' madi'mo ko anu monjojoongi, iwi-iwi' na laigan madi'mo ko anu monjojoongi ka' mule' tano' madi'mo ko apa-apaanyo ka' mategesmo.

YESAYA 60:15

Beleyum madi'mo opala'i ka' oka'ideki, ka' madi'mo opojohok da timbali liing hondo. Beleyum Ku pojadimo katalompoan sampe toka sidu-sidutu' bau tampat kalame'an sampe toka sidu-sidutu'.

YESAYA 62:8

Tumpu nonsumpa'mo palajanjian-Nyo ka' nu pojadimo nu kuasa-Nyo: “Aku madi'mo daagi' mombee' gandum nu beleyum hi sampobali' nu beleyum; anu kinalaja nalawe hondo nu beleyum sampe nohumpak hasinnyo.

YESAYA 64:10

Iwi-iwi na kota' susi' nu Belento sumomo ahi' padang tampat anu mateges Yerusalem tinimbalimo padang tampat anu kinunmo ka' ilingmo.

YESAYA 9:18

Tumpu Anu Daka' na Kuasanyo talalomo hondo notambuha' ka' hukuman anu Nu nabu'akon sumomo apu anu kino ilos-ilosmo ka' bansa aijo', aijo'mo na anu nu nu toyo'imo. Madi'mo daagi' kosamian na anu mongkalibosi utusnyo.

YESAYA 9:5

Samian na anak hampemo aiya hi kita; kita binee'anmo samian na anak mo'ane. Ia na saidi' mae timbali polaya'to. Ia osanggohi: “Anu pande na mombee'i Pokinde'i”, “Tumpu anu Baani”. “Tuuma au tumuu' Sampe toka sidu-sidutu'”, “Tomundo' anu Mompodame”.

YEREMIA 2:15

Sampobali'nyo mohu'akonmo ia susumo singa tano'nyo opokunmo ka' madi'mo daagi' ko isinyo iwi-iwi' na kota'nyo mingkotmo nu toyo'i nu apu opojohokmo madi'mo ko anu monjojoongi.

YEREMIA 4:7

Sumomo ahi' singa anu nosabatmo lengkat mae ipinaninsulukannyo sumo aijo'mo mule' nambamo na anu sola' mohopu'i bansang-bansang anu tokamo mae kahanda' monsilakaimo Yehuda. Kota-kota' nu Yehuda singkapmo hansun jadimo tampat anu madi'mo nu jojoongi nu mian.

YEREMIA 44:6

Mokonyo aijo' pinobuntung-Kumo na tambuha'-Ku tiba idek nu kinyonyang-Ku hi kota-kota' Yehuda tiba jalan-jalan kiijo' i Yerusalem. Iwi-iwi' pinapung-Kumo sahingga tinimbalimo ihansun ka' kinunmo susumo anu tinoamo tempo' uuka aiya.

YEREMIA 6:8

O mian anu jojoong i Yerusalem, opai-pailio da iwi-iwi' na kasansala'an aijo' timbalimo ahi' sa'angu' na pokide' hi belemiu! Dumo ahi' ku pala'i na belemiu ka' Ku bali'imo na kota' nu belemiu timbalimo padang tampat anu mateges anu madi' nu jojoongi nu mian.”

YEREMIA 7:34

Lipu' aiya saidi' mae timbalimo padang tampat anu kunmo. Lewo'nu mian anu lame' tiba lewo' nu mian anu nombaumo bau-bauon nonika' Ku pobelentimo i kota-kota' Yehuda tiba i to jala-jalan nu Yerusalem.

MOHAANGI 5:2

Halata' pe'e nu mompolee' mami tinoonganmo nu mian sangga'at, to lai-laigan mami jinojoonganmo nu mian anu isalipu'an.

YEHEZKIEL 25:4

Aku Tumpu Anu Matangkas na Kuasanyo. ‘Belemiu sanang na montoa Laigan-Ku ohumimi'i ka' mule' tano' nu Israel o, ideimo ka' mule' bansang Yahudi ohakopmo ka' oboamo itampat pompojoongan aha. Mokonyo aijo' belemiu Ku pojohokmo da nu patundu'mo nu tulunan nu bansa haha aijo' anu lengkat mae i tampat anu mateges sasu Kabete'an. Aha mompotinjomo kemah nu aha ilipu' nu belemiu lantas tataapmo ikiijo'. Aha mongkaanmo bua' nu kau' nu belemiu ka' monginumo susu nu potuu'on nu belemiu.

YEHEZKIEL 30:12

Ku po'otimo na Kaunyo nu Nil ka' songko-songko na Mesir obee'mo hi aha mian anu ma'idek na kinyonyoanyo. Aha to mia-mian anu isalipu'an mae Ku pokaumo mohopu'i songko-songko na lipu' aijo'. Aku, Tumpu notataemo.”

HOSEA 7:9

Madi' sinumbu' nu aha saba' kalana nosa'angu'mo tiba bansa sangga'at haha aijo' sahingga kahosonan nu aha imadi'anmo. Pupusnyo nu aha kinosisikonnyo ohanimo mingkot panyo madi' nu sumbu' nu aha.

HOSEA 8:7

Mian-Ku anu palesayamo monsa'u mombun jadi aha mompadakje antong! Ale' nu gandum nu aha madi' jadi maha mokini ka' madi' mule' mohasinakon labu da okaan. Panyo de gandumnyo i ale' aijo' maha ka' mokini ahi' saba gandumnyo aijo' ola ahi' nu ingkoti saidi' mae nu to bansa-bansa sangga'at.

IMAMAT 26:33

Ku podaagi'mo na pahampatean i lipu' nu belemiu ka' mongga'aga'atakonmo mamba i lipu' nu mian anu i salipu'an. Ale' nu belemiu madi'mo okalaja, ka' kota-kota' nu belemiu opojohokmo me susumo tambulan nu apa-apaa.

IMAMAT 26:34

Tempo'nyo aijo' hau-haunyo belemiu binoa ka' pinojoongmo i lipu' nu sampobali' nu belemiu, ale' nu belemiu anu madi' opobee' nu belemiu da milawe, tempo'nyo belemiu daagi kiijo' mae, madi'mo belemiu nongale'i ka' nohumpakmo kasampatan milawe.

MIKHA 5:11

To aji-ajimat nu belemiu Ku hopu'imo ka' mule' iwi-iwi' na anu topo tahi'i Ku laa'mo.

MIKHA 6:13

Uuka aiya Aku montampu'unimo monsantip ka' mohansuni belemiu kalana dosa' nu belemiu iwi-iwi'.

PO'ULE' INGULIT 28:33

Bansa anu lengkat mae i salipu'an na mongala isi nu ale' iwi-iwi' anu i humpak i lawe nu pakalaja'an miu. Panyo belemiu madi' nohumpak apa-apaa ola mule' ahi' kasansala'an anu ma'idek hondo na i humpak.

PO'ULE' INGULIT 28:43

Mian anu lengkat mae i salipu'an anu jojoong i lipu' nu belemiu lebemo mongkuasai, padahan kuasa nu belemiu na ko madi'-madi'nyomo.

PO'ULE' INGULIT 29:23

Ale' miu iwi-iwi' madi'mo ma'omuk ka' nutumuu'imo nu padang ka' tabuhonmo nu belelang ka' timuson. Tano'nyo madi'mo timbali posu'anan ka' hemput madi'mo mongka'oho' tumuu' ikiijo'. Lipu' nu belemiu sumomo to kota-kota nu Sodom ka' Gomora, Adma ka' Zeboim anu ingideanmo nu Tumpu tempo'nyo Ia talalomo hondo notambuha'.