YESAYA 1:6 - KITAB NU TUMPU ALLA LELE MA'IMAI'

⁶ Lengkat pe'e i ubak toka-toka i pala nu tengke madi'mo daagi' ko anu ma'ima i butong nu beleyum. Kahomo binangkak na butong nu beleyum, kahomo ningkalubabang ka' mule' kahomo bela. Bela haha aijo' ma'isa dinagusan kabai binobodan, ma'isa mule' pinakuli'an nu lanya'.

YESAYA 1:6 ပူးပေါင်းရင်းမြစ်များ

2 SAMUEL 14:25

I Absalom opuji' salaku mian anu olitau hondo hi aha songko-songko na Israel. Madi' ko anu moko ala molingkudui ko olitaunyo aijo'. Lengkat pe'e i pala nu tengkenyo sawe-sawe' aita' i puus nu ubaknyo madi' gana ko anu opisala'i.

AYUB 5:18

Kalana Tumpu Allah na nomposakiti ia mule' ahi' na mompakuli'i. Ka' limanyo na nondoke, limanyo mule' ahi' na po'ule' mompo'alin.

MAZMUR 77:2

Pinohosonkumo na aku notatae nongkakase hi Tumpu; pinohosonkumo na aku notatae nongkakase, ka' ia nohongomo mae aku.

YESAYA 30:26

Bitu'on majingkamo mae susumo batu nu sinaa, ka' mule' batu nu sinaa lebemo majingka pimpitunmo lipat nulingkuduimo na jingkanyo bia-biasamo, sumomo ahi' jingka nu anu pitunsinaa na oposa'angu'mo. Iwi-iwi' aijo' saidi' mae jadimo de Tumpu mombobodimo ka' mompo'alinmo iwi-iwi na bela nu mian anu palesayamo hi Ia anu saja'mo ingoa'an nu aha.

YEREMIA 17:9

Kinyonyoa nu manusia na madi' ahi' opoko ala osumbu-sumbu' pande hondo, nu lingkudui na sinin na apaa ka' talalo ahi' tadok na belanyo.

YEREMIA 30:12

Tumpu notataemo hi aha mian anu palesayamo hi Ia; “Panyakit nu beleyum tinadokmo hondo, bela nu beleyum atina' madi'mo daagi'ko pakuli'nyo.

YEREMIA 30:15

Bolimo daagi' motusa' atina' i bela nu beleyum haha atina' kalana beleyum madi'mo daagi' otaha'imani timbali ma'alin. Belemiu ihukum-Kumo sumo atina' kalan dosa' nu belemiu nanjoo'mo ka' dinakamo na kasala'an nu belemiu.

YEREMIA 33:6

Panyo saidi' mae po ule'mo Ku bau susumo u'utu mae momonanyo na ka ada'an nu kota' aiya tiba miannyo anu ikiijo'; aha po ule'mo mahoson mule'. Ku bee'imo na aha kantumuu'an anu sanang ka' mule' madi'mo ko anu lewa' mompoposia aha.

YEREMIA 6:14

Bela nu mian anu palesayamo hi beleng-Ku nu anggap nu aha ola bela ise-ise'. ‘Ah, madi' mongkuka,’ aha notatae, ‘iwi-iwi' ma'ima' ka' madi' ko apa-apaanyo.’ Pada han madi' ahi' hondo-hondo sumo aijo'.

YEREMIA 6:7

Susumo mata nu uee tataap monsabatakon mae uee anu molino, sumo aijo'mo na kota' aijo' tataap mompodaagi' palabuatan anu ma'idek. Ola lele kabuhingisan ka' palabuatan sola' montololangi na anu Ku hongo ikota' aiya; bela tiba panyakit na anu Ku toa iyaya mae.

NAHUM 3:19

Bela nu beleyum madi'mo opoko ala opakuli'i ka' mule' madi'mo opoko ala da opa'alinakon. Iwi-iwi' na mian anu nohongomo lele kinahansunan nu beleyum nohapa'imo lima salaku tanda ilame'mo. Kalana iwi-iwi' na mian nongoa'imo kasansala'an kalana palabuatan nu beleyum anu ma'i-ma'idek atina' anu madi'mo kokamingkotannyo.

MALEAKHI 4:2

Panyo kona hi belemiu anu tulu-tulutan hi beleng-Ku, kuasang-Ku na momposalamat anu bete'mo mae susumo batu nu sinaa ka' jingkanyo momboa mae kahosonan nu mian anu masakit. Belemiu bebasmo ka' mule' lame'mo susumo anak nu sapi' anu salaje' mosabat mae i pangkunnyo.

MATIUS 9:12

I hongo i Yesus na aha nompokilawa lantas nontaami, “Mian anu mahoson madi' mompalalui dokoten, ola mian anu masakit.

LUKAS 10:34

Sahingga ingohaniannyo na mian aijo' ka'binaso'annyo iwi-iwi' na belanyo nu anggur ka' nompakuli'i nu lanya', lantas binobodannyomo na bela aijo'. Lapas aijo' pinosake'nyomo na mian aijo' iposi keledainyo, lantas binoanyo i sa'angu' nalaigan panumpangan da opalakai.