YESAYA 1:5 - KITAB NU TUMPU ALLA LELE MA'IMAI'

⁵ Kadaka' belemiu me saja' monggagakon? Mongka'oho' na belemiu da o hukum nu anu lebe talalo maboat hondo? Ubak nu beleyum sinongkomo nu kumahut anu minana' ka' mabusik, ma'idekanmo na kinyonyoa nu beleyum ka' pikilan nu beleyum.

YESAYA 1:5 ပူးပေါင်းရင်းမြစ်များ

2 TOMU-TOMUNDO' 1:13

Po'ule' mule' sinai i tomundo' na samian na suludadu anu matangkas na pangkatnyo tiba aha limampulu' na to sulu-suludadu sangga'at. Suludadu anu matangkas na pangkatnyo nindakomo i bungkutnyo ka' salatan tinokamo i ahop i Elia, ia tinolodadupumo ka' notatae, “Ampuniakon mae na kami, o pos posaihon nu Tumpu Allah! Kalibosiakon mae na aku ka' iwi-iwi' sangko suludadungku aiya. Boli opatei mae na kami.

2 TAWARIKH 28:22

I uno nu han anu talalomo hondo sinusa' aijo', i Ahas ola mule' ahi' nompaka baladosa'mo hi Tumpu.

NEHEMIA 9:34

Mompolee' mami, tomundo', imam ka' mule' to tu'a-tu'anyo, nolanggaimo atulan nu Belento ka' madi'mo nontapali. Iwi-iwi' na palentah tiba pokinde' anu binee'mo nu Belento, madi'mo pinajuliannyo ka' madi'mo mule' lewa' pinotombihing.

YESAYA 1:23

To pola-polaya' nu belemiu la lewa' motomuhuk ka' lewa' mombulingakon obee' hi mian; aha mongka'ima'i mongala palasen, ka' doi anu pontamboi nu mian. Aha madi' mongka'oho' montinjohi anu madi'mo ko tuumanyo ka' tinanyo iulusan nu aha mian kopian; ka' mule' madi' mongka oho' kabalatan nu tobalu-balu.

YESAYA 31:6

Tumpu notataemo, “O, bansa Israel, belemiu madi'mo nohongo-hongo mae Aku ka' binaladosa'mo hi beleng-Ku. Panyo uuka aiya po ule'mo mae toka hi beleng-Ku!

YESAYA 33:24

Madi'mo daagi' ko samian anu aiya ilipu'to na motusa' kalana masakit, ka' mule' iwi-iwi' na dosa' o, ampunimo.

YESAYA 9:13

Kalana aijo' i uno nu sansinaa Tumpu nohukumo to pola-polaya' nu aha Israel tiba aha mian da'isan. Kinolong-Nyomo ka' ingalin-Nyomo na ubaknyo tiba ikunyo.

YEREMIA 13:23

Te toho' mule' mian anu mo itom timbali mombali'i buhit nu kilitnyo, kabai harimau moko ala mongalini belongka'nyo? Tantu madi' ahi'! Sumo aijo'mo na belemiu anu biasamo mombau palabuatan anu ma'idek, susa'mo hondo na mombau palabuatan anu ma'ima'.

YEREMIA 17:9

Kinyonyoa nu manusia na madi' ahi' opoko ala osumbu-sumbu' pande hondo, nu lingkudui na sinin na apaa ka' talalo ahi' tadok na belanyo.

YEREMIA 2:30

Ola palasuma' na belemiu Ku hukum, kalana belemiu madi' mongka'oho' montalima pokinde'. Pokakana susumo singa anu nangamu'mo, sumo aijo'mo na belemiu nompateimo to nabi-nabi nu belemiu.

YEREMIA 44:15

Lantas nambamo mae hi belengku manjoo' hondo na mian, aijo'mo iwi-iwi' na to momo'ane anu nonsumbu'mo taalu' bengkele'nyo nonsombahkonmo koloban hi pilogot, ka' iwi-iwi' na to bou-boune anu tinjo-tinjo ikiijo' tibamo mian nu Israel anu jojoong i Patros, bahagian sasu salatan Mesir. Aha nompoto'imo mae hi belengku,

YEREMIA 5:3

Anu sahondo-hondonyo ahi' nu tuntut nu Tumpu aijo'mo tulu-tulutan. Tumpu nondokemo belemiu panyo madi' ahi' opajuli nu belemiu. Ia nohansunimo belemiu panyo belemiu madi' mongka'oho' opokinde'i. Belemiu panggaga hondo ka' madi' mongka'oho' balatobat mompala'i dosa-dosa' nu belemiu.

YEREMIA 5:31

to nabi-nabi binaleko'mo, to ima-imam mombau anu nu palentahkon nu Tumpu ola yayamo pongka'oho' nu kinyonyoa nu aha ka' belemiu mian anu palesayamo hi beleng-Ku nongka'ima'imo han aijo'. Panyo apaa na anu obau nu belemiu saidi' mae de tokamo na sinaanyo anu imihinyomo mae?”

YEREMIA 5:5

Sahanyo aku mamba hi aha to pama-pamalentah ka' mompoto'i hi aha. Tantu nu sumbu' nu aha apaa na nu kahanda'i tiba nu tuntut nu Tumpu Allah hi aha.” Panyo aha iwi-iwi' suele madi' ahi' mongka'oho' nu palentah nu Tumpu; aha madi' mongka'oho' montuluti Ia.

YEREMIA 9:3

ka' saja' balaniat da baleko'. Isongko-songko na lipu' palabuatan anu totu'u madi'mo balakuasa, pakalaus kinyonyoa anu madi'mo hodi' jinadimo iyaya mae. Tumpu notatae, “Mian anu palesayamo hi beleng-Ku nombaumo palabuatan anu ma'idek madi'mo kinokabelentiannyo, aha madi'mo nongakui Aku salaku Tumpu Allah nu aha.”

MOHAANGI 5:17

Bungkutnyo nu sion i liingmo ka' pinala'ianmo; i kiijo' mae dedeng nu alas lewa'mo nololo. Kalana aijo' kinyonyoa mami i na'idekanmo hondo, kami i humangmo sampe pinahaamo na kami montoa.

YEHEZKIEL 24:13

O, Yerusalem palabuatan nu beleyum pala-palaganta aijo' nohumimi'imo butong nu beleyum. Aku, nompisobamo nompobelesi' beleyum panyo madi' ahi' kinogunanyo, kalana bele nu tataap ahi' mahumimi'. Beleyum madi'mo po ule' belesi' sahingga Ku potudunmo na tambuha'Ku hi beleyum.

YEHEZKIEL 34:16

Anu nolapusmo Kulio, anu tinalasmo Ku sule'akonmo, anu binelaonmo Ku bobodi, anu masakit Ku pakuli'imo; panyo anu molompo' ka' mule' mahoson Ku pateimo kalana Akumo na polaya' anu momba-mombau apaa na anu ma'ima'.

YEHEZKIEL 34:4

Domba nu belemiu haha atina' anu madi'mo mahoson madi'mo okalesang nu belemiu, anu masakit madi'mo opakuli'i, anu binelaonmo madi'mo obobodi nu belemiu, anu tinalasmo ka' nolapusmo madi'mo olio nu belemiu ka' osule'akon mae. Pakalaus iwi-iwi' na domba haha aijo' talalo ahi' osigohi nu belemiu.