YESAYA 1:4 - KITAB NU TUMPU ALLA LELE MA'IMAI'

⁴ Silakamo na belemiu bansa anu binaladosa', to mia-mian anu palalente ka' mian anu ma'idek na kinyonyoanyo! Belemiu inanabu'mo kalana-binaladosa'mo na belemiu. Belemiu madi'mo nonsumbu' Tumpu ka' nohikuhakonmo Tumpu anu Talalo hondo susi' anu tionyo ahi' osombah nu belemiu.

YESAYA 1:4 ပူးပေါင်းရင်းမြစ်များ

KAJADIAN 13:13

Kota Sodom aijo' jojoongan nu to mia-mian anu ma'idek na kinyonyoanyo ka' baladosa' hi Tumpu.

2 TOMU-TOMUNDO' 21:22

Ia madi' tinumuu' nombatuki pongka'oho' nu Tumpu, aitu pe'e ia nohikumo Tumpu, Tumpu Allah anu sinombah nu mompolee'nyo.

2 TAWARIKH 12:1

Salatan i Rehabeam nompalentah salaku tomundo nahosonmo, ia ka' iwi-iwi' na mian da'isan aha Israel madi'mo nompajuli atulan nu Tumpu,

2 TAWARIKH 27:2

I Yotam saja' momposanang kinyonyoa nu Tumpu susumo i Uzia tuumanyo. Ola ia madi' nompapui kamangian i Laigan nu Tumpu, susumo anu binaumo nu tuumanyo. Panyo maumo sumo aijo' mian da'isan na saja ahi' mombau dosa'.

NEHEMIA 1:7

Kami pinagagamo hi belento, ka' nolanggaimo iwi-iwi na palentah nu Belento. Kami madi'mo nombau apaa na koonyo nu Atulan haha aijo' anu binee'mo mae nu Belento hi kami aijo'mo anu pipinotokamo i Musa posaihon nu Belento aijo'.

MAZMUR 58:3

I madi', belemiu ola mule' ahi' nombaumo tanga'an anu ma'idek ilipu' aiya, ka' mompakisa mian i lipu' aiya.

MAZMUR 71:22

Aku mompuji'mo Belento okuti'akon gambuus, kalana Belento manonong, o, Tumpungku. Aku monyanyiakonmo anu bau pompuji' Belento okuti'akon kasapi', o, Tumpu susi' na Israel.

MAZMUR 78:40

Talalomo ahi' na aha saja' notumuhuk hi Ia, ka' nonsakiti kinyonyoa-Nyo tempo'nyo aha kiijo' mae i tampat padang anu mateges.

MAZMUR 78:41

Saja'mo ahi' na aha nonsobai Tumpu nongideimo kinyonyoa nu Anu Susi' hondo, Tumpu nu aha Israel.

MAZMUR 78:57

Aha nombaumo kalakuan anu ma'idek susumo mompolee' mae nu aha, ka' madi'mo timbali opalesaya sumomo pompana' anu tinageo'mo.

MAZMUR 78:8

da aha madi'mo susumo mompolee' nu aha anu mongka'ima'i saja' motomuhuk ka' mingkalakuan palagenta; tulunan anu madi' totu-totu'u palesaya ka' madi' tulu-tulutan hi Tumpu.

MAZMUR 89:18

Belento nompo'untungmo hondo kami mahampate, kalana samata-mata kanonongan nu Belento sahingga kami inguntungmo na nahampate.

NOSABATMO 32:7

Sahingga Tumpu notataemo hi Musa, “Pintudunmo lia-lia' kalana bansa nu belemiu i laya'mo nosabat mae lengkat i Mesir, nombaumo anu ma'idek.

YESAYA 1:23

To pola-polaya' nu belemiu la lewa' motomuhuk ka' lewa' mombulingakon obee' hi mian; aha mongka'ima'i mongala palasen, ka' doi anu pontamboi nu mian. Aha madi' mongka'oho' montinjohi anu madi'mo ko tuumanyo ka' tinanyo iulusan nu aha mian kopian; ka' mule' madi' mongka oho' kabalatan nu tobalu-balu.

YESAYA 1:28

Panyo aha to mia-mian anu baladosa' anu saja' motomuhuk hi Ia na opateimo ahi'.

YESAYA 10:6

Kusaimo na aha Asyur da mamba montumbuhi bansang-Ku anu madi'mo nompalesaya Aku ka' nonsabapimo da Aku notambuha'mo. Sinaing-Kumo na Asyur da mompahuhuakon mae ka' mule' da montomangi ka' mompahampeja'akon bansang-Ku susumo abu' aijo' ijalan.”

YESAYA 12:6

Pontaligalaimo o, belemiu anu jojoong i Sion, opolame' ahi na manyanyi. Tumpu nu aha Israel anu susi' memang talasanggo hondo, Ia jojoongmo atina' hi belemiu.”

YESAYA 14:20

Beleyum nonsilakaimo lipu' nu beleyum ka' mule' nosi pateimo posi bansa nu beleyum. Kalana aijo' beleyum madi' olamun susumo to tomu-tomundo' sangga'at. Madi' kosamian pe'e na to julu-julu mae nu beleyum anu toto ide-idek na kinyonyoa nu aha haha aijo' na oposalamat.

YESAYA 29:19

Aha to mia-mian anu kasiasi ka' anu madi' ko angga'nyo poule'mo molasai kantumuu'an anu ma'ima' anu binee'mo nu Tumpu Israel anu susi'.

YESAYA 3:8

Memang Yerusalem madi'mo kino angga'nyo! Yehuda madi'mo tinala sanggo! Kalana iwi-iwi' na potatae tiba palabuatan nu aha madi'mo nontuluti Tumpu ka' madi'mo nompajuli kakuasa'an-Nyo.

YESAYA 30:1

Tumpu notatae, “Silakamo na to pola-polaya' nu aha Yehuda kalana aha notomuhukmo mae hi beleng-Ku. Aha nontulutimo tanga'an-tanga'an anu misa' tanga'an-Ku. Aha nontandatanganimo palajanjian anu madi' sosok tiba pongka'oho'-Ku. Sahingga tinumalatambunmo na dosa' nu aha.

YESAYA 30:15

Tumpu Anu Matangkas na Kuasanyo, Tumpu nu Israel anu susi', nompoto'imo hi mian anu palesayamo hi Ia, “Balatobatmo ka' potataap na kinyonyoa da belemiu Ku posalamat. Palesaya mae na Aku nu kinyonyoa anu madi' mimpio-pio' da belemiu Ku bee'ije kahosonan.” Panyo belemiu madi' ahi mongka'oho'!

YESAYA 30:9

Kalana, aha aijo' sa'angu' na bansa anu saja' mongka'oho' motomuhuk hi Tumpu, saja' baleko', ka' madi' mongka'oho' mompotombihing pangajalan nu Tumpu.

YESAYA 31:2

Tumpu pande hondo ka' Nu sumbu' apaa na anu kahanda' Nu bau. Pinotoka-Nyomo mae na balaa' ka' pinokona-Nyomo na hukuman hi mian anu ma'idek na kinyonyoanyo ka' mule' hi mian anu nontulungimo aha.

YESAYA 37:23

Pa' sinumbu'mo nu beleyum ihe na anu lewa'mo kinaan nu beleyum ka' mule' anu pinopo ambangmo aijo'? Aku, Tumpu nu Israel, Tumpu anu susi'.

YESAYA 41:14

Tumpu notatae, “Boli mabuhuk, Israel, maumo ahi' beleyum ise' ka' madi' mahoson. Aku Tumpu na montulungimo beleyum, Anu Susi' hondo, Tumpu nu Israel aijo'mo na Momposalamat beleyum.

YESAYA 41:16

Beleyum montapimo aha lantas aha nu lahabakonmo nu mombun ka' nu sagakonmo nu antong anu daka'. Beleyum lame'mo kalana Aku, Tumpu, ka' bilahimo kalana Aku, Tumpu nu Israel.

YESAYA 41:20

Sahingga iwi-iwi' na mian montoamo ka' monsumbu'mo taalu' Aku, Tumpu, na anu nompotimbalimo. Aha mompalahatikanmo ka' mule' mangalati'mo Tumpu nu Israel anu susi' na nompotimbali aijo' da jinadi.”

YESAYA 5:19

Belemiu notatae, “Bakasmo da Tumpu anu susi' nu aha Israel mali-lia' mae mombau katantuan! Bakasmo da Nu pojadimo na anu tinanga'an-Nyomo da otoanto ka' mule' osumbu'tomo.”

YESAYA 5:24

Belemiu madi'mo montalima pangajalan nu Tumpu Anu Daka' na Kuasanyo ka' mongalumo palentah nu Tumpu anu susi' nu aha Israel. Kalana aijo' susumo hat tiba hemput anu manggasmo mo'angot na nu kaan nu apu, sampe toka kaiyong ibaka-bakatnyo na belemiu mahutakmo ka' mule' bunga-bunga nu belemiu suele manggasmo ka' nu puhakonmo nu mombun ingko-ingkot.

YESAYA 57:17

Dosa' kageguanan nu aha nonsaduakonmo Aku notambuha, kalana aijo' aha Ku hukumo ka' Ku pala'imo. Panyo aha talalo hondo panggaga ka' tataap mosi liomo jalan.

YESAYA 58:2

Aha monsombah Aku sansina-sinaa, ka' mongka'ima'i monsumbu' kahanda'-Ku da kokoonyo aha nombaumo anu ma'ima', ka' nontulutimo atulan-Ku. Aha notatae, tukoonyo nu aha sanang hondo na aha monsombah Aku ka' mongka'ima'i atulan-Ku anu adin.”

YESAYA 65:11

Panyo misa' sumo aijo' na nasib nu to mia-mian anu nompala'imo Aku, anu madi' mompajuli Sion, puge'-Ku anu susi', anu monsombahkon kaanon hi Gad ka' hi Meni to pilo-pilogot nu ka'untungan ka' nasib nu mian.

YESAYA 65:3

Aha saja' mombau anu moko potambuha' Aku kalana monsombahkonmo koloban i ale' nu aha hi to pilo-pilogot ka' nompapuimo kamangian i mezbah ponsombahkonan haha aijo'.

YESAYA 9:17

Palabuatan ma'idek nu bansa aijo' nompapu'i susumo apu nompapui kuhat anu kohii'nyo. Moaknyo sumomo alas na notoyo' anu lewa'mo nonsipunakon tibuknyo.

YEREMIA 15:6

Belemiu madi'mo nontalima ka' mule' nompala'imo Aku, kalana aijo' Ku tangkakonmo na limang-Ku da mohansunimo belemiu, kalana na osamo na Aku nongintim tambuha'-Ku.

YEREMIA 2:13

Mian anu palesayamo hi belengku nombaumo ohua' na ngahan nu dosa': aha nohikumo mae Aku, mata nu uee anu mombee'i kantumuu'an hi manusia; aha nombaumo kolam nu butong nu aha, kolam anu losut madi' moko ala montahan ueenyo.”

YEREMIA 2:17

Posi beleyumo ahi' na nonsabapi iwi-iwi' na anu jinadimo hi butong nu beleyum kalana tempo'nyo beleyum tinaka'-Kumo na ilumajang beleyum nohikumo mae Aku, Tumpu Allah nu beleyum.

YEREMIA 2:19

Posi palabuatanmo nu beleyum ma'i-ma'idek na nohukum butong nu beleyum, beleyum sinakisamo kalana madi'mo nongala Aku, Tumpu Allah nu beleyum. Aku, Tumpu Allah nu beleyum notataemo; Akumo na Tumpu Allah Anu Matangkas na Kuasanyo ka' Balakuasa hondo.”

YEREMIA 2:31

O mian nu Israel potombihing mae na potataeng-Ku aiya. Pa' toho'mo na Aku susumo padang tampat anu mateges na jinadi' atina hi belemiu kabai pa' sumo tano' anu pinikatmo hondo? Panyo kadaka' belemiu notataemo koonyo nu belemiu, belemiu mongkahanda'imo bebas, ka' madi'mo daagi' mongka'oho' minsusule' mae hi beleng-Ku?

YEREMIA 2:33

Belemiu pande hondo na mongatun kapandean monggoda kinyonyoa nu sindua'an nu beleyum. Maumo ahi' mian anu saja' masala' tala-talalo hondo palaganta panyo daagi' ahi timbali balajan hi belemiu!

YEREMIA 2:5

Tumpu notatae, “Kasala'an apaa na anu tinoa nu mompolee' nu belemiu hi beleng-Ku, sahingga aha pinalagantamo mae hi beleng-Ku? Aha pagala nolio pilogot anu madi' ko angga'nyo ka' ahennyo posi ahamo ahi' na na ambang.

YEREMIA 32:32

kalana iwi-iwi' na palabuatan ma'idek anu binaumo nu aha mian Yehuda tiba Yerusalem tibamo to tomu-tomundo'nyo, mian anu kopangkatnyo toto tangka-tangkas ipamalentahan, to ima-imam, ka' to nabi-nabi nu aha.

YEREMIA 50:29

Tumpu notatae, “Palentah na to mia-mian anu pande mompana' da montumbuhimo Babel. Pokaumo na batu-batu mian anu pande mompana'. Lambanimo na kota' aijo' ka' boli opobee' ko anu samian na tumuu'. Balosakonmo iwi-iwi' na palabuatan ka' baumo pa' mosia na mombau ia sitimbang tiba tiba kalakuannyo, kalana ia nombaumo palabuatan anu madi' ko adatnyo hi beleng-Ku, Anu Susi' hondo, Tumpu Allah Israel.

YEREMIA 51:5

Aku, Tumpu, Tumpu Allah Anu Balakuasa, Tumpu Allah nu Israel anu Susi', madi' mompala'i Israel tiba Yehuda maumo ahi' aha binaladosa'mo mae hi beleng-Ku.

YEREMIA 7:19

Panyo sabenannyo ahi' misa' Aku na nu sakiti nu aha panyo posi butong nu aha ahi' sahingga aha ma ambangmo.

YEREMIA 7:26

Panyo madi' ko anu mohongo kabai ko anu mompalahatikan. Belemiu ola mule' ahi' nompaka panggaga ka' naidek nolingkuduimo mompolee' nu belemiu.”

YEHEZKIEL 14:5

Iwi-iwi' na pilogot haha aijo' nompojo'onmo mian anu palesayamo hi beleng-Ku da madi'mo ingohani mae hi beleng-Ku, panyo o'amalakon da kalana pontaami aijo' mian anu palesayamo hi belengku po ule'mo mae toka hi beleng-Ku.’

YEHEZKIEL 16:33

Samian na boune anu saja' masala' na mohumpak ahi' bau pombayali ia, panyo hi beleyum na madi' ahi' sumo aijo', beleyum mule' ahi' na mombee'i palasen hi to miamian anu monsinta beleyum, pakalaus mule' pagala nu sale'i nu beleyum na aha da obee'ije doi da toka lengkat mae iyaya na tampat ka' moduhusmo tiba beleyum.

YEHEZKIEL 16:45

Memang beleyum anak boune nu tina nu beleyum. Ia nongka'idekimo langkai'nyo ka' suele to ana-anaknyo. Beleyum suele montiho to utu-utus nu beleyum anu toto bou-boune anu suele mongka'ideki langkai'nyo tiba to ana-anaknyo. Beleyum tiba to utu-utus nu beleyum aijo'mo kota-kota' anu ohani hi beleyum ko tinanyo aha mian nu Het ka' mule' tuumanyo aha mian nu Amori.

DANIEL 9:11

Songko-songko na Israel nolanggaimo iwi-iwi' na atulan nu Belento ka' madi' mongka'oho' mompotombihing potatae nu Belento. Kami binaladosa'mo hi Belento kalana aijo' binee'anmo mae nu belento kutuk na kami susumo anu tinulismo i Kitab i Musa posaihon nu Belento.

ZEFANYA 1:6

Ku pateimo na aha anu madi' toka hi beleng-Ku kabai madi' momoita pangajalan-Ku, ka' mule' anu mompala'imo Aku ka' madi'mo daagi mongka'oho' mombatuki Aku.”

NOMBILANGMO 32:14

Ka' uuka aiya belemiu moto idekmo mule' susumo to tutuuma nu belemiu! Belemiu memang gombuan nu to mia-mian anu baladosa' anu nonsaduakonmo Tumpu po'ule'mo nontambuha'i Bansa Israel!

MATIUS 11:28

Tokamo mae hi beleng-Ku na komiu iwi-iwi' anu malawe, ka' anu mongoa'i koboatnyo nu boaon; Aku mompilaweije komiu.

MATIUS 23:33

Komiu ma'idek ka' lee' nu mian ma'idek! Mosia na komiu timbali momposalamat butong i hukuman nu nalaka?

MATIUS 3:7

Manjoo' suele na mian nu Farisi tiba Saduki tinoka hi Yohanes da o palamandikan. Panyo tempo'nyo ia nontoa aha tinokamo mae ia notatae hi aha, “Komiu mian ma'idek! Ihe na nontaloakon komiu timbali molapas lengkat i hukuman nu Tumpu anu tokaje mae?

ROMA 8:7

Mian anu pikilannyo kinuasanmo nu sipat nu mian, mian aijo' mompaha bali'mo tiba Tumpu; kalana mian aijo' madi' mohongo-hongo atulan nu Tumpu; ka' memang ia madi' moko ala mohongo-hongo atulan nu Tumpu.

1 KORINTUS 10:22

Kabai o kita mongka'oho' mombau Tumpu ma'idekan na kinyonyoanyo? Te kita lebe mahoson molingkudui Tumpu?

PO'ULE' INGULIT 29:25

Ka' taamnyo nu aijo', ‘Kalana aha nombaleko'imo palajanjian nu Tumpu, Tumpu Allah nu mompolee' nu aha; palajanjian anu binau-Nyo tiba aha tempo'nyo Ia nomboamo aha nosabat lengkat mae i Mesir.

PO'ULE' INGULIT 31:16

Tumpu notataemo hi Musa, “Madi'mo pin beleyum silakamo. De beleyum silakamo, bansa Israel madi'mo daagi' mohongo-hongo Aku ka' mompojalomo apaa na anu jinanji'Kumo hi aha. Aha mompala'imo Aku da monsombahmo to pilo-pilogot anu nusombah nu lipu' anu madi'mo pin nupinsoopimo nu aha.

PO'ULE' INGULIT 32:19

Montoa anu sumo aijo', Tumpu notambuha'mo ka' madi'mo mongkalesang to ana-anaknyo.

PO'ULE' INGULIT 32:5

Panyo belemiu bansa anu madi' mohongo-hongo, ka' madi'mo pantas timbali mian anu pinalesayamo hi Ia, bansa anu saja'mo gineguan ka' saja' mombau dosa'.

KOLOSE 1:24

Uuka aku sanang na mongoa'i sansala kalana komiu. Kalana sansala anu ingoa'anmo nu butongku, aku momposampa'mo apaa na anu tionyo daagi' nu oa'i i Kristus kalana jama'at-Nyo, aijo'mo butong-Nyo.

ANU PINOTO'I HI YOHANES 18:5

Kalana dosa'nyo notambunmo sinawe'mo i langit, ka' Tumpu madi'mo mongkolilimi ka'idekannyo nu aha.

TO MIA-MIAN KOPIAN 10:10

Sahingga mian nu Israel nomoitamo tulung hi Tumpu, koonyo nu aha, “Kami binaladosa'mo hi belento, kalana kami madi'mo nontapali belento, O Tumpu Allah mami. Kami nonsombahmo to pilo-pilogot nu Baal.”