YESAYA 1:30 - KITAB NU TUMPU ALLA LELE MA'IMAI'

³⁰ Aha saidi' mae sumomo kau' anu daka' pada han nangkalualemo na honnyo, ka' sumomo ale' anu madi'mo opojalani uee.

YESAYA 1:30 ပူးပေါင်းရင်းမြစ်များ

MATIUS 21:19

Ia nontoa sangkau na kau' ara i sambiha' nu jalan. Ia namba i pu'unnyo, nu kau' aijo', panyo madi' nohumpak sa'angu' pe'e na bua'nyo, boli mompiakon hohonnyo. Lantas i Yesus notatae i kau' aijo', “Oko madi'mo daagi' mimbua'!” Lau-laus kau' ara aijo' nagayou.

YEHEZKIEL 17:24

Iwi-iwi' na kau' anu daagi' ilipu' nu mian saidi' mae mangalati'je taalu' Akumo ahi' na Tumpu. Kau' anu matangkas Ku taa'mo; kau' anu hede' Ku potumuu'mo da matangkas hondo. Kau' anu tumuu' molunou Ku pomanggasmo hondo-hondo; ka' mule' kau' anu nanggasmo Ku potumuu'imo sumpenyo ka' bunganyo. Aku, Tumpu, notataemo, iwi-iwi' na potataeng-Ku saidi' mae tionyo ahi' jadi.”

YEREMIA 31:12

Mamba i Puge'nyo nu Sion aha tokamo mae lame'na ohup nu aha otoa ka' manyanyi lame' hondo. Kalana iwi-iwi' apaa na anu binee'-Kumo hi aha, aijo'mo, gandum, lanya', anggur, sapi' tiba domba. Aha sumomo ahi' sa'angu' na taman anu sukup na ueenyo, ka' madi' ko anu kulang apa-apaa.

YESAYA 58:11

Aku saja' monjagai ka' nombee'i mongkaan belemiu i tano' anu nategesmo; Ku jagai na belemiu da tataap sehat ka' mahoson. Belemiu kakanannyo sumo ale' anu sukup na ueenyo, susumo mata nu uee anu madi' toho' mo'oti.

YESAYA 5:6

Ku pojohokmo da nutumuu'imo nu hemput nu alas. Anggurnyo madimo lewa' Ku patagi na sumpenyo ka' mule' madi'mo lewa' Ku sube'i na hemputnyo. Pakalaus Ku pobakasmo da nu kalumbungimo nu hemput anu kohii'nyo, ka' mule' iwi-iwi na kundom Ku tewa'mo da bolimo montudunakon ujan.”

KAJADIAN 12:6

i Abram nonsongkohi tano' aijo' sampe tinokamo i kau' anu ko balakatnyo kiijo' i More, aijo'mo tampat ponsomban Tumpu kiijo' i Sikhem. (Tempo'nyo aitu mian nu Kana'an daagi' monjoongi tano aijo'!)

YESAYA 64:6

Kami iwi-iwi' mian anu nahenyumo, ka' mule' palabuatan mami anu ma'ima' na'idekmo ka' kinotonmo. Kami mingkotmo kalana palabuatan mami anu na'idekmo susumo hon anu nagayoumo nu lahabakonmo nu mombun.

YESAYA 64:5

Belento molalabot mian anu hodi' na kinyonyoanyo ka' anu tumuu' montuluti pongka'oho' nu Belento. Belento nontambuha'imo kami panyo kami tataap ahi' baladosa' memang naipuan pe'e mae kami sinala'mo.