YESAYA 1:3 - KITAB NU TUMPU ALLA LELE MA'IMAI'

³ Sapi' monsumbu' tumpunyo, keledai nusumbu' na pongkaanannyo anu saja' nuposadia nu tumpunyo. Panyo mian-Ku Israel anu palesayamo madi'mo aha madi' monsumbu'.”

YESAYA 1:3 ပူးပေါင်းရင်းမြစ်များ

MAZMUR 94:8

O, bansangku, boli ponga' susumo aijo', saba' ogunakon ahi' na pikilan nu beleyum!

AMSAL 28:5

Ka'adilan madi' nu sumbu' nu mian palaganta, panyo mian anu monsombah Tumpu, totu-totu'u monsumbu' ka'adilan.

AMSAL 6:6

Mian anu moluluk tionyo ahi' montoa pa' mosia na soom tumuu' ka' balagulu' hi ia.

YESAYA 27:11

De to panga-panga'nyo manggasmo ka' mopato'mo tokamo mae nu ala nu to bou-boune da bau kau' anu oposun. Bansa aijo' madi' ko anu nu pisumbu-sumbu', sahingga Tumpu anu nompotimbalimo ia madi'mo daagi' mongkalibosi aha.

YESAYA 42:20

O, Israel, manjoo'mo na anu tinoa nu beleyum panyo madi' nu palahatikan, bihing nu beleyum tabuka' panyo madi' beleyum mohongo.”

YESAYA 44:18

Memang ponga' ahi' na to mia-mian anu susumo aijo'! Aha nongkukubimo mata tiba kinyonyoa nu aha sahingga madi'mo daagi' nompangalati'i apa-apaa.

YESAYA 5:12

I bau-bauon nu belemiu ko onyi' nu kasapi', gambus, gandang ka' mule' puloit ka' mule' inumon anggur. Panyo belemiu madi' mompajuli apaa na anu kinalajamo nu Tumpu tiba anu binau-Nyomo.

YESAYA 5:13

Kalana aijo' mian anu palesayamo hi beleng-Ku anu pinonga'mo oboamo salaku mian anu ihakop. To pola-polaya' tiba aha mian da'isan saidi' mae mateje nu ohop ka' mule' mate nu megot.

YESAYA 56:11

Aha susumo ahi' dedeng anu majoko' anu madi' toho' mobosu. To pola-polaya' haha aijo' madi' mangalati'. Toto samian mombau apaa na anu nu kai' ma'i nu aha ka' molio posi ka'untungan nu aha.

YEREMIA 10:14

Salatan nontoamo aijo' iwi-iwi' nangalati'je na manusia taalu' ia ponga' ahi' ka' madi' ahi' ko anu nu pisumbu-sumbu'. To tuka-tukang anu pande montutuk mosoni madi'mo pinalesaya, kalana patong pilogot anu binaunyo aijo' madi' ko kaliangannyo ka' mule' madi' ko santuu'nyo.

YEREMIA 10:8

Ponga' ka' waweng na aha iwi-iwi' kalana pilogot nu aha ola kau' samata-mata madi' moko ala mompogulu' anu kogunanyo.

YEREMIA 35:16

Lee' i Yonadab na nontulutimo ahi' mompolee' nu aha, panyo belemiu na madi' montuluti Aku.

YEREMIA 4:22

Tumpu notatae, “Ponga' hondo na mian anu palesayamo hi beleng-Ku aijo' aha madi'mo nonsumbu' Aku. Aha sumomo ahi' to ana-anak anu mabongon hondo madi' ahi' ko anu nupisumbu-sumbu' maumo ola sangkiding. Pinandemo hondo ipalabuatan anu ma'idek, ka' madi'mo nonsumbu' palabuatan anu ma'ima'.”

YEREMIA 50:6

Mian anu palesayamo hi beleng-Ku sumomo ahi' domba anu pinopilayamo da talas nu to pola-polaya' aita' mae ibungkutnyo. Aha sola'mo mamba lengkat mae isa'angu' na bungkutnyo mamba ibungkutnyo sangga'at, ka' madi'mo daagi' nu sumbu' nu aha pa' iya mae na laigan nu aha.

YEREMIA 8:7

Tomonsi lalang nu sumbu' ahi' na tempo'nyo ia minsusule'; sapatau, tomonsi' laya-layang tiba murai nu sumbu' ahi' na tempo'nyo molalin tampatnyo. Panyo belemiu mian anu palesayamo hi beleng-Ku na madi' ahi monsumbu' atulan-Ku anu binee'-Kumo hi belemiu.

YEHEZKIEL 16:30

Tumpu Anu Matangkas na Kuasanyo notatae, “Iwi-iwi' aijo' binaumo nu beleyum susumo mian anu saja' masala' mai-madi'mo monsumbu' ambang.

DANIEL 9:11

Songko-songko na Israel nolanggaimo iwi-iwi' na atulan nu Belento ka' madi' mongka'oho' mompotombihing potatae nu Belento. Kami binaladosa'mo hi Belento kalana aijo' binee'anmo mae nu belento kutuk na kami susumo anu tinulismo i Kitab i Musa posaihon nu Belento.

HOSEA 2:8

Tina nu beleyum madi' toho' mompototu'u saba' Akumo na anu nombee'i ia gandum, anggur, lanya' nu zaitun ka' iwi-iwi na mosoni', salaka, anu pinakenyo nonsombah Baal aijo'.

MATIUS 13:19

Bine' anu nanabu' i jalan sumomo to mia-mian mohongo lele mongkona mosia na Tumpu mompalentah, panyo madi' mangalati'. Anu Ma'idek aijo' tinoka ka' nongagoi apaa na anu daagi' pinoto'i i uno nu kinyonyoa nu aha.

ROMA 1:28

Kalana mian madi'mo mongoa'i palalu monsumbu' Tumpu Allah, sahingga Tumpu mompojohok pikilan nu aha da timbali ma'idek, sahingga aha mombau hahan anu madi' timbali nubau nu aha.

2 PETRUS 3:5

Aha memang madi' mongka'oho' mongakui tempo'nyo naipuan mae Tumpu nompodaagi'mo langit ka' tano' ola kalana kuasa nu potatae-Nyo. Tano', uee na pinolengkatan-Nyo, ka' tiba uee;