YESAYA 1:16 - KITAB NU TUMPU ALLA LELE MA'IMAI'

¹⁶ Baso'i na butong nu belemiu sampe belesi'. Iwi-iwi' na palabuatan ma'idek aijo' bolimo ahi' obau nu belemiu,

YESAYA 1:16 ပူးပေါင်းရင်းမြစ်များ

2 TOMU-TOMUNDO' 17:13

Tumpu nonsaimo to mia-mian ka' to nabi-nabi-Nyo hi aha mian nu Israel ka' Yehuda da mompotokakon pokinde' sumo uuka: “Bolimo mombau anu madi' ma'ima' ka' o tulutimo na batu-batu palentah ka' atulan anu binee'-Kumo hi mompolee' nu belemiu ka' hi belemiu anu nu poto'ije nu to nabi-nabi ka' to posa-posaihon-Ku haha aijo'.”

MAZMUR 26:6

Ku baso'i na limangku salaku bau pontandai madi' kokasala'an, ka' lumajang montikubi mezbah nu Belento, o Tumpu,

MAZMUR 34:14

Boli montaeakon potatae anu toto ide-idek ka' boli mongka'ima'i ola saja' mongakali mian.

MAZMUR 37:27

Pala'imo na palabuatan anu ma'idek ka' baumo na anu ma'ima', sahingga sampe toka sidu-sidutu' lee' nu beleyum na monjojoongi tano' aijo'.

MAZMUR 51:2

salatan ia pinokinde'anmo i Nabi Natan kalana nasala'mo tiba i Batsyeba.

AMSAL 21:3

Palabuatan anu adin ka' totu'u lebe momposanang Tumpu molingkudui iwi-iwi' na anu opalasombahkon.

AMSAL 4:27

Opimpali na palabuatan anu ma'idek ka' tumuu' hodi' na kinyonyoa. Boli hondo-hondo mosele mompala'imo jalan anu totu'u.

YESAYA 52:11

Lako'mo! Pala'imo na kota' Babel, O, belemiu anu nomboamo pakakas nu Laigan nu Tumpu! Boli monsintung balang anu maheyu; posusi'mo pe'e na butong nu beleyum ma'isa pe'e mamba.

YEREMIA 18:11

Tumpu notataemo mae hi belengku, “Uuka aiya, poto'imo hi mian nu Yehuda tiba hi aha mian anu jojoong i Yerusalem taalu' Aku binatanga'mo da mongewamo aha, ka' nontoukaimo hukuman anu onabu'akonmo hi aha. Palentah na aha da bolimo mombau kabiasa'an nu aha anu baladosa' aijo' lantas mombabali'imo kalakuan nu aha tiba palabuatan nu aha.

YEREMIA 25:5

Aha nompalentahmo belemiu da mompala'imo palabuatan nu belemiu anu ma'idek atina' ka' saja-saja'mo mombau dosa', da belemiu tataapmo jojoong ilipu' aiya anu binee'mo nu Tumpu hi belemiu ka' hi mompolee' nu belemiu salaku bau pusaka' nu belemiu.

YEREMIA 26:3

Ihe na monsumbu' bansa aijo' mongka'oho' ahi' mompotombihing, lantas madi'mo mombau anu ma'idek sahingga Ku intimo na niat-Ku monsilakai aha sitimbang tiba palabuatan nu aha ma'i-ma'idek aijo'.”

YEREMIA 35:15

Aku saja'mo nompokau namba hi belemiu iwi-iwi' na posaihon-Ku to nabi-nabi ka' aha nompokinde'imo belemiu da opokopiani na kalakuan nu belemiu ka' da madi'mo mombau palabuatan anu ma'idek. Aha nompokinde'imo belemiu da bolimo monsombah to pilo-pilogot sangga'at ka' madi'mo palesaya hi aha da belemiu tataap ahi' jojoong ilipu' aiya anu binee'-Kumo hi belemiu tiba hi mompolee' nu belemiu. Panyo belemiu madi' ahi' nompalahatikan ka' madi' ahi' nohongo-hongo Aku.

YEREMIA 4:14

O Yerusalem alinmo na palabuatan anu ma'idek anu lengkat ikinyonyoa nu beleyum da beleyum oposalamatmo. Sampe toka hipian na kopinnyo na pikilan toto ide-idek haha aijo' daagi' opo una' nu beleyum i uno nu kinyonyoa nu beleyum?

AMOS 5:15

Ka'ideki na anu ma'idek, ka'ima'i na anu ma'ima' ka' otoongi na ka'adinan. Ugaat Tumpu mongkalibosimo tuha'nyo nu to mia-mian bansa Israel.

YUNUS 3:8

Mian ka' binatang tionyo ahi' mompake hude kalung. Salaku bau tanda nanyasanmo. Iwi-iwi' na mian tionyo ahi' balado'a totu-totu'u hi Tumpu. Aha tionyo ahi' mombabali'imo kalakuan nu aha anu ma'idek ka' palabuatan nu aha anu kahomo dosa'.

ZAKHARIA 13:1

Tumpu Anu Daka' na Kuasanyo notatae, “I sinaa aijo' mimpusesemo mae sa'angu' na mata nu uee da momposusi' lee' mae i Daud tiba mian anu jojoong i Yerusalem da madi'mo baladosa' ka' mule' palasombahan hi pilogot anu lewa-lewa'mo binau nu aha.

ZAKHARIA 7:7

Aiyamo na anu titinaloakonmo nu Tumpu pipinoto'imo nu to nabi-nabi tempo'nyo naipuan mae Yerusalem daagi' jinojoongan nu mian ka' mian anu jojoong ikiijo' daagi' nonta'up kasanangan. Tempo'nyo aijo' mian madi' ola jojoong i kampung anu toto ise-ise' anu mompaha ohani kota' panyo ahi' suele i bahagian salatan tiba i tengke nu to puge-puge'nyo i sasu kinsoban.

MATIUS 3:8

Potoa i uno nu palabuatanum de komiu binala tobatmo i dosa-dosa' miu.

SISIKON NU TO RASUL-RASUL 22:16

Uuka bolimo daagi' montanda'i talalo pin. Pobulamo ka' bee'mo na butongum da opalamandikan. Poita hi Tumpu da beleyum nu ampuni na to dosa-dosa'um.’ ”

ROMA 12:9

Kalibosi nu kinyonyoa sanang. Opimpali na anu ma'idek, ka' mintoong i anu ma'ima'.

2 KORINTUS 7:1

To Utu-utus anu okanonongi! Iwi-iwi' na anu jinanji'mo aijo' kona hi kita. Mokonyo aijo' iwi-iwi' na anu mombusiki kinyonyoa ka' butongto tionyo ahi' opobelesi'. Tumpu tionyo ahi' okabuhuk da kita timbali tumuu' maima ka' hondo-hondo mombau apaa na anu nu palentahkon.

YAKOBUS 4:8

O'ohani na Tumpu, da Tumpu suele mongohanije komiu. Obaso'i na lima miu, komiu anu baladosa'! Ka' opolino na kinyonyoa miu, komiu anu mopanga' na kinyonyoa!

1 PETRUS 2:1

Kalana aijo', alinmo na anu ma'idek iwi-iwi' itina' i butongum; bolimo daagi' baleko', ka' boli mimbudi-budi. Boli mongka'ideki mian sangga'at, ka' boli mompopo'ise' mian sangga'at.

1 PETRUS 3:11

Ia tionyo ahi' mompimpali anu ma'idek ka' mombau anu ma'ima'; bala usaha ahi' totu-totu'u na ia da mohumpak paladamean.

ANU PINOTO'I HI YOHANES 7:14

“Aku madi' monsumbu', Tuan. Posi i Tuanmo na monsumbu',” tinaamanku. Sahingga ia notatae hi belengku, “Aiyamo na to mia-mian anu sinalamatmo anu noko lapasmo na nongoa'i kasansala'an anu daka' hondo. Aha nombaso'imo juba' nu aha nu baso' nu Anak nu Domba aijo' da mopute'.