YESAYA 1:11 - KITAB NU TUMPU ALLA LELE MA'IMAI'

¹¹ Tumpu notatae, “O sangka nu belemiu Aku mongka'ima'i koloban anu saja' osombahkon nu belemiu hi beleng-Ku? Aku na'osamo nu koloban nu to domba-domba anu otunui nu belemiu, ka' lompo' nu anak nu sapi' nu belemiu. Baso' nu sapi' lakinyo domba ka' mee' madi' Ku ka'ima'i.

YESAYA 1:11 ပူးပေါင်းရင်းမြစ်များ

AMOS 5:21

Tumpu notatae, “Ku ka'ideki ka' to'uamo na montoa belemiu molame-lame'akon agama nu belemiu!

1 SAMUEL 15:22

Panyo notatae na i Samuel, “Iya na anu talalo nu ka'ima'i nu Tumpu, tulu-tulutan hi Tumpu kabai koloban anu osombahkon? Montuluti Tumpu na lebe ma'ima' nu lingkudui na monsombahkon koloban. Tulu-tulutan hi Tumpu na lebe ma'ima nu lingkudui na lompo'nyo nu domba.

YEREMIA 6:20

Bau apaa na kamangian anu nu boa mae nu aha hi beleng-Ku lengkat mae i Syeba, kabai santo lampa-lampa anu lengkat mae ilipu' anu majo'on? Madi' sanang na Aku montalima palasombahan nu aha. Madi' Ku ka'ima'i na koloban-koloban nu aha anu opotunu.

YESAYA 66:3

Panyo bansa haha aijo' ola mosi bau pongka'oho' nu aha; aha sanang hondo na monsombah mae panyo bau-baunyo anu okahegati. Hi aha madi' ko bedanyo: mongkolobanakon sapi' lakinyo ka' mongkolobanakon mian, mongkolobanakon anak nu domba ka' mompato'akon gogohong nu dedeng; monsombahkon gandum ka' mongkolobanakon baso' nu bau', mompapui kamangian ka' monsombah patong.

MIKHA 6:7

Pa' Tumpu sanang ahi' de kita momboa hi Ia momada-madala na domba kabai molabi-labi na lanya' nu zaitun? Pa' tionyo ahi' na kita monsombahkon hi Ia anakto anu tumpenyo salaku bau pontobus iwi-iwi' na dosa'to?

MALEAKHI 1:10

Tumpu Anu Daka' na Kuasanyo notataemo, “Lebe ma'ima' tumban nu Laigan-Ku otumbanmo kalana palasuma ahi' na belemiu mompomoak apu i mezbah-Ku. Madi'mo Ku ka'ima'i na belemiu ka' mule' madi'mo mongka'oho' mongala palasombahan nu belemiu.

AMSAL 15:8

Tumpu montalima do'a nu mian anu manonong; panyo Ia mongka'ideki palasombahan nu mian anu ma'idek na kinyonyoanyo.

MAZMUR 50:8

Misa' kalana koloban nu belemiu sahingga Ku tudu'mo na belemiu; koloban anu opotunu nu belemiu na saja' ahi' daagi' aiya i ahop-Ku.

AMSAL 21:27

Tumpu madi' sanang i palasombahan nu mian anu palaganta lebe-lebe mule, de monsombahkon aijo ko makisud ma'idek.

MATIUS 9:13

Soba selidiki' apaa na alati'nyo ayat nu Kitab nu Tumpu Allah: ‘Aku mongkahanda'i pongkalibosi ka' misa' koloban binatang’. Kalana Aku toka misa' da molaga mian anu monsanggo butongnyo ma'ima'mo, panyo mian anu o sangka madi' talakana'.”

MAZMUR 51:16

Poluputakon mae na aku da madi' nu ala nu kapatean, o Tumpu anu momposalamat mae aku, sahingga sanang na kinyonyoangku mombebakon ka'adinan nu Belento.

YEREMIA 7:21

Tumpu notatae, “O mian anu palesayamo hi beleng-Ku, osumbu' nu belemiu saba' palasombahan anu opotunu nu belemiu i mezbah aijo' tionyo ahi' opotunu sampe mingkot ka' palasombahan sangga'at na timbali ahi' okaan nu belemiu. Panyo Aku, Tumpu notataemo, kaanmo iwi-iwi'!

MATIUS 22:4

Lapas aijo', tomundo aijo' nonsai mule' to poka-pokauhonnyo sangga'at. Pinoto'inyo hi aha: ‘Opoto'iakon hi aha anu i laga aijo': Kaanon nu bau-bauon sinadiamo. Sapi', ka' ana-anak nu sapi'ku anu talalo ma'ima' kinolotmo. Iwi-iwi' sinadiamo. Imbo'mo da mokiijo' i bau-bauon po'osoan!’

MAZMUR 40:6

O Tumpu nanjoo'mo hondo na anu binau nu Belento hi kami, O Tumpu, Tumpu-ngku, Belento madi' ko anu mompokakanai! Nanjoo'mo na anu tinanga'an nu Belento nonompobangangmo kami, madi'mo opoko ala osisik iwi-iwi'.

AMSAL 21:3

Palabuatan anu adin ka' totu'u lebe momposanang Tumpu molingkudui iwi-iwi' na anu opalasombahkon.

YESAYA 58:2

Aha monsombah Aku sansina-sinaa, ka' mongka'ima'i monsumbu' kahanda'-Ku da kokoonyo aha nombaumo anu ma'ima', ka' nontulutimo atulan-Ku. Aha notatae, tukoonyo nu aha sanang hondo na aha monsombah Aku ka' mongka'ima'i atulan-Ku anu adin.”

HOSEA 6:6

Lebe Ku ka'ima'i, hi belemiu da monsumbu' mae Aku, ka' saja' ahi' mongkalibosi mae Aku, nulingkudui na mompapui ka' monsombahkon koloban hi beleng-Ku.

AMOS 5:22

De belemiu momboa koloban anu otunui ka' koloban gandum, Aku madi' montalima. Aku madi' montalima to bina-binatang anu toto lompo-lompo' aijo' anu osombahkon nu belemiu hi belengku. Susumo koloban mompodame.

HAGAI 2:14

Lapas aijo' i Hagai notatae mule'; “Tumpu nontaloakonmo tukoo-Nyo atulan aijo' mongkona suele aha mian nu Israel ilipu' aiya ka' mule' mongkona suele iwi-iwi' na anu nu bau nu aha. Jadi apaa na anu nu sombahkon nu aha i mezbah aiya inahumimi'mo.”

ZAKHARIA 7:5

Pinoto'i-Nyo, “Poto'i hi mian anu jojoong i lipu' aiya ka' hi to mia-mian, te puasa' tiba mohangi anu nu bau nu aha i bitu'on ko olima'nyo ka' mule' i kopopitu'nyo anu pitumpu pulu'mo na taun na kopinnyo na lewa' binau, misa' bau poholomati Aku.

HOSEA 8:13

Aha mongka'ima'i monsombahkon koloban hi beleng-Ku ka' mongkaan ponoha' anu kinolobanakonmo aijo', panyo Aku Tumpu madi' montalima koloban haha aijo'. Uuka aiya Ku inau'mo na dosa' nu aha ka' mohukumo aha kalana dosa' nu aha haha aijo'; Po ule'mo Ku boa na aha i Mesir!

AMOS 4:5

Lako'mo monsombahkon roti salaku pompoita talima kase hi beleng-Ku ka' lako'mo sisik hi mian saba' belemiu nompaka tuangimo anu osombahkon! Tantu aijo'mo na anu oka'i ma'i nu bau nu belemiu!