YESAYA 1:10 - KITAB NU TUMPU ALLA LELE MA'IMAI'

¹⁰ Yerusalem tiba to pola-polaya' ka' bansa nu belemiu tinimbalimo nimbalu-balu'mo mian nu Sodom ka' Gomora. Apaa na anu pinalentahkon nu Tumpu hi belemiu hongo mae; apaa na anu ingajanakonmo nu Tumpu-nto opalahatikan.

YESAYA 1:10 ပူးပေါင်းရင်းမြစ်များ

KAJADIAN 13:13

Kota Sodom aijo' jojoongan nu to mia-mian anu ma'idek na kinyonyoanyo ka' baladosa' hi Tumpu.

YESAYA 28:14

Potombihing mae apaa na anu pinoto'imo nu Tumpu o belemiu anu sola moletakon lelewa' mompalentah mian da'isan i Yerusalem!

YESAYA 3:9

Kalakuan nu aha bubuulon ponsumbu'anmo palabuatan nu aha ma'i-ma'idek. Nu totonggolakonmo nuaha na mombau dosa' susumo aha mian nu Sodom naipuan mae. Silakamo na aha! Aha mosi silakaimo posi butong nu aha.

YESAYA 30:9

Kalana, aha aijo' sa'angu' na bansa anu saja' mongka'oho' motomuhuk hi Tumpu, saja' baleko', ka' madi' mongka'oho' mompotombihing pangajalan nu Tumpu.

YESAYA 33:22

Iwi-iwi' na palasadia'an nu aha kiijo' ikapan madi' kogunanyo; sinin na kadutnyo madi' opoko ala obokakon! Iwi-iwi' na kakaya'an nu suludadu anu monsampobali' kita opahuhuakontomo ka' manjoo' hondo na anu ohumpakto, sahingga mau mian anu kapi' mohumpak ahi' bagian. Tumpumo na timbali tomundo'to; Iamo na mompalentah, montoongi atulan hondo-hondo ka' momposalamatmo kita da madi' nu poposia nu anu monsampobali'mae kita.

YESAYA 8:20

Taami sumo uuka, “Ohongo na pangajalan nu Tumpu! Mian nau motatae madi' sosok ipangajalan aijo' madi' ko anu nu taha'imani imihinyo mae.”

YEREMIA 23:14

Panyo mule' ahi' i Yerusalem tinoang-Ku to nabi-nabi nombaumo palabuatan anu lebe ma'idek mule'. Aha binaleko'mo ka' nasala'mo ka' mule' nonsangaja'imo mian anu mombau palabuatan anu ma'idek sahingga madi'mo daagi' ko samian na kahanda' balatobat. Ku anggap na aha iwi-iwi' na'idekmo susumo mian anu jojoong i Sodom tiba i Gomora.”

YEHEZKIEL 13:2

“O, manusia anu madi' tumuu' batu, tambuha'i na to nabi-nabi Israel anu nontaloakonmo posi kila-kila'annyo. Pokau na aha da mompotombihing mae potataeng-Ku.”

YEHEZKIEL 16:35

O, Yerusalem, anu saja' masala', potombihing mae apaa na anu tinaloakonmo nu Tumpu Anu Matangkas na Kuasanyo, “Beleyum nongukatmo baju' nu beleyum, ka' salaku mian anu saja' masala' binee'mo nu beleyum na butong nu beleyum hi to sinta-sinta nu beleyum tiba hi to pilo-pilogot nu beleyum anu okahegati aijo'. To ana-anak nu beleyum pinateanmo nu beleyum ka' kinolobanakonmo nu beleyum hi pilogot haha aijo'.

YEHEZKIEL 16:46

Utus tu'a nu beleyum atina'mo Samaria isasu utara tibamo kampungnyo anu toto ise-ise'. Ka' utus ise nu beleyum atina'mo Sodom isasu salatan tibamo kampungnyo anu toto ise-ise'.

YEHEZKIEL 16:49

Sodom tibamo kampungnyo anu toto ise-ise' buulon kalana palasadia'an anu okaan nanjoo'mo ka' mule' sinanangmo na kantumuu'an nu aha. Panyo aha madi' mongkalinga mian anu tumuu' kasiasi tiba mian anu susa'.

AMOS 3:1

Potombihing mae na potuunon nu Tumpu aiya, 'O bansa Israel anu binoamo mae nu Tumpu nosabat lengkat i Mesir. Tumpu notatae,

AMOS 3:8

De singa molohu', ihe na madi' mabuhuk? De Tumpu Anu Matangkas na kuasanyo notatae, ihe na ola momohokot madi' mombebaakon potuunon-Nyo?

AMOS 9:7

Tumpu notatae, “O mian nu Israel, Ku palahatikan na mian nu Sudan pokakanamo susumo Aku mompalahatikan belemiu. Binoang-Kumo na mian nu Filistin lengkat i Kreta ka' mian nu Siria lengkat i Kir pokakanamo susumo Aku nomboa belemiu lengkat i Mesir.

MIKHA 3:1

Potombihing mae o belemiu anu singkap balakuasa i Israel! Sabenanyo tionyo ahi' osumbu' nu belemiu apaa na anu osanggohi adin,

ROMA 9:29

I Yesaya notatae sumo uuka mule', “De Tumpu Anu ko Kuasa madi' nombee'i kita lee', tantu kita iwi-iwi' tinimbalimo Sodom ka' Gomora.”

PO'ULE' INGULIT 32:32

Kalana kalakuan nu aha ma'idek susumo Sodom ka' Gomora, sumomo kau' anggur anu napakatmo na bua'nyo kalana kino lasungnyomo.

ANU PINOTO'I HI YOHANES 11:8

Ka' aha anu sinilakamo paha-paha timpasmo i jalan anu ewa i kota daka', anu pinonsalipan nu aha Tumpu. Sanggo anu pinongkantuangakon kota aijo' atina'mo Sodom kabai Mesir.