YESAYA 1:1 - KITAB NU TUMPU ALLA LELE MA'IMAI'

¹ Kitab aiya isinyo to potu-potunon toka i Yehuda ka' Yerusalem anu pinonyata'mo nu Tumpu hi Yesaya anak i Amos tempo'nyo i Uzia, Yotam, Ahas ka' Hizkia nompalentah Yehuda.

YESAYA 1:1 ပူးပေါင်းရင်းမြစ်များ

2 TOMU-TOMUNDO' 15:1

I taun ko uampulu'nyomo ka' popitu' na i Tomundo' Yerobeam ko II nyo nompalentah Israel. I Uzia anak i Amazia tinimbalimo tomundo' nu Yehuda.

2 TOMU-TOMUNDO' 15:13

I taun kotolumpulu'nyomo ka' osio' na i Tomundo' Uzia nompalentah Yehuda, i salum anak i Yabes tinimbalimo tomundo' nu Israel. Ia nompalentah Samaria ola sina'angu'na bitu'on,

2 TOMU-TOMUNDO' 15:32

I taun ko ohua'nyomo na i Tomundo' Pekah anak i Remulya nompalentah Israel, i Yotam anak i Uzia tinimbalimo Tomundo' nu Yehuda.

2 TOMU-TOMUNDO' 15:7

I Uzia sinilakamo, ka' ilamunmo i tampat pinolamunan to tomu-tomundo' i kota' Daud. I Yotam anaknyo momo'ane na binau tomundo' nombol sakon ia.

2 TOMU-TOMUNDO' 18:1

I taun ko totolu'nyomo na i Tomundo' Hosea anak i Ela nompalentah Israel, i Hizkia anak i Ahas tinimbalimo tomundo' nu Yehuda.

2 TOMU-TOMUNDO' 19:2

Lapas aitu ia nonsaimo i Elyakim, kapala nu laigan nu Tomundo', i Sebna julutulis nu negara, ka' to ima-imam anu i langkai'mo da mamba hi nabi Yesaya anak i Amos. Aha suele nompusokmo hude kalung.

2 TAWARIKH 26:1

Salatan i Amazia sinilakamo, iwi-iwi' na mian da'isan nu aha Yehuda nompile'imo i Uzia anaknyo momo'ane na binau tomundo. Tempo'nyo aitu umunnyo 16 mo na taun. Sanggo nu tinanyo i Yekholya, boune mian nu aha Yerusalem. I Uzia nompalentah I Yerusalem 52 na taun na kinopinnyo. Ia na nongala ka' po'ule' nombau kota Elot.

2 TAWARIKH 26:22

Sisikon sangga'at mongkona i Tomundo Uzia nompalentah tinulismo i Nabi Yesaya anak i Amos.

2 TAWARIKH 27:1

I Yotam tinimbalimo tomundo tempo'nyo aitu umunnyo 25 mo na taun, ka' ia nompalentahmo i Yerusalem 16 na taun na kinopinnyo. Sanggo nu tinanyo i Yerusa anak i Zadok.

2 TAWARIKH 28:1

I Ahas tinimbalimo tomundo tempo'nyo aitu umunnyo 20 mo na taun, ka' ia nompalentahmo i Yerusalem 16 na taun na kinopinnyo. Ia madi' montiho' sonto' anu ma'ima' hi Tomundo Daud, mompolee'nyo mae, panyo nombaumo anu madi' momposanang kinyonyoa nu Tumpu.

2 TAWARIKH 29:33

Aha nomboamo mae mule' 600 na sapi' lakinyo ka' 3.000 na domba da osombahkon ka' okaan hingga-hinggat nu mian anu sinihukmo.

MAZMUR 89:19

Kalana anu nonjagai mae kami aijo'mo mian anu pinile'anmo mae nu Belento, o, Tumpu; tomundo' mami Belento Tumpu Israel na tumpunyo anu Susi'.

YESAYA 13:1

Aiya na potuunon nu Tumpu anu tinalima i Yesaya anak i Amos mongkona Babel:

YESAYA 2:1

Sumo uuka na pinotuun nu Tumpu mongkona Yehuda tiba Yerusalem anu tinalima i Yesaya anak i Amos:

YESAYA 20:2

Totolu'mo nataun anu ihikuhakonmo ma'isa pe'e kino han aijo', Tumpu nonsaimo i Yesaya anak i Amos da mongukatakon sapatunyo ka' hude kalung anu pake-pake hi ia. Ia nontulutimo ka' ia ilumajangmo langgo-langgo ka' mule' madi'mo nisapatu.

YESAYA 21:2

Aku nontoamo han anu jinadimo ka' talalo ahi' okabuhuk; mongkona palabuatan anu talalo ahi' ma'idek ka' mule' lewa'mo nompatei. Sampa lambanimo, belemiu suludadu nu Elam, tumbuhimo! O, belemiu suludadu nu Madai, sampamo tiku! Tumpu mompobelentimo iwi-iwi' na kasansala'an anu sinaduakon nu Babel.

YESAYA 37:2

Lapas aijo' ia nonsaimo i Elyakim kapala nu laigan nu tomundo', i Sebna julutulis nu negara tiba to ima-imam anu kopangkatnyo da mamba singkabot tiba i Nabi Yesaya anak i Amos. Aha suele nompusokmo hude kalung.

YESAYA 38:1

Itempo'mo aijo' na i Hizkia nasakit ka' me sangkiding sinilakamo. I Nabi Yesaya anak i Amos nambamo nontoa ia ka' nompoto'i, “Pinotuun mae nu Tumpu da belento Tomundo' mompobelesmo iwi-iwi' na ulusan, kalana belento Tomundo' madi'mo daagi' ma'alin. Madi'mo pin belento Tomundo' silakamo.”

YESAYA 40:9

Pindakomo pokiita ibungkutnyo mata-matangkas, ka' poto'i na lele ma'ima' hi Yerusalem! Loboo'akon daka-daka', ka' poto'i na lele ma'ima' hi Sion! Poto'i hi kota-kota' nu Yehuda, taalu' Tumpu nu aha tokamo mae!

YESAYA 6:1

Kinakona itaun kikinasilakaanmo i Tomundo' Uzia aku nontoamo Tumpu. Ia suha-suhang ikadela-Nyo tangka-tangkas ka' anu oholomati. Juba'-Nyo monsalingkukubi songko-songko na Laigan nu Tumpu.

YESAYA 7:1

I Tomundo' Ahas anak mo'ane i Yotam makumpu i Uzia. Tempo'nyo ia nompalentah Yehuda, jinadimo na pahampatean. I Rezin tomundo' nu aha Siria nahangewamo i Pekah anak mo'ane i Remalya tomundo' nu aha Israel tinokamo mae nontumbuhi Yerusalem. Panyo madi' pinoko alanyo na kota' aijo'.

YEREMIA 23:16

Kona hi aha mian anu jojoong i Yerusalem, Tumpu Anu Balakuasa notataemo, “Boli mompotombihing potatae nu to nabi-nabi anu ola mompoto'i hahan anu otaha'imani padahan ola lekos. Aha ola mompoto'i posi pikilan anu nu potutugakon nu aha misa' ahi' potuunon-Ku.

YEHEZKIEL 1:1

Itanggan olima' bitu'on anu ko opatnyomo; itaun kotolumpulu'nyomo, sala'je kinona itaum kino olima'nyo salatan i Tomundo' Yoyakhin binoamo itampat pinomboan ka' pinompojoongan, aku i Imam Yehezkiel anak i Busi anu jojoong isonibi nu Kaunyo Kebar i daerah Babel hingga-hinggat tiba aha to mia-mian nu Yahudi sangga'at anu pinojoongmo kiijo' mae. Madi' pinin langit tinabukamo ka' aku nontoamo Tumpu Allah. Ihongongku na Tumpu notatae mae hi belengku, ka' ingoa'anku nahosonmo nu kuasa-Nyo.

HOSEA 1:1

Aiyamo na potuunon anu binee' nu Tumpu hi Hosea anak i Beeri tempo'nyo kalaja'an Yehuda pinalentah i Tomundo i Uzia, i Yotam, i Ahas, ka' i Hizkia, ka' kalaja'an Israel pinalentah i Yerubeam anak i Yoas.

AMOS 1:1

I Amos aijo' mian anu molaya' domba lengkat mae i kota' Tekoa. Ia tinimbali nabi tempo'nyo lipu' nu Yehuda pinalentahmo nu Tomundo Uzia, ka' Israel pinalentahmo nu Tomundo Yerobeam anak mo'ane i Yoahas. Ohua' na taun ma'isa pe'e jinadi na lulu', Tumpu momponyata'mo hi Amos hahan anu mongkona Israel.

AMOS 4:5

Lako'mo monsombahkon roti salaku pompoita talima kase hi beleng-Ku ka' lako'mo sisik hi mian saba' belemiu nompaka tuangimo anu osombahkon! Tantu aijo'mo na anu oka'i ma'i nu bau nu belemiu!

MIKHA 1:1

Pinolengkatan mae i Mikha i sa'angu' na kota' anu ise' sanggonyo Moresyet. Tempo'nyo lipu' nu Yehuda pinalentahmo nobolo-bolosan na Tomundo' aijo'mo i tomundo' Yotam, i Ahas, tiba i Hizkia. I Mikha nohumpakmo potuunon hi Tumpu mongkona Samaria tiba Yerusalem.

NAHUM 1:1

Sumo uuka na potuunon nu Tumpu mongkona aha Ninewe. Potuunon aijo' pinonyata ihan anu pinotoa hi Nahum samian na nabi anu nolengkat mae i Elkos.

HABAKUK 2:2

Tumpu nontaami mae aku sumo uuka, “Tulis ima-ima' isahompak na tano' pinto ka' opotalang ahi' apaa na anu Ku poto'i hi beleyum da dengke na mombasa'.

NOMBILANGMO 12:6

lantas Tumpu notataemo, “Potombihing mae na potataeng-Ku aiya! De daagi' ko anu aiya hi belemiu samian na nabi, Ku potoamo na butong-Ku hi ia da saja' otoa, ka' basisik tiba ia i uno nu ipion.

NOMBILANGMO 24:16

anu nohongomo potatae nu Tumpu Allah, ka' timbali monsumbu' Anu Matangkas hondo na Kuasanyo; lantas nontoamo Anu Daka' hondo na Kuasanyo nanintoa hi ia, ka' tinombahangkangmo panyo matanyo jila-jila.

NOMBILANGMO 24:4

anu nohongomo potatae nu Tumpu Allah ka' nontoamo Anu Daka' hondo na kuasanyo nanintoa hi ia ka' tinombahangkangmo panyo matanyo jila-jila.

MATIUS 17:9

Salatan aha nintatau'mo lengkat mae i bungkutnyo aijo', i Yesus nompo'ingat aha, “Boli mompoto'i mau mule' pa' hi hehemo apaa na anu tinoa miu, de ma'isa pe'e Anak nu Mian po'ule' opotumuu' lengkat i kasilakan.”

SISIKON NU TO RASUL-RASUL 10:17

I Petrus biningungmo na mompotutugakon apaa na alati'nyo nu anu tinoanyo aijo'. Hau-haunyo i Petrus mompotutugakon, to mia-mian anu sinai mae i Kornelius nolio pa' iya na laigan kinasonsoo'an i Simon tempo'nyo aijo' aha anu nolio kiijo'mo i ahop nu tumban.

SISIKON NU TO RASUL-RASUL 26:19

“Kalana aijo', kita Tomundo' Agripa, aku saja' bala usaha mohongo-hongo hi anu tinoa ka' tinalimangkumo lengkat mae hi Tumpu aijo'.

2 KORINTUS 12:1

Memang madi' ko untungnyo na mombuulakon. Panyo aku mongka'oho' ahi' mombuulakon hahan anu pinoto'imo nu Tumpu Allah hi belengku, anu pinoto'i kabai anu pinotoa.

2 PETRUS 1:21

Kalana, madi' toho' potuunon nu Tumpu opolele ola kalana pongka'oho' nu mian. Panyo Roh nu Tumpu na mongkuasai mian da mompotokakon potuunon anu lengkat mae hi Tumpu Allah.