YEREMIA 9:7 - KITAB NU TUMPU ALLA LELE MA'IMAI'

⁷ Kalana aijo' Tumpu Anu Mahakuasa notataemo, “Susumo logam, mian anu palesayamo hi beleng-Ku Ku uji'mo da aha madi'mo daagi' ko galo-galo'nyo. Apaa mule' na daagi' Ku bau hi aha mian anu palesayamo hi beleng-Ku nonombaumo palabuatan anu ma'idek?

YEREMIA 9:7 ပူးပေါင်းရင်းမြစ်များ

2 SAMUEL 13:26

Lantas notataemo na i Absalom, “De sumo aitu yo pobee' mae na utusku i Amnon toka mae hi kami.” I Tomundo' notatae, “Bolimo pilenje ia mamba.”

2 TAWARIKH 36:15

Tumpu, Tumpu Allah nu mompolee' nu aha, saja'mo nonsai mian-Nyo da mompokinde'i mian anu pinalesayamo hi Ia kalana nukanonongi na aha ka' Laigan-Nyo.

MAZMUR 120:4

Tiba pana' anu matajom nu mian anu mahampate tiba oba nu apu anu noakmo!

MAZMUR 55:22

Potataenyo ma'ima'hondo na ia mombisalai, panyo i uno nu kinyonyoanyo mongka'ideki. Ia basisik madi' ko pesa-pesa, panyo monsusuk, sumomo bajak na ko tajomnyo.

MAZMUR 62:5

Belemiu ola batanga' monabu'akon ia da madi'mo talasanggo na sanggonyo. Belemiu mongka'ima'imo baleko'; nganga' nu belemiu montaloakon mombalakati, panyo i uno nu kinyonyoa nu belemiu montotobi'akon.

YESAYA 1:25

Aku nongalamo sa'angu' na kantantuan mongkona hi belemiu. Susumo mompotimbalimo mosoni' anu madi' kogalo'nyo, belemiu Ku potimbalimo da madi' ahi' kogalo'nyo; iwi-iwi' na anu mahenyu anu atina' hi belemiu Ku alinakonmo.

YESAYA 48:10

Aku nonguji'mo beleyum i uno nu apu kasansala'an susumo salaka sinuangmo i uno nu apu.

YESAYA 59:3

Belemiu sinala'mo kalana binaleko'mo ka' mule' nombaumo anu madi' totu'u kalana talalomo ahi' sininggi ka' sola'mo nompatei mian.

YEREMIA 31:20

O Israel beleyum anak anu Ku kanonongi hondo anak anu oka'ima'i hondo, saja' o inau' i uno nu kinyonyoang-Ku. De Aku montambuha'imo bele saja'mo Ku inau' na beleyum ka' molibosmo. Beleyum na Ku atun ahi' ima-ima' nu kalibosan.

YEREMIA 5:1

O mian anu jojoong i Yerusalem, tuusakon na jalan-jalan anu atina' ikota' nu belemiu! Lio iyaya mae ka' posi sakisimo. Soba palesa itampat-tampat anu loas na popasannyo atina' ikota' pa' daagi' ko anu hodi' na kinyonyoanyo anu bala usaha tulu-tulutan hi Tumpu Allah. De daagi' na nu ampuni ahi' nu Tumpu na Yerusalem.

YEREMIA 6:27

Lantas Tumpu notataemo hi Yeremia, “Soba uji' na mian anu palesayamo hi beleng-Ku susumo beleyum monguji' logam. Soba selidiki na kalakuan nu aha!

HOSEA 4:1

Tumpu ko palakala tiba mian da'isan i lipu' aiya. O Israel, potombihing pe'e apaa na anu tinaloakon-Nyo, “I lipu' aiya madi'mo daagi' ko anu tulu-tulutan kabai mompaha kali-kalibosi, ka' mian da'isan madi'mo monsumbu' Aku salaku Tumpu Allah.

ZAKHARIA 13:9

Me sambagian na dunia na daagi' salamat. Ka' mule' aha aijo' Ku posusi'mo susumo salaka anu osuangmo i apu da madi'mo ko galo'nyo. Aha Ku uji'mo susumo mian monguji'mo mosoni'. Lantas aha balado'amo hi beleng-Ku ka' suele ahi' Ku taamimo na aha. Ku poto'imo hi aha tukoong-Ku aha aijo' mian anu palesayamo hi beleng-Ku, ka' aha suele mongakuimo tukoonyo nu aha; Akumo na Tumpu nu aha.”

MALEAKHI 3:3

Ia toka mae da momputusimo, susumo mian anu mompobelesi'mo ka' mule' monsopu'mo salaka. Susumo samian na tukang logam monsopu'mo mosoni' tiba salaka, sumo aijo'mo na anu nu utus nu Tumpu monsopu'mo to ima-imam da aha monsombahkon iwi-iwi na koloban mombatuki ahi' apaa na anu nu situjui nu Tumpu.

1 PETRUS 1:7

Anu nupatui aijo'mo kahanda' momponyata' pa' komiu totu-totu'u palesaya hi Tumpu kabai madi'. Mosoni' pe'e anu timbali ma'idek, o uji' nu apu. Jadi, palesaya miu anu totu-totu'u molingkudui oli nu mosoni', jadi tionyo ahi' o uji' suele da timbali mahoson. Ka' tiba jalan sumo aijo' komiu o puji' ka' o angga'i tiba opopodaka' toka i sinaa-Nyo de i Yesus Kristus po'ule'mo toka.

1 PETRUS 4:12

To Utu-utus anu okanonongi! Komiu tempo' uuka aiya nongoa'imo hondo kasansala'an kalana hau-haunyomo o'uji'. Panyo boli bangang, au'aitu daagi' ko apa-apaa anu tahahumo pa' apaa na tinimbali hi belemiu.