YEREMIA 9:5 - KITAB NU TUMPU ALLA LELE MA'IMAI'

^5-6 Iwi-iwi' mompaha aka-akalimo madi'mo ko anu motatae sahondo-hondonyo. Nganga' nu aha kinobisa'nyomo nu baleko' madi'mo nu poko pala'i nu aha na dosa' nu aha. Buhingison nompaka buhingisonmo mongakali nompaka pongakalimo sabole-bolemo saja nu bau nu aha aha madi'mo hondo-hondo montalima Tumpu.

YEREMIA 9:5 ပူးပေါင်းရင်းမြစ်များ

KAJADIAN 19:11

Aha nompopisokmo iwi-iwi' na mata nu mian anu i sambiha' nu laigan aijo', sahingga mian haha aijo' madi'mo daagi' noko ala nontoa-toa sabatan.

AYUB 11:3

O Ayub, pa' koonyo nu beleyum kami madi' moko ala montaami beleyum? Pa' koonyo nu beleyum ola ohokotakon mami na beleyum moween mae kami?

AYUB 15:5

Potatae nu beleyum atina' timbalimo sa'angu' na bukuti' saba' beleyum memang ahi' sala', panyo kalakuan nu beleyum anu ma'idek atina' nu kulubi nu potatae nu beleyum anu toto ima-ima'.

MAZMUR 140:3

Aha ko tanga'an anu ma'idek i uno nu kinyonyoa nu aha, ka' sansina-sinaa saja' monsaduakon painggagah.

MAZMUR 50:19

Beleyum saja' montaeakon potatae anu ma'idek, ka' saja' ka oho' mongakali.

MAZMUR 52:3

O mian anu mahoson, kadaka' beleyum montakabunakonmo palabuatan nu beleyum ma'i-ma'idek, hi mian anu nu kalibosi nu Tumpu?

MAZMUR 64:3

Jagaiakon mae na aku da boli nusilakai mae nu anu lewa' basangaja' mombau anu palaganta, ka' mule' tanga'an nu to mia-mian anu pande hondo na mongakali ka' saja' mombau anu ma'idek.

AMSAL 12:5

Mian anu madi' tageo' na kinyonyoanyo saja' mompokilawa hahan anu ma'ima'; panyo mian anu ma'idek na kinyonyoanyo saja' montanga'i mosia na mongakali.

AMSAL 4:16

Mian anu ma'idek na kinyonyoanyo madi' to hoyot de ma'isa pe'e aha mombau anu ma'idek. Aha madi' matatundu' de ma'isa monsilakai mian sangga'at.

YESAYA 5:18

Silakamo na belemiu anu me saja' mombau dosa!

YESAYA 57:10

Madi' ko kapa'osannyo na belemiu molio to pilo-pilogot. Osangka nu belemiu aha timbali mombee'i kahosonan, sahingga belemiu madi'mo mabuhuk.

YEREMIA 12:13

Mian anu palesayamo hi beleng-Ku montugan gandum panyo ola ahi' hii' na ihumpak na hasinnyo. Aha binala usahamo ahi' totu-totu'u, panyo usaha nu aha madi' ahi' ko anu ihumpak apa-apaa. Aku notambuha'mo hondo' sahingga madi'mo jinadi na aha nohumpak bua'nyo.”

YEREMIA 12:6

Beleyum kinabisa'anmo, pakalaus mule' ahi' tibamo to utu-utus nu beleyum na nongkabisa'i; aha suele ahi' nolambanimo beleyum. Boli opalesaya na aha, maunyomo ahi' matami' na potatae nu aha.”

YEREMIA 13:23

Te toho' mule' mian anu mo itom timbali mombali'i buhit nu kilitnyo, kabai harimau moko ala mongalini belongka'nyo? Tantu madi' ahi'! Sumo aijo'mo na belemiu anu biasamo mombau palabuatan anu ma'idek, susa'mo hondo na mombau palabuatan anu ma'ima'.

YEREMIA 4:22

Tumpu notatae, “Ponga' hondo na mian anu palesayamo hi beleng-Ku aijo' aha madi'mo nonsumbu' Aku. Aha sumomo ahi' to ana-anak anu mabongon hondo madi' ahi' ko anu nupisumbu-sumbu' maumo ola sangkiding. Pinandemo hondo ipalabuatan anu ma'idek, ka' madi'mo nonsumbu' palabuatan anu ma'ima'.”

YEREMIA 51:58

Pagan mesen nu Babel toto hoso-hoson Ku hansunimo sahingga mahatamo susumo tano'. Sabatannyo daka-daka' toto tangka-tangkas Ku papumo sampe motanggotmo hondo. Ola pinalasuma' na lawe nu to bansa-bansa, kalana apaa na anu kinalajamo nu aha ola nu kaan nu apu. Aku, Tumpu Anu Mahakuasa notataemo.”

YEREMIA 51:64

Ka' otaloakon, ‘Sumo aiya na saidi' mae jadi i Babel. Lipu' aiya saidi' mae molomosmo ka' madi'mo daagi' lubat mae kalana aha tinuda'anmo nu balaa' nu Tumpu.’ ”

YEREMIA 7:28

Jadi poto'i hi aha taalu' aha sa'angu' na bansa anu madi' mongka'oho' tulu-tulutan hi beleng-Ku, Aku, Tumpu Allah nu aha. Aha madi' mongka'oho' monginau' hukuman anu ingoa'anmo nu aha. Tulu-tulutan hi beleng-Ku imadi'anmo, pakalaus madi'mo daagi' binisalakon.”

YEREMIA 9:3

ka' saja' balaniat da baleko'. Isongko-songko na lipu' palabuatan anu totu'u madi'mo balakuasa, pakalaus kinyonyoa anu madi'mo hodi' jinadimo iyaya mae. Tumpu notatae, “Mian anu palesayamo hi beleng-Ku nombaumo palabuatan anu ma'idek madi'mo kinokabelentiannyo, aha madi'mo nongakui Aku salaku Tumpu Allah nu aha.”

YEREMIA 9:8

Potatae nu aha monsilakai hondo timbali mompatei susumo pana' anu ko bisa'nyo. Apaa na anu sola' nu taloakon nu aha saja' leko'. Potatae nu aha matami' hondo ka' timbali monggoda, panyo sabenannyo aha nonta'anmo so'o.

YEHEZKIEL 24:12

Panyo madi' iwi-iwi'mo na ataknyo nu toyo'imo nu apu.

MIKHA 6:12

To mia-mian anu kaya i kota nu belemiu mongkabisa'i mian anu kasiasi ka' mule' belemiu iwi-iwi' singkap ahi' baleko'.

MIKHA 6:3

Tumpu notatae, “O, mian-Ku anu palesayamo apaa na anu binaung-Kumo hi belemiu? I han apaa na Aku nomposusa'mo belemiu? Taami mae na Aku!

HABAKUK 2:13

Iwi-iwi' na bansa anu pinatundu'mo nu beleyum pagala binala usaha panyo madi' kinogunanyo, ka' iwi-iwi' na anu pinotinjonyo nu aha ola ningkot notoyo' nu apu. Iwi-iwi' aijo' pongka'oho' nu Tumpu Anu Daka' na kuasanyo.

MALEAKHI 2:10

Temisa' kita iwi-iwi' aiya ko tuuma ahi anu pokakana? Temisa' kita iwi-iwi' aiya pinotimbali ahi' nu Tumpu anu pokakana? De sumo aijo' kadaka' kita bubuu'mo madi' nontuluti palajanjian ka' mule' tiba jalan aijo' madi'mo nontuluti palajanjian anu bianumo nu Tumpu tiba mompolee'to?

EFESUS 4:25

Kalana aijo' to Utu-utus iwi-iwi' bolimo baleko'. Pombaumo gau' anu hodi' hi samian ka' hi samian, kalana kita iwi-iwi' bubuu'mo ninsoop bagian butong i Kristus.

1 TIMOTIUS 4:2

anu pinotoka nu to mia-mian anu mongakali ka' baleko'. Kinyonyoanyo nu to mia-mian haha aijo' pinikatmo.

TO MIA-MIAN KOPIAN 2:10

Lapas aijo' iwi-iwi' na aha salapisan aijo' sinilakamo ahi'. Ka' aha anu i salapisannyo mule' mae madi'mo monsumbu' Tumpu. Kalana aha madi'mo nontoa ka' nongoa'i apaa na anu binaumo nu Tumpu hi bansa Israel.