YEREMIA 9:4 - KITAB NU TUMPU ALLA LELE MA'IMAI'

⁴ Maumo ahi' sangalu, panyo batu-batu mian na saja' ahi' balajaga-jaga ka' mau mule' utus sa'a-sa'angu' na ma'alum madi'mo timbali opalesaya. Kalana, susumo i Yakub sumo aijo'mo na aha, toto samian nongakalimo utusnyo. Batu-batu mian mambamo iyaya mae da sola' monsisik pitana' hi mian ka' sola' baleko'.

YEREMIA 9:4 ပူးပေါင်းရင်းမြစ်များ

KAJADIAN 32:28

Mian aijo' notataemo, “Sanggo nu beleyum misa'mo i Yakub. Beleyum nahaluku'mo tiba Tumpu Allah ka' tiba manusia, ka' beleyum na inguntungmo; kalana aitu sanggo nu beleyum i Israelmo”.

MAZMUR 101:5

Mian anu lewa' mompobau-bau anu madi' totu'u maumo nu pohowini hi mian sangga'at ku pateimo. Mian anu mombuulakon butongnyo ka' saja' mingkinyonyoa da molingkudui sangalu madi' ola ku pojohok.

MAZMUR 15:3

anu madi' lewa' mompobau-bau sangko mian, madi' mombau anu ma'idek hi sangko sangalunyo, ka' madi' lewa' mongalu mian anu mompaha ohani na laigan;

AMSAL 10:18

Mian anu mompohowini mongka'ideki mian aijo'mo na anu saja' mongakali. Mian anu lewa' mompitana'i aijo'mo na mian anu ponga' hondo.

AMSAL 25:18

Monsangka anu madi' totu'u timbali monsilakai, sumomo bajak, malatelu, kabai pana' anu matajom.

AMSAL 4:16

Mian anu ma'idek na kinyonyoanyo madi' to hoyot de ma'isa pe'e aha mombau anu ma'idek. Aha madi' matatundu' de ma'isa monsilakai mian sangga'at.

AMSAL 4:17

Palabuatan anu ma'idek ka' saja' singgi sumomo anu okaan ka' anu o inum nu aha.

AMSAL 6:16

Popitu' na han na anu nu ka'ideki nu Tumpu ka' madi' timbali Nupojohok. Palabuatan anu buulon, nganga' anu baleko' lima anu mompatei mian anu madi' kosala'nyo, pikilan anu montanga'i hahan anu ma'idek, tengke anu kosia-sia' mamba ipalabuatan anu ma'idek, sakisi anu sabole-bole saja' baleko' ka' mian anu saja' monsaduakon pahantuda'an hi bubu' sangalu.

YESAYA 59:13

Kami madi'mo nohongo ka' pinusamo hi Tumpu, ka' madi'mo mongka'oho' mombatuki Tumpu mami. Kami lewa'mo nonsakisa mian sangga'at ka' madi'mo nombatuki atulan, pikilan mami sinala'mo ka' potatae mami binaleko'mo.

YESAYA 9:16

Bansa aijo' madi'mo pinalesaya hi Tumpu ka' mule' palalente, ka' iwi-iwi' na potatae nu aha madi'mo na'ima'. Kalana aijo' aha to oli-olitau mau pe'e samian madi' ko anu pinoluput nu Tumpu. Ia madi'mo nongkalibosi to balu-balu tiba anu madi'mo ko tuumanyo ka' tinanyo. Panyo Tumpu daagi' ahi' sabole-boleh motambuha' ka' sabole-boleh mohukum.

YEREMIA 12:6

Beleyum kinabisa'anmo, pakalaus mule' ahi' tibamo to utu-utus nu beleyum na nongkabisa'i; aha suele ahi' nolambanimo beleyum. Boli opalesaya na aha, maunyomo ahi' matami' na potatae nu aha.”

YEREMIA 6:28

Aha iwi-iwi' saja motomuhuk ka' panggaga hondo, sumomo ahi' ko kuutnyo nu tambaga ka' besak. Aha saja mombau palabuatan anu mabusik ka' lumajang pa' momoya mombebakon lele anu mombusiki sanggo nu mian sangga'at.

YEREMIA 9:8

Potatae nu aha monsilakai hondo timbali mompatei susumo pana' anu ko bisa'nyo. Apaa na anu sola' nu taloakon nu aha saja' leko'. Potatae nu aha matami' hondo ka' timbali monggoda, panyo sabenannyo aha nonta'anmo so'o.

YEHEZKIEL 22:9

Daagi' ko anu atina' jojoong hi beleyum na sola' mombebee'i sisik anu ma'idek ka' saja' monsisik anu madi' totu'u mian sangga'at da obee'i hukuman mate. Daagi' mule' ko mian anu mongka'ima'i mongkan ponoha' anu kinolobanakonmo hi pilogot. Daagi' mule' ko mian anu mongka'ima'masala'.

IMAMAT 19:16

Boli lewa' mombebakon sisik anu madi' totu'u hi to mia-mian sangko bansa nu belemiu, da belemiu boli monsaduakon kapatean hi bubuu' belemiu manusia. Akumo na Tumpu.

MALEAKHI 2:10

Temisa' kita iwi-iwi' aiya ko tuuma ahi anu pokakana? Temisa' kita iwi-iwi' aiya pinotimbali ahi' nu Tumpu anu pokakana? De sumo aijo' kadaka' kita bubuu'mo madi' nontuluti palajanjian ka' mule' tiba jalan aijo' madi'mo nontuluti palajanjian anu bianumo nu Tumpu tiba mompolee'to?

MATIUS 10:17

Balajaga-jaga kalana komiu o hakop ka' opopangadap hi to Mia-mian Kopian. Komiu tionyo o sakisa i to lai-laigan pogalejaan.

MATIUS 10:21

Saidi' mae timbalije saba' mian posi utusnyo mombee' da o patei. Ka' aitu mule' na saidi' mae timbali hi tuumanyo tiba anaknyo. To ana-anak tionyo mongewa tina ka' tuumanyo, ka' mombee' aha da o patei.

LUKAS 21:16

Komiu saidi' mae nukabisa'i nu tina ka' tuumaum nu to utu-utusum, nu anak nu to tomi-tominsanum tiba to sanga-sangaluyum. Sambagian na komiu saidi' mae nupatei nu aha.

1 TESALONIKA 4:6

I uno nu han anu sumo aijo' boli ko samian na mombau kasala'an hi utusnyo kabai mongakali ia. U'utu mae kami nompo'ingatmo totu-totu'u hi komiu, kalana Tumpu mohukumo to mia-mian anu mombau kasala'an-kasala'an anu sumo aijo'.