YEREMIA 9:23 - KITAB NU TUMPU ALLA LELE MA'IMAI'

²³ Tumpu notatae, “Mian anu pade madi' timbali buulon kalana kapandeannyo aijo' ka' mule' mian anu mahoson kalana kahosonannyo aijo' ka' mian anu kaya kalana kakaya'annyo aijo'.

YEREMIA 9:23 ပူးပေါင်းရင်းမြစ်များ

AYUB 32:13

Mosia sahingga tinaloakonmo nu belemiu belemiu notataemo au'aitu kapandean bapikin kinabotmo nu belemiu? Kalana aijo' sahanyo ahi' belemiu nangakumo kinalamo. Anu timbali montaami i Ayub ola Tumpu Allah.

AYUB 41:15

Tundunnyo sumomo ahi' kanta anu pinaha kunsu-kunsunmo pinaha poka-pokampa'mo sumomo ahi' batu na ko belengnyo.

MAZMUR 33:5

Ia mongka'ima'i palabuatan anu madi' tageo' tiba ka adinan; songko-songko na dunia nobuke'mo nu kalibosan-Nyo.

MAZMUR 34:3

Aku binilahimo kalana palabuatan nu Tumpu; o'amalakon da mian anu sinansalamo mohongo mae ka' lame'mo.

MAZMUR 44:9

Sahingga kami saja'mo mompopodaka' Belento ka' saja'mo montalima kaseh hi Belento.

MAZMUR 62:10

Manusia ola susumo monguusakon napas, tu'anyomo kabai daagi' anak bubuu' madi' ko angga'nyo. De otimbang, aha laing hondo, nulingkudui na kolaingnyo nu napas anu ouusakon.

AMSAL 11:4

De montanda'imo kasilakan halata' madi'mo ko gunanyo; panyo kantumuu'an nu beleyum salamat de beleyum madi' tageo' na kinyonyoa.

AMSAL 21:30

Madi' ko kapandean, ilimu', kabai kapandean mompopikilakon anu moko ala balatahan i ahop nu Tumpu.

AMSAL 3:5

Opalesaya na Tumpu nu kinyonyoa totu-totu'u ka' boli montaha'imani posi pangalati'an nu belemiu.

ANU MOMPOLELE POTATAE NU TUMPU 2:19

Ka' ihe na monsumbu' pa' ia anu pande kabai anu ponga'? Panyo maumo pa' mosia ia ahi' na timbali montumpui hasin nu kalajangku anu bibinaungkumo tempo'nyo tinumuu' i dunia aiya, salaku balakat nu lawengku tiba kapandeanku bapikin. Jadi aijo' suele madi' ahi' ko gunanyo.

ANU MOMPOLELE POTATAE NU TUMPU 9:11

I dunia aiya daagi mule' ko anu tinoangku; pailomba'an madi' saja'mo ko kamanangan na mian anu mopadeka', pahampatean madi' saja'mo ko kamanangan na mian anu mahoson. Mian anu pande madi' saja'mo mohumpak pakalaja'an polioan, ka' mian anu mangalati' madi' saja'mo mohumpak kakaya'an. Ka' mule' suele mian anu ahali madi' saja'mo talasanggo, Kalana maumo ahi' pa' ihe timbali nu tokai mae nu nasib soe'.

YESAYA 10:8

Ia nombuulakonmo butongnyo, ka' notatae, “To tale-talenga'ku ka to tomu-tomundo'!

YESAYA 20:5

Aha to mia-mian anu montakabunakon Sudan ka' mule' mombuulakon Mesir hentemo na mogogia' ka' madi'mo daagi ko anu nu taha'imani nu aha.

YESAYA 47:10

Nu oa'i nu beleyum madi' ko anu mompoposia na beleyum mombau anu ma'idek, nu tutugi na palabuatan nu beleyum madi' opotomatakon. Beleyum sinala'mo na binapikin kalana sinaduakonmo nu kapandean tiba ilimu' nu beleyum, nu sangka nu beleyum madi'mo ko anu pokakana susumo beleyum.

YESAYA 5:21

Silakamo na belemiu anu mongakui butongnyo mapaham ka' mule' pande!

YEREMIA 31:34

Madi'mo daagi' palalu maunyomo ola samian na bubu' aha mongajan sangalunyo da monsumbu' Tumpu. Kalana aha iwi-iwi' anu tu'amo kabai anu daagi' anak saidi' mae monsumbu'mo Aku. Kasala'an-kasala'an nu aha madi'mo lewa' Ku inau', to dosa-dosa' nu aha Ku ampunimo. Aku, Tumpu notataemo.”

YEREMIA 48:14

Mosia na to momo'ane nu aha Moab daagi' motatae, ‘Kami talenga', suludadu anu baani' anu inguji'mo i uno nu pahampatean?’

YEREMIA 48:7

O, Moab! Beleyum montakabunakon kabaanian tiba kakaya'an nu beleyum. Panyo uuka aiya beleyum opatundu'mo. Kamos, pilogot nu beleyum tiba to ima-imam nu beleyum ka' to mia-mian anu kopangkatnyo ikiijo' oboamo itampat pompojoongan.

YEREMIA 49:4

O, belemiu anu madi' tulu-tulutan! Kadaka' belemiu nontakabunakonmo bangka'nyo haha atina' nu belemiu anu toto lumba-lumba'? Apaa na sababnyo belemiu nontaha'imanimo kakaya'an nu belemiu? Iya na jadi na belemiu montaloakon, au' aitu madi' ko samian anu baani montumbuhi belemiu?

YEHEZKIEL 29:9

Mesir timbalimo tano' anu liingmo hondo. Sahingga nu sumbu'je nu belemiu taalu' Akumo ahi' na Tumpu.” Tumpu notatae, “O tomundo' nu Mesir! Kalana beleyum nontaloakonmo tukooyum Kaunyo nu Nil aijo' beleyum na tumpunyo ka' mule' tukooyum beleyum na nombau,

YEHEZKIEL 7:19

Mosoni' tiba salaka nu alinmo nu aha ijalan susumo duhehe, kalana de tokamo na sinaanyo Tumpu mompotudunmo tambuha'-Nyo, mosoni' tiba salaka aijo' madi' moko ala momposalamat aha, pakalaus aijo'mo na nontua aha i uno nu dosa'. Aha madi'mo moko ala monggunakon aijo' da mompopuas napisu nu aha kabai bau pongisi kompong nu aha.

DANIEL 3:15

Jadi uuka aiya, balasadia na belemiu tolodadupu ka' monsombah patong aijo' salatan musik opo onyi'mo? De belemiu madi' mongka oho' belemiu lau-laus olumbu'akonmo mokiijo' i uno nu apu hau-haunyo noakmo. Ka' pilogot iya mae na anu moko ala momposalamat belemiu i uno nu kakuasa'anku?”

DANIEL 4:37

Jadi uuka aiya aku i Nebukadnezar mompuji'mo, mompopodaka'mo katalasanggoan nu Tomundo' nu Suluga'. Iwi-iwi' na anu binau-Nyomo totu'u ka' mule' adin ka' moko ala mompota'aluk mian anu kalakuannyo takabun.

MIKHA 6:8

Madi'! Tumpu nompoto'imo hi kita han anu ma'ima'. Anu nu tuntut hi kita aijo'mo: da kita mingkalakuan ahi' adin, ka' saja' ahi' balaniat mompahakali-kalibosi ka' mule' madi' ahi' ko bubun ka' tumuu' ahi' mosa'angu' tiba Tumpunto.

ZEFANYA 1:18

Isinaa anu okabuhuk hondo aijo' saidi' mae Tumpu mompotoamo pusanyo sahingga iwi-iwi' na mosoni' tiba salaka nu aha madi'mo moko ala momposalamat aha. Songko-songko na dunia saidi' mae mingkotmo hansun nu papui nu apu nu tambuha'-Nyo. Monti-montik madi' pin Nu gautmo na nyawa iwi-iwi' anu i dunia aiya.

MARKUS 10:24

Anu saja' mombatuki Ia, binangang na nohongo potatae i Yesus aijo'. Panyo i Yesus notatae mule', “To ana-anaku, memang susa' na timbali minsoop mian anu palesayamo hi Tumpu!

ROMA 1:22

Aha mongoa'i butong pande, yo aitu aha ponga'.

1 KORINTUS 1:31

Jadi, sumo anu tinulismo i uno nu Kitab nu Tumpu, “Mian anu mongka'oho' mombubuulakon, ola ahi' mombuulakon apaa na anu binaumo nu Tumpu.”

PO'ULE' INGULIT 8:17

Jadi boli hondo-hondo bapikin kalana usaha ka' kahosonan nu belemiu sahingga kinayamo na belemiu.

FILIPI 3:10

Ola sa'a-sa'angu'nyomo na ku kahanda'i aijo'mo da aku monsumbu' i Kristus, ka' mongoa'i kuasa anu nompotumuu'mo Ia sinilaka. Ku inde'i da mongoa'i sansala hingga-hinggat tiba Ia, ka' timbali pokakana sumo Ia i uno nu han Ia sinilaka.

FILIPI 3:8

Misa' ola hahan anu sinanggomo aijo' panyo ahi' iwi-iwi na apaa kusangka sumo hahan anu ola mompolugi' aku. Anu daagi' hi belengku uuka aiya aijo'mo na lebe ko angga'nyo: aijo' mo monsumbu' i Kristus Yesus, Tumpungku. Kalana i Kristus, sahingga aku nolapasakonmo iwi-iwi na aijo'. Kusangka iwi-iwi' aijo' ola sumo duhehe da timbali ku humpak na i Kristus,

1 TIMOTIUS 6:10

Kalana mongka'ima'i doi lubatmo na lupa-lupa ka'idekan. Daagi' kosambahagian na mian ola molio doi sahingga madi'mo mombatuki ajalan nu Kristen, lantas aha nu tokaimo nu kasansala'an anu manjoo' hondo anu mongideimo kinyonyoa nu aha.

1 SAMUEL 17:42

Panyo salatan ia nontoamo i Daud, ka' nontoamo apaa na anu totoong hi ia, i Goliat kinumojomo mongkokojoi i Daud kalana ma'isa tu'a hondo ka' olitau hondo.