YEREMIA 9:13 - KITAB NU TUMPU ALLA LELE MA'IMAI'

¹³ Tinaaman nu Tumpu, “Aijo' jinadimo kalana mian anu palesayamo hi beleng-Ku madi'mo daagi' mompalahatikan pangajalan-pangajalan anu binee'-Kumo hi aha. Aha madi'mo nontuluti Aku ka' mule' madi'mo ahi' suele nontuluti palentang-Ku.

YEREMIA 9:13 ပူးပေါင်းရင်းမြစ်များ

2 TAWARIKH 7:19

Panyo de beleyum ka' mian nu beleyum molanggaimo to atu-atulan ka' anu Ku palentahkon iwi-iwi', ka' mule' monsombahmo to pilo-pilogot sangga'at,

EZRA 9:10

Panyo uuka aiya, o Tumpu Allah, salatan han haha aijo' jinadimo apaamo na anu otaloakon mami. Kami po'ule' mule' madi' nombau apaa na anu pinalentahkonmo nu belento,

MAZMUR 119:53

Tinambuha'ankumo hondo na mian anu ma'idek na kinyonyoanyo, kalana aha nompala'imo atulan nu Belento.

AMSAL 28:4

Ihe na madi' montoongi atulan mosambiha' hi mian anu ma'idek na kinyonyoanyo, ihe na montuluti atulan mongewa mian anu palaganta.

YEREMIA 13:10

Bansa anu ma'idek na palabuatan nu aha aijo' talalo ahi' panggaga ka' madi'mo mae tulu-tulutan hi beleng-Ku. Aha monsombah ka' palesaya hi to pilo-pilogot sangga'at. Mokonyo aijo' aha montihomo lipa' kodo-kodo' aijo' anu madi'mo daagi' ko gunanyo.

YEREMIA 22:9

Lantas nu taamimo nu mian koonyo nu aha iwi-iwi' aijo' jinadimo kalana belemiu madi'mo nongganapi palajanjian nu belemiu hi Tumpu Allah nu belemiu ka' mule' nonsombahmo ka' pinalesayamo to pilo-pilogot sangga'at.”

YEREMIA 5:19

Panyo de nu pokilawa nu aha kadaka' Ku baumo na aijo' iwi-iwi' hi aha, poto'i Yeremia saba' susumo aha nompala'imo Aku ilipu' nu aha ka' nompalesayamo to pilo-pilogot nu bansang sangga'at, sumo aijo'mo na aha timbalimo posaihon nu to mia-mian anu isalipu' anu lengkat mae ilipu' sangga'at.”

YEREMIA 7:26

Panyo madi' ko anu mohongo kabai ko anu mompalahatikan. Belemiu ola mule' ahi' nompaka panggaga ka' naidek nolingkuduimo mompolee' nu belemiu.”