YEREMIA 8:9 - KITAB NU TUMPU ALLA LELE MA'IMAI'

⁹ To mia-mian anu toto pande-pande atina' hi belemiu saidi' mae opopo ambangmo. Aha madi'mo moko ala bapikin ka' ohakopmo. Aha madi'mo mongka'oho' montalima pokinde'-Ku; jadi kapandean apaa na anu daagi' hi aha?

YEREMIA 8:9 ပူးပေါင်းရင်းမြစ်များ

2 TOMU-TOMUNDO' 17:15

Israel ka' Yehuda madi' mongka'oho' montuluti iwi-iwi' na palentah nu Tumpu ka' madi' montuluti palajanjian anu binauNyomo tiba mompolee' nu aha. Aha madi' montapali to poki-pokinde'Nyo, panyo ola ahi' monsombah to pilo-pilogot anu madi' ko gunanyo, sahingga aha suele madi'mo ko gunanyo. Aha nombatukimo sonto' apaa na anu nu bau nu to bansa-bansa anu mompaha ohani aha, mau mule' Tumpu nontewa'mo.

AYUB 5:12

Madi' pinobee'-Nyo na mian anu pande mongakali, sahingga usaha nu aha madi' noko ala nombau apa-apaa. Sinumbu'mo ka' i humpaknyomo na mian anu pande na monggoliliakon potataenyo, sahingga iwi-iwi na tanga'an nu aha madi' nongkaliangan, ka' aha ingakalanmo nu kapandean nu aha.

MAZMUR 19:7

Ia nontusakonmo langit lengkat pe'e mae i puusnyo toka-toka i puusnyo; madi'ko anu madi' nukona nu panasnyo.

YESAYA 19:11

Memang pikok ahi' na to pola-polaya' nu kota' Zoan! Aha mian nu Mesir anu pande hondo nombee'imo pokinde' anu madi' totu'u! Baani hondo na aha motatae hi tomundo' tukoonyo aha lee' mae nu to tomu-tomundo' tempo'nyo nai puan mae!

YESAYA 29:14

Kalana aitu aha Ku potolokengkengmo nu pondoke anu ojojo'imo. Mian anu pande timbalimo ponga' ka' iwi-iwi na kapandean nu aha madi'mo mingkaliangan.”

YESAYA 43:27

Mompolee' nu beleyum anu momonanyo binaladosa'mo, to pola-polaya' nu beleyum notomuhukmo mae hi beleng-Ku.

YESAYA 8:20

Taami sumo uuka, “Ohongo na pangajalan nu Tumpu! Mian nau motatae madi' sosok ipangajalan aijo' madi' ko anu nu taha'imani imihinyo mae.”

YEREMIA 15:6

Belemiu madi'mo nontalima ka' mule' nompala'imo Aku, kalana aijo' Ku tangkakonmo na limang-Ku da mohansunimo belemiu, kalana na osamo na Aku nongintim tambuha'-Ku.

YEREMIA 19:7

Itampat aiya madi'mo Ku pojadi' na tanga'an iwi-iwi' nu aha mian Yehuda tiba mian anu jojoong i Yerusalem. Aha Ku popilayamo da nu patundu'mo nu to sampo-sampobali' nu aha ka' opateimo i uno nu pahampatean. Bangke' nu aha Ku pojohokmo da nu tolukmo nu to tomo-tomonsi' tiba binatang anu mahangas.

YEREMIA 2:8

To ima-imam madi'mo ko anu mompokilawa iya mae na Aku, Tumpunyo. To mia-mian anu montinjohakon atulan madi'mo daagi' monsumbu' pa' ihe na Aku, to mia-mian anu balakuasa notomuhukmo mae hi beleng-Ku. Atas sanggo nu Baal na to nabi-nabi motatae, ka' monsombahmo pilogot anu madi' kokaliangannyo.”

YEREMIA 49:7

Sumo uuka na koo-Nyo nu Tumpu Anu Mahakuasa na aha Edom, “Te aha mian nu Edom madi'mo daagi' noko ala pinande na bapikin? Te aha to mia-mian anu lewa' mompokinde'i madi'mo nompokinde'i aha? Pa' iningkotmo na kapandean nu aha!

YEREMIA 6:15

Sabenannyo aha ma ambangmo ahi' kalana nombaumo iwi-iwi' anu moko ambang aijo'. Panyo kinabanmo na ohup nu aha ka' madi'mo nonsumbu' ambang. Kalana aijo' aha ohukumo susumo mian sangga'at; sisikon nu aha mingkotmo de Ku hukumo na aha. Aku, Tumpu, notataemo.”

YEREMIA 6:19

Palahatikan o dunia! Mian anu palesayamo hi beleng-Ku madi' mongka'oho pangajalan-Ku mae na balaa' hi aha.

YEHEZKIEL 7:26

Balaa' tiba lele ma'idek saja'mo toka mae hi aha. Belemiu mongkakasemo da to nabi-nabi mongkila-kilamo pa' apaa na jadi saidi' mae panyo aha madi' ahi' moko ala. Ka' suele aha to ima-imam madi'mo daagi' ko apa-apaa anu opogulu'akon hi aha mian, ka' mule' to pola-polaya' iningkotmo na pokinde' nu aha.

AMOS 2:4

Tumpu notatae, “Mian nu Yehuda saja'mo nombau dosa' pa' pimpianmo, kalana aijo' Aku tionyo mohukumo aha. Aha madi'mo nombatuki to pale-palentah-ngKu ka madi'mo nohongo-hongo to aja-ajalan-Ku. Aha sinala'anmo nu to tomi-tominuat sangga'at anu nusombah nu mompolee' nu aha.

ZAKHARIA 13:4

I sinaa aijo' to nabi-nabi ma'ambangmo na mombau apa-apaa susumo nabi. Aha madi'mo mompusok baju' nu nabi bau-bau pongakali ka' mombuulakon anu tinoa nu aha.

PO'ULE' INGULIT 4:6

Obau na aijo' ma'i-ma'ima'. De belemiu mombau sumo aijo', saba' kapandean nu belemiu timbali nutoa nu to bansa-bansa sangga'at. De nuhongomo nu aha na atulan haha aijo' aha motataemo, ‘Palias na kopandenyo nu pikilan nu aha bansa anu daka' aijo'!’

2 TIMOTIUS 3:15

Beleyum tionyo ahi' monginau', saba' daagi' pe'e ise' beleyum nonsumbu'mo Kitab nu Tumpu. Kitab nu Tumpu aijo' timbali mombee'i beleyum pangalati'an da mohumpak kasalamatan montului jalan palesaya hi Kristus Yesus.