YEREMIA 8:8 - KITAB NU TUMPU ALLA LELE MA'IMAI'

⁸ Baani hondo na belemiu motatae, tukoo miu belemiu pande ka' monsumbu' atulan-Ku! Soba toa mosia na atulan-Ku binali'anmo nu aha anu toto pande-pande i agama ka' geguan!

YEREMIA 8:8 ပူးပေါင်းရင်းမြစ်များ

AYUB 11:12

De keledai tinanyo ma'ela monganakmo anaknyo manyaam, yo sumo aitumo na mian ponga' timbalimo pande ka' mangalati'.

AYUB 12:20

Ginungguman-Nyomo na nganga' nu mian anu ma'idek na kinyonyoanyo, po'ule'mo ingalanyo na kapandean bapikin nu to mia-mian anu langkai'mo.

MAZMUR 147:19

Ia nompotokamo potuunon-Nyo hi mian anu pinalesayamo hi Ia, palentah ka' atulan-Nyo hi mian anu pinile'an-Nyomo.

AMSAL 17:6

Bau kasanangan nu anu langkai'mo ka' bengkele'mo aijo'mo to maku-makumpunyo; ka' bau kasanangan nu to ana-anak aijo'mo tinanyo ka' tuumanyo.

YESAYA 43:27

Mompolee' nu beleyum anu momonanyo binaladosa'mo, to pola-polaya' nu beleyum notomuhukmo mae hi beleng-Ku.

YEREMIA 18:18

Mian notatae, “Imbo' da kita basangaja'mo mongewa i Yeremia. Misa' ola ia na bisa motatae, mompotoka apa-apaa hi Tumpu. Saja' daagi' ko imam anu timbali mombee'i pangajalan, daagi' ko mian pande anu timbali mombee'i pokinde'; ka' daagi' ahi' ko nabi anu timbali mompotoka mae hi kita potuunon-potuunon lengkat mae hi Tumpu Allah. Imbo' da okalaktomo na ia hi mian kopian ka' madi'mo daagi' kita mompotombihing potataenyo.”

YEREMIA 19:7

Itampat aiya madi'mo Ku pojadi' na tanga'an iwi-iwi' nu aha mian Yehuda tiba mian anu jojoong i Yerusalem. Aha Ku popilayamo da nu patundu'mo nu to sampo-sampobali' nu aha ka' opateimo i uno nu pahampatean. Bangke' nu aha Ku pojohokmo da nu tolukmo nu to tomo-tomonsi' tiba binatang anu mahangas.

YEREMIA 2:8

To ima-imam madi'mo ko anu mompokilawa iya mae na Aku, Tumpunyo. To mia-mian anu montinjohakon atulan madi'mo daagi' monsumbu' pa' ihe na Aku, to mia-mian anu balakuasa notomuhukmo mae hi beleng-Ku. Atas sanggo nu Baal na to nabi-nabi motatae, ka' monsombahmo pilogot anu madi' kokaliangannyo.”

YEREMIA 4:22

Tumpu notatae, “Ponga' hondo na mian anu palesayamo hi beleng-Ku aijo' aha madi'mo nonsumbu' Aku. Aha sumomo ahi' to ana-anak anu mabongon hondo madi' ahi' ko anu nupisumbu-sumbu' maumo ola sangkiding. Pinandemo hondo ipalabuatan anu ma'idek, ka' madi'mo nonsumbu' palabuatan anu ma'ima'.”

YEREMIA 48:14

Mosia na to momo'ane nu aha Moab daagi' motatae, ‘Kami talenga', suludadu anu baani' anu inguji'mo i uno nu pahampatean?’

HOSEA 8:12

Manjoo'mo hondo na pangajalan anu tinulis-Kumo kona hi aha panyo iwi-iwi' aijo' madi' tinalima nu aha kalana nu sangka nu aha; aha na isambiha'nyo ahi'.

MATIUS 15:6

saba' mian aijo' madi'mo daagi' o tuntut da mongadati tu'anyonyo. Jadi, kalana to ada-adat nu mompolee'um, komiu mongoa'imo dengke na potatae nu Tumpu.

YOHANES 9:41

I Yesus nontaami, “De komiu mapisok, komiu madi' baladosa'. Panyo kalana komiu notataemo, ‘Kami nontoamo,’ aijo' alati'nyo, komiu daagi' baladosa'.”

ROMA 1:22

Aha mongoa'i butong pande, yo aitu aha ponga'.