YEREMIA 8:22 - KITAB NU TUMPU ALLA LELE MA'IMAI'

²² Pa' apaa na nonsaduakon sahingga bansangku sampe uuka aiya ma'isa ahi' na alin? Pa' isongko-songko na Gilead, madi'mo daagi' ko dokter kabai pakuli'?

YEREMIA 8:22 ပူးပေါင်းရင်းမြစ်များ

KAJADIAN 37:25

Tempo'nyo aha hau-haunyo mongkaan, monti-montiik tinoa nu aha to mia-mian nu Ismael anu badagang hau-haunyo mamba lengkat mae i Gilead mokiijo'mo i Mesir. To unta-unta nu aha ko sake'nyo to lampa-lampa ka' kismis.

KAJADIAN 43:11

Lantas tuuma nu aha notataemo, “De memang tionyo ahi' sumo aijo'mo, yo boa na hasin anu talalo hondo ma'ima' i lipu' aiya o isi i uno nu kalung miu haha aijo' salaku palasen hi gubernur itina': Kismis, juu', lampa-lampa, bua' nu baya'u ka' bua' nu badam.

YEREMIA 14:19

O Tumpu, pa' memang Yehuda madi'mo tinalima nu Belento tiba mian anu jojoong i Sion kina'idekanmo nu Belento? Kadaka' talalomo nahoson na Belento nondoke mae kami sahingga kami madi'mo daagi' ma'alin? Ola palasuma na kami molio kadamean madi' kokaliangannyo na kami montaha'imani da ma'alin, kalana anu daagi' olanyomo ahi' kasinggian.

YEREMIA 22:6

De ola pontoang-Ku laigan nu tomundo' Yehuda ma'ima' hondo, sumomo ahi' ko ima'nyo tano' nu Gilead ka' sinin na bungkutnyo nu Libanon; panyo tampat aijo' Ku potimbalimo susumo padang tampat anu mateges anu madi' nu jojoongi nu mian.

YEREMIA 46:11

O belemiu mian anu jojoong i Mesir, lako'mo mamba i Gilead polio pakuli'! Panyo maunyomo ahi' sumo aijo' madi' kopakuli' na moko ala mompo alin belemiu.

YEREMIA 51:8

Panyo mamanga ahi' Babel tinontuamo ka' noposo'mo. Haangimo na ia ka' lioakon pakuli' da bau pompakuli'i belanyo haha aijo', toho' pisa ia daagi' ahi' ma'alin.

YEREMIA 6:7

Susumo mata nu uee tataap monsabatakon mae uee anu molino, sumo aijo'mo na kota' aijo' tataap mompodaagi' palabuatan anu ma'idek. Ola lele kabuhingisan ka' palabuatan sola' montololangi na anu Ku hongo ikota' aiya; bela tiba panyakit na anu Ku toa iyaya mae.

YEREMIA 9:1

Ma'ima' hondo de ubaku sumo bubung anu pinobuke'anmo nu uee, ka' mataku sumo soluduk anu saja' mo ili na ueenyo! Sahingga aku timbali saja' humang sinaa tiba pihi, mohangi to mia-mian bubuu' bansangku anu pinateanmo nu sampobali'.

YEREMIA 9:11

Tumpu notatae, “Yerusalem Ku pojadimo tampat anu ihansunmo baumo tampat paninsulukan nu dedeng nu alas. Sinin na kota' nu aha Yehuda timbalimo liing, timbalimo tampat anu madi'mo ojojoongi.”

MOHAANGI 2:13

O Yerusalem, kota' Sion anu oka ima'i kinapohobo'an nu beleyum ko ewanyo sumomo ndalangon, Apaa na anu timbali ku poto'i da mombee'i potatae anu moko sanang? Kalana madi' toho' ko anu sinansala susumo beleyum. Maumo mosia madi' ko anu moko ala mompo ule'akon kantumuu'an nu belemiu.

YEHEZKIEL 27:17

Yehuda tiba aha Israel montolosi balang anu nu podagang nu beleyum tiba gandum, juu' nu uani', lanya' nu zaitun ka' lampa-lampa.

NOMBILANGMO 32:1

Tulunan nu bansa Ruben ka' i Gad ka' potuu'on manjoo' hondo. Salatan tinoa nu aha ma'ima' hondo na tano' nu Yaezer ka' tano' nu Gilead bau pompotuu'an binatang,

LUKAS 8:43

I kiijo' daagi' mule' ko samian na boune anu umunnyo sampulu'mo ohua' na taun masakit binuntulan nu home, ola kalana tinokamo na adat nu boune. Ia nongingkotimo iwi-iwi' na halata'nyo bau bapakuli' hi dokoten, panyo madi' ko anu noko pa'alinakon.