YEREMIA 8:2 - KITAB NU TUMPU ALLA LELE MA'IMAI'

² misa' da oposihukmo ka' po ule'mo okubun panyo opojohokmo aijo' itano' susumo duhehe. Buku nu mian haha aijo' motanatamo nu pense' nu sinaa, bitu'on tiba to manda-mandala' anu nu anggapmo nu aha salaku pilogot, anu nu ka'ima'i nu aha, anu nu tuluti nu aha, anu nu sombah nu aha ka' anu pompoitan nu aha pokinde'.

YEREMIA 8:2 ပူးပေါင်းရင်းမြစ်များ

2 TOMU-TOMUNDO' 17:16

Aha madi' mombatuki iwi-iwi' na atulan nu Tumpu, Tumpu Allah nu aha ka' montutukmo logam binau ohua' na sapi' da osombah. Aha nombaumo patong pilogot boune Asyera, nonsombahmo to bina-binatang ka' nonsombahmo pilogot Baal.

2 TOMU-TOMUNDO' 21:3

Tampat anu lewa' ponsomban pilogot anu ingideanmo i Hizkia tuumanyo po'ule'mo binaunyo. Manjoo' na mezbah anu lewa' binaunyo bau ponsomban Baal, ka' nombaumo mule' patong Pilogot boune Asyera, susumo anu binaumo i Ahab tomundo' nu Israel. I Manasye mule' nonsombahmo to bina-binatang.

2 TOMU-TOMUNDO' 21:5

Ohu-ohua' na popasan i Laigan nu Tumpu aijo' binauannyomo mezbah haha aijo' bau ponsomban to bina-binatang.

2 TOMU-TOMUNDO' 23:5

To imam-imam anu i hangkat nu to tomu-tomundo' Yehuda anu mokalaja i tampat lewa' ponsomban pilogot iwi-iwi' na kota' i da'erah Yehuda, ka' i Yerusalem; pinaha pobelentinyomo; ka' suele to ima-imam anu monsombahkon koloban hi Baal, batu nu sinaa, bitu'on ka' to manda-mandala'.

MAZMUR 53:5

Tumpu notatae, “Madi'mo daagi' sininsumbu' na to mia-mian anu ma'idek haha aijo'? Aha tumuu' ola sola' mongagoi balang nu mian anu palesayamo hi Beleng-Ku, ka' madi' toho' balado'a mae hi Beleng-Ku.”

MAZMUR 83:10

Baumo na aha susumo mian nu Midian, susumo i Sisera tiba i Yabin i Kaunyo nu Kisyon.

MAZMUR 83:11

Anu sinilakamo kiijo' mae i Endor, ka' tinimbalimo lompo' nu tano'.

ANU MOMPOLELE POTATAE NU TUMPU 6:3

Maumo mian ko anak aha sa'atu ka' mule' pin na tumuu' sahingga nantan na umunnyo panyo de ia madi' mongoa'i kabilahian ka' madi' mule' mohumpak tano' bau polamunan anu pantas, saba aijo' de o ala ipikilanku bunga mea' anu salaje pinohampe lantas sinilakamo aijo' na lebe ma'ima' na nasibnyo nu lingkudui na mian aijo'.

YEREMIA 14:16

To mia-mian anu nontalimamo kila-kila'an nu aha aijo' suele ahi' opateimo nu jalan anu sumo aijo'. Bangke' nu aha ola opahalumbu'akon itutus jalan kiijo' i Yerusalem madi'mo daagi' ko anu molamun. Sumo aijo'mo na uki' nu aha tiba anak ka' mule' bengkele' nu aha. Ku bau na aha da mongoa'i balosnyo nu palabuatan ma'idek anu binaumo nu aha.”

YEREMIA 16:11

Poto'i hi aha Aku notatae sumo uuka, ‘Mompolee' nu belemiu nompala'imo Aku da monsombahmo ka' palesayamo hi pilogot sangga'at. Aha nonteemo Aku ka' madi'mo nongka'oho' nontuluti sinin na atulan-Ku.

YEREMIA 16:4

Aha silakamo nu kona nu panyakit anu ahi' monsilakaimo, ka' mule' aha silakamo i uno nu pahampatean kabai silaka kalana tempo' nu kasusa'an i anu okaan. Madi'mo daagi' ko samian anu mohangi kabai molamun aha. Bangke' nu aha mo enamo susumo pupuk i uno nu tano' ka' nu tolukmo nu tomonsi' tiba binatang anu mahangas.

YEREMIA 16:6

Mian anu kaya tiba mian anu kasiasi ilipu' aiya saidi' mae de silakamo madi'mo daagi' ko anu molamun aha. Madi'mo daagi' kosamian anu monsakisa butongnyo kabai mongkis ubaknyo salaku tanda susa' kalana ko anumo sinilaka na aha.

YEREMIA 19:13

Ingko-ingkot na laigan i Yerusalem ka' mule' ingko-ingkot na laigan nu to tomu-tomundo' i Yehuda timbalimo nahumimi' susumo Tofet; kalana aita' mae ibawo nu laigan haha aijo' pinompapuianmo nu mian kamangian anu sinombahkon hi to pilo-pilogot nu bagian langit, ka' mule' nonsombahkonmo anggur hi to pilo-pilogot sangga'at.”

YEREMIA 22:19

I Yoyakim ohela'mo ka' olumbu'akonmo isambiha'nyo nu sabatan daka' Yerusalem, susumo anu binaumo nu mian hi bangke' nu keledai.”

YEREMIA 25:33

Toka isinaa aijo' bangke' nu to mia-mian anu pinateanmo nu Tumpu motanatamo isongko-songko na dunia. Aha madi'mo ohangi ka' mule' madi'mo o ato da olamun, panyo olamo ahi' opojohok itano' susumo tambulan nu duhehe.

YEREMIA 31:40

Songko-songko na bangka'nyo aijo' anu pinakemo salaku lewa bau polamunan mian ka' bau tampat pongalinan duhehe ka' mule' iwi-iwi' na ale' isonibi nu Kaunyo Kidron toka-toka i Sabatan Daka' Ajahan namba isasu kabete'an aijo' binee'mo samata-mata bau kapentingan-Ku. Kota' Yerusalem madi'mo daagi' ohobo'akon kabai ohansuni.”

YEREMIA 36:30

Kalana aijo' Aku, Tumpu mompoto'i hi beleyum o Tomundo' Yoyakim, madi'mo daagi' ko samian na lee' nu beleyum na mompalentah salaku tomundo' lee' mae i Daud. Bangke' nu beleyum o'alinmo isambiha'nyo ka' nu penselimo nu singit de sinaamo ka' ombun nu bakin de pihimo.

YEREMIA 9:20

Aku notataemo, “Potombihing na potatae nu Tumpu, o, to bou-boune iwi-iwi'! Hi aha to lalangkoyang nu belemiu pogulu'akon na nyanyian mohangi, ka' hi to sanga-sangalu nu belemiu nyanyian anu onyanyi de ko anumo silaka.

YEREMIA 9:21

Kapatean ninsoopmo nontulu tolongan, ka' ninsoopmo i uno nu laigan nu tomundo'; ia nongkaanmo to ana-anak anu aijo' ijalan tiba olitau ka' langkoyang aijo' ilapangan.

YEREMIA 9:22

Bangke' nu mian notanatamo iyaya mae sumomo ahi' duhehe ibawo nu tano'; sumomo gandum anu pinadakmo lantas pinala'ianmo ka' madi'mo daagi' tinolukan. Sumo uuka na anu pinotuunmo mae nu Tumpu ka' anu tionyo ahi' opoto'iakon.”

YEHEZKIEL 29:5

Lapas mae beleyum tiba iwi-iwi' na ikan haha atina' Ku alinmo mamba i padang tampat anu kaho bone'nyo. Butong nu beleyum manimbantamo itano' ka' silakamo ikiijo'. Madi' ko samian anu toka mae molamun beleyum. Butong nu beleyum Ku bee'mo hi to tomo-tomonsi' ka' hi binatang sangga'at da nu kaan nu aha.

YEHEZKIEL 39:5

Suludadu haha aijo' tombahangkangmo ka' silakamo sinin na ale'. Aku, Tumpu Anu Matangkas na Kuasanyo notataemo.

YEHEZKIEL 6:5

Ku paha potatabumo na bangke' nu aha Israel ka' mule' santo buku-buku nu aha Ku taumo i mezbah haha aijo'.

YEHEZKIEL 8:16

Lantas binoa-Nyomo na aku i popasan nu Laigan nu Tumpu. Koko pinsoopan mamba mokiijo' i unonyo nu anu susi' i'olot nu mezbah tiba jalan ise-ise' daagi' ko mian aha uampulu' ka' olima'. Aha mohiku unonyo anu susi' ka' tinolodadupumo ka' monsombahmo mongahopi kabete'an i sinaa anu bete'mo mae.

ZEFANYA 1:17

Tumpu notatae, “Ku potokamo mae manjoo' hondo na balaa' hi aha mian sahingga aha mahakanyanganmo saidi' mae susumo mian anu napisokmo. Aha binaladosa'mo hi beleng-Ku ka' uuka aiya baso' nu aha saidi' mae mobubusmo susumo uee ka' iwi-iwi' na bangke' nu aha mabusikmo ibawo nu tano'.”

ZEFANYA 1:5

Ku sapuimo iwi-iwi' ihe na saja' moliba' aita' mae i atop ka' monsombah batu nu sinaa, bitu'on, ka' to manda-mandala'. Saidi' mae Ku hopu'imo na aha anu monsombah Aku ka' mule' binasumpa'mo da tulu-tulutanmo hi beleng-Ku, panyo mule' ahi' binasumpa'mo hi sanggo nu Tominuat Milkom.

SISIKON NU TO RASUL-RASUL 7:42

Sahingga Tumpu nompala'imo aha ka' nompojohokmo aha monsombah to manda-mandala' i langit. Aijo' pokakanamo tiba apaa na anu tinulis i uno nu kitab nu to nabi-nabi. Sumo uuka, ‘O to mia-mian nu Israel! Misa'mo bau baging-Ku komiu mongkolot ka' mongkulubanakon binatang pinatompulu' na taun na kopinnyo i padang bone'.

PO'ULE' INGULIT 17:3

tiba palentah-Nyo kalana nonsombahmo ka' pinalesayamo hi to pilo-pilogot sangga'at kabai hi batu nu sinaa, bitu'on kabai to manda-mandala',

PO'ULE' INGULIT 4:19

Boli baladosa' kalana monsombah ka' palesayamo hi apaa na anu otoa nu belemiu i langit: batu nu sinaa, bitu'on ka' to manda-mandala'. Tumpu Allah nu belemiu nompojohokmo bansa haha aijo' sangga'at monsombah balang haha aijo'.