YEREMIA 8:16 - KITAB NU TUMPU ALLA LELE MA'IMAI'

¹⁶ Sampobali' aiyamo i uno nu kota' Dan; tihaha' nu ajahan nu aha kinahongoanmo ka' iwi-iwi' na lipu' nabuhukmo. Sampobali' tinokamo mae da mohansunimo lipu'to iwi-iwi' ka' suele kota'to tiba mule' ahi' iwi-iwi' na mian anu jojoong i aiya.”

YEREMIA 8:16 ပူးပေါင်းရင်းမြစ်များ

AYUB 39:20

Pa' beleyum na mompokaumo nalalumpat susumo kihi-kihi', ka' ia montihaha' mompopobuhukmo mian?

MAZMUR 24:1

Mazmur i Daud. Tano' aiya ka' isinyo iwi-iwi' anu nu Tumpu, dunia aiya ka' iwi-iwi' na anu jojoong i unonyo.

YEREMIA 10:25

Potudunje na kapusan nu Belento hi aha to bansa-bansa anu madi' mongakui Belento ka' madi' monsombah Belento. Kalana aha nonsilakaimo mian anu palesayamo hi Belento ingko-ingkot ka' mule nohansunimo lipu' mami.

YEREMIA 3:24

Sola' monsombah Baal, pilogot anu moko ambang aijo' ola ahi' da nonsaduakonmo kami da madi'mo kino to ana-anak mami ka' mule' potuu'on sapi' tiba domba, iwi-iwi' aijo' anu ingusahakonmo nu mompolee' mami salatanmo pe'e naipuan mae.

YEREMIA 30:16

Panyo uuka aiya iwi-iwi' na anu nolonyomo beleyum suele olonyomo ka' iwi-iwi' na sampobali' nu beleyum oboamo itampat pompojoongan. Aku mombee'imo kasansala'an anu nombee'imo kasansala'an beleyum. Aku montololangimo anu nontololangimo beleyum.

YEREMIA 30:5

“Ihongong-Kumo na kihis nu mian anu ilakatnyomo kihis nu mian anu nabuhukmo anu madi'mo kinokadamean.

YEREMIA 4:24

Tinoangku na bungkutnyo tiba puge'nyo anu toto tangka-tangkas talalomo ahi' na ginayu'an.

YEREMIA 4:7

Sumomo ahi' singa anu nosabatmo lengkat mae ipinaninsulukannyo sumo aijo'mo mule' nambamo na anu sola' mohopu'i bansang-bansang anu tokamo mae kahanda' monsilakaimo Yehuda. Kota-kota' nu Yehuda singkapmo hansun jadimo tampat anu madi'mo nu jojoongi nu mian.

YEREMIA 47:3

Aha mohongomo galupak nu ajahan, tiba daladak nu kareta ka' mule' gelegek nu bolanyo. Mian to tu'a-tu'anyo lusekmo na butong nu aha ka' madi'mo daagi' sola' montutugi to ana-anak nu aha.

YEREMIA 5:17

Nu ingkotimo nu aha na isi nu ale' tiba anu okaan nu belemiu ka' mompateimo to ana-anak nu belemiu. Potuu'on sapi' tiba domba nu belemiu nu pahangkolotakonmo nu aha ka' mule' ale' nu anggur nu belemiu tiba kau' ara nu belemiu nu galisimo nu aha. Iwi-iwi' na kota' anu ko bentengnyo ota-otaha'imani nu belemiu nuhansunimo nu aha.

YEREMIA 50:42

Aha nomboa mae toongon bau pahampate te pana' tiba talombo'; aha buhingison hondo ka' madi' monsumbu' mongampuni. Susumo onyi' nu ambai anu bikolonmo sumo aijo'mo na onyi' nu galupak nu ajahan nu aha anu pinolia'mo kalana mambamo montumbuhi Babel.

YEREMIA 51:29

Tano' gayu'anmo ka' tananggahanmo kalana Aku momposidamo tanga'an-Ku da opojadimo na Babel tampat anu kunmo anu madi'mo daagi' nu jojoongi nu manusia.

YEREMIA 6:23

Aha ko toongon mae bau pahampate te pana' tiba talombo'; aha buhingison hondo ka' madi' monsumbu' mongampuni. Susumo onyi' nu ambai anu binokolonmo sumo aijo'mo na onyi' nu galupak nu ajahan nu aha anu tinigamo da mambamo montumbuhi Yerusalem.”

NAHUM 3:2

Potombihing na penepes nu pondoke tiba daladak nu loda, galupak nu ajahan ka' suele kareta tolo-tolo tumpa.

HABAKUK 3:10

To bungku-bungkutnyo montoa Belento, gayu'anmo lengkat mae ilangit tinudunmo na ujan susumo anu obubusakon. Uee iuno nu tano' buhokanmo na onyi'nyo, bokonnyo mingkalulunmo ka' mintelepuakmo.

1 KORINTUS 10:26

Kalana i uno nu Kitab nu Tumpu tinulismo, “Dunia aiya tiba iwi-iwi' na isinyo anu nu Tumpu.”

1 KORINTUS 10:28

Panyo de ko anu motatae hi beleyum, “Kaanon aiya sinombahkonmo hi pilogot,” bolimo mongkaan kaanon aijo', kalana montoa kapentingan nu mian aijo' tiba kalana monginau' anu uutu i kinyonyoa.

TO MIA-MIAN KOPIAN 18:29

Sanggo nu kota aijo' binolosanmo nu aha tinimbalimo kota Dan, tiniho i sanggo nu mompolee' nu aha, aijo'mo i Dan anak i Yakub.

TO MIA-MIAN KOPIAN 20:1

Jadi tinokamo na mian nu Israel iwi-iwi' lengkat mae i Dan sasu utara toka-toka i Bersyeba sasu selatan, tiba i Gilead sasu kabete'an, da mohongo apaa na anu i lagakon aijo'. Aha sinihukmo ka' nosa'angu'mo i Mizpa i ahop nu Tumpu.

TO MIA-MIAN KOPIAN 5:22

Tengke nu ajahan nonggalapakmo kalana nopadeka'mo lia-lia' kalana tinigamo nu aha nonsake'i.