YEREMIA 8:14 - KITAB NU TUMPU ALLA LELE MA'IMAI'

¹⁴ “Kadaka' kita madi'mo noko ala nombau apa-apaa?” na koonyo nu mian anu palesayamo hi Tumpu Allah. “Imbo' kita' mopalaimo mamba ikota-kota' anu ko bentengnyo, bakas da kita silakaje kiijo' mae. Noko putuskanmo nu Tumpu Allah na kita tionyo ahi' silakamo. Binee'an-Nyomo na kita lasung da o'inum kalana kita binaladosa'mo hi Ia.

YEREMIA 8:14 ပူးပေါင်းရင်းမြစ်များ

2 SAMUEL 20:6

Sahingga notataemo na i tomundo' hi Abisai, “I Seba aijo' lebemo monsusa'i mae kita molingkuduimo i Absalom. Kalana aijo' boa na suludadungku ka' loloi' na ia, da boli sampe nu kuasai na to kota-kota' anu ko bentengnyo ka' mopalaimo mompala'i kita.”

MAZMUR 39:2

Aku binapikinmo, “Aku monjagaimo butongku da madi'mo baladosa' kalana nu saduakon nu jila'ku. Aku madi'mo mongka'oho' motatae de mian anu ma'idek na kinyonyoanyo daagi' aitu mae ohani.”

MAZMUR 69:21

Alu nu mian nonsaduakonmo da aku ihentemo na kinyonyoangku, ka' madi'mo kino pikilan pa' apaa na obau. Iliongku na anu mongkalibosi mae panyo ola pinalasuma iliongku na anu momposanang kinyonyoa panyo madi' ahi' ihumpakku.

YESAYA 47:5

Tumpu notataemo hi Babel, “Bolimo mombau apa-apaa, ka' pinsoopmo i uno nu pikat. Beleyum madi'mo daagi' osanggohi ‘Tomundo' boune nu to kalaja'an-kalaja'an.’

YEREMIA 14:20

O Tumpu, ola-olanyomo ahi' hi Belento na kami binaladosa'mo. Kami mongakuimo posi dosa' mami tiba dosa' nu mompolee' mami

YEREMIA 14:7

Mian anu palesayamo hi beleng-Ku nomoitamo mae tulung, ‘O Tumpu, maumo ahi' dosa' mami montuukmo mae kami panyo paya' tulungiakon mae na kami susumo anu jinanji'mo nu Belento.

YEREMIA 23:15

Tumpu Anu Mahakuasa notatae, “Saidi' mae Ku bee'mo hi to nabi-nabi anu jojoong i Yerusalem aijo' sosu'anon anu mapakat da okaan tiba lasung anu o inum kalana aha nonsaduakonmo to mia-mian isongko-songko na lipu' madi'mo noholomati mae Aku.”

YEREMIA 3:25

Jadi bakasmo da otanggungmo mami na ambang ka' bakasmo na kami da madi'mo kino angga'nyo. Kalana, kami tiba mompolee' mami binaladosa'mo hi Tumpu Allah mami, ka' madi'mo toho' tinulu-tulutan hi iwi-iwi' na palentah-Nyo.”

YEREMIA 35:11

Panyo salatan i Tomundo' Nebukadnezar nontumbuhimo lipu' aiya kami nopalaimo namba da madi' nu patei nu suludadu nu Babel tiba suludadu nu Siria jinojoongmo i Yerusalem. Aijo' na sababnyo sahingga kami uuka aiya jinojoongmo i aiya.”

YEREMIA 9:14

Aha pinanggagamo ka' nonsombahmo to pilo-pilogot Baal susumo anu pinogulu'mo nu mompolee' nu aha.

YEREMIA 9:15

Kalana aijo' potombihing mae apaa na anu Kubau, Aku, Tumpu Anu Mahakuasa, Tumpu Allah nu Israel; mian anu palesayamo hi beleng-Ku Ku bee'imo sosu'anon anu mapakat da okaan tiba lasung da o'inum.

MOHAANGI 3:19

Mompopikilakon memo mahalajangan ka' kasusa'anku sumomo mongkaan lasung anu mapakat.

IMAMAT 10:3

Lantas i Musa notataemo hi Harun, “Aijo'mo na anu kokoonyo nu Tumpu tempo'nyo Ia notatae, 'Iwi-iwi' na anu mombau apaa na anu Ku poto'i tionyo ahi' mongadati kasusi'an-Ku. Aku mompotoamo katalasanggoan-Ku hi aha iwi-iwi' bansang-Ku.' ” Panyo i Harun ola nomohokot.

AMOS 6:10

Samian na anu i laigan anu mokalaja mongatun kubulannyo, tokamo mae momboa mayat nu sangalunyo. Ia noloboo'imo mian aitu mae i sasu padut nu laigan aijo', “Pa' daagi' ko anu tinumuu' sambiha'nyo na beleyum?” Saba' o hongomo na pontaami mae “Madi'mo!” Samian na anu i laigan anu mokalaja molamun mayat notatae, “Bolimo daagi' motatae! Kita bolimo monsanggo, sanggo nu Tumpu.”

HABAKUK 2:20

Tumpu kiijo' i uno nu Laigan-Nyo anu susi'; tionyo ahi' iwi-iwi' na mian i dunia aiya boli manjoo' na katalangan i ahop-Nyo.

ZAKHARIA 2:13

Pomohokotmo na belemiu iwi-iwi' i ahop nu Tumpu! Kalana Ia mambamo mae lengkat i tampat kajojoongan-Nyo kiita i suluga'.

MATIUS 27:34

I kiijo' aha nompo'inumi Yesus anggur anu ginalo'an nu pou'. Panyo salatan i Yesus nontumi'mo anggur aijo', Ia madi'mo nongka'oho' nonginum.

PO'ULE' INGULIT 29:18

Jadi obala'ingati boli sampe daagi' ko samian atina' hi belemiu mo'ane kabai boune, Utus miu kabai tulunan nu bansa anu tinuminjo i aiya, tolo sule'mo mohikumo Tumpu Allah-nto ka' monsombahmo to pilo-pilogot nu bansa sangga'at. Palabuatan aijo' sumomo bakat anu tumuu' timbalimo kau' mapakat ka' kolasungnyo.

PO'ULE' INGULIT 32:32

Kalana kalakuan nu aha ma'idek susumo Sodom ka' Gomora, sumomo kau' anggur anu napakatmo na bua'nyo kalana kino lasungnyomo.