YEREMIA 8:13 - KITAB NU TUMPU ALLA LELE MA'IMAI'

¹³ Ko kahanda' hondo na Aku momposihuk mian anu palesayamo hi beleng-Ku, susumo mian momposihukmo isi nu ale'nyo. Panyo mian anu palesayamo hi beleng-Ku sumomo ahi' kau' anggur tiba kau' ara anu madi'mo nimbua', ka' mule' honnyo singkapmo nagayou. Mokonyo aijo' pinobee'-Kumo na mian anu isalipu'an mae tinoka aiya ka nongkuasaimo lipu' nu aha. Aku, Tumpu, notataemo.”

YEREMIA 8:13 ပူးပေါင်းရင်းမြစ်များ

YESAYA 5:10

Isi nu ale' madi'mo ko anu ohumpak, ale' nu anggur anu ko ewanyo sampulu' na hektar hasinnyo me sampulu' na liter na ueenyo. Sa'atu na liter na bine' nu gandum hasinnyo mae ola sampulu' na liter na gandum.”

YEREMIA 14:12

Maumo ahi' aha bapuasa'mo, Aku madi'mo daagi' mompalahatikan poitaon nu aha moita tulung; ka' mule' maumo ahi' aha monsombahkonmo mae hi beleng-Ku koloban anu opotunu tiba koloban gandum, Aku madi'mo sinanang hi aha. Pakalaus mule' Kusilakaimo na aha nu pahampatean, kasusa'anmo i anu okaan, ka' panyakit anu molele.”

YEREMIA 14:15

Aha nompoto'i aijo nompake atas sanggong-Ku, koonyo nu aha lipu' aiya madi'mo daagi' ko anu toka mae mompahampateakon kabai kasusa'an i anu okaan padahan madi' ahi' Aku nompalentah mae aha da opoto'i sumo aijo'. Aku, Tumpu mompoto'imo hi beleyum, o Yeremia apaa na anu Ku baumo saidi' mae hi aha nabi haha aijo' anu madi' pinalentah-ngKu mae aijo'. Ku pateimo na aha nu pahampatean tiba kasusa'an i anu okaan.

YEREMIA 17:8

Ia sumomo ahi' kau' isonibi nu kaunyo anu mo'ili, bakatnyo mo insu'mo toka-tokamo mokiijo' i uee. Ia na madi' ahi' mongkabuhuk tempo' nu posinaa, honnyo saja' molunou. Maumo ahi' lipu' nu tokaimo mae nu posinaa, ia na madi' ahi' mangada' kalana ia na saja' ahi' mimbua'.

YEREMIA 5:17

Nu ingkotimo nu aha na isi nu ale' tiba anu okaan nu belemiu ka' mompateimo to ana-anak nu belemiu. Potuu'on sapi' tiba domba nu belemiu nu pahangkolotakonmo nu aha ka' mule' ale' nu anggur nu belemiu tiba kau' ara nu belemiu nu galisimo nu aha. Iwi-iwi' na kota' anu ko bentengnyo ota-otaha'imani nu belemiu nuhansunimo nu aha.

YEREMIA 7:20

Aku, Tumpu Anu Matangkas na kuasanyo, mompotudunmo tambuha'-Ku anu opalias hondo i laigan ponsomban aiya, kona hi aha manusia, ka' mule' kona hi binatang suele ka' hi to kau-kau' ka' isi nu kuhat. Tambuha'-Ku moakmo susumo apu anu madi'mo opoko ala o'ati'i.”

YEHEZKIEL 22:31

Kalana aijo' uuka aiya Ku potudunmo na tambuha'-Ku hi aha, ka' susumo apu Ku toyo'imo na aha kalana iwi-iwi' na palabuatan nu aha Aku, Tumpu Anu Matangkas na Kuasanyo notataemo.”

HOSEA 2:12

Ku hansunimo na to kau-kau' anggur ka' to kau-kau' nu ara, maumo koonyo aijo' binaumo tambo pongkalibosinyo aha sindua'annyo. Ku abali'imo na to ale-ale' nu anggur ka' to ale-ale' nu ara da tinimbalimo kuhat; to bina-binatang anu mahangas na mongidei.

YOËL 1:7

Aha nompateimo anggurto ka' kau' ara-nto memo tu'onyo. To bata-batangnyo nu kilitimo nu aha, sahingga to panga-panga'nyo nopute'mo.

IMAMAT 26:20

Iwi-iwi' na lawe nu belemiu madi'mo ko gunanyo, kalana ale' nu belemiu madi'mo ko hasinnyo ka' sosu'anon nu belemiu madi'mo mimbua'.

HABAKUK 3:17

Maumo kau' ara madi' ko bua'nyo, ka' kau' anggur madi' nimbua' anggur; mau pe'e pontipuanmo zaitun panyo madi' ko apa-apaa na anu ihumpak ka' hasin nu gandum i ale' suele madi'ko anu ihumpak, sadangkan iwi-iwi' na domba inatemo, ka' pangkun nu potuu'on madi'mo ko isinyo,

HAGAI 1:11

Pinotokang-Kumo mae na sinaa nontimpa'i tano' ka' to puge-puge'nyo ka' mule' sinin na ale' nu gandum ka' mule' sinin na ale' nu zaitun ka' iwi-iwi' na anu sinu'an i tano' aiya nanggasmo ka' suele manusia tiba binatang iwi-iwi' anu ingusahakonmo nu belemiu.”

HAGAI 2:17

Aku nontudunakonmo mae baleba' mapanas tiba ujan batu da mongidei sinin na hasin nu ale nu belemiu panyo belemiu madi' ahi' nongka'oho' ninsusule'mae hi beleng-Ku.

MALEAKHI 3:11

Aku madi'mo ola mompopilaya koe' lewa' montimili bua' nu ale' nu belemiu, iwi-iwi' na anggur nu belemiu mahampemo na mimbua'.

MATIUS 21:19

Ia nontoa sangkau na kau' ara i sambiha' nu jalan. Ia namba i pu'unnyo, nu kau' aijo', panyo madi' nohumpak sa'angu' pe'e na bua'nyo, boli mompiakon hohonnyo. Lantas i Yesus notatae i kau' aijo', “Oko madi'mo daagi' mimbua'!” Lau-laus kau' ara aijo' nagayou.

YAKOBUS 1:11

De bete'mo na sinaa ka' panasnyo talalomo mahangehes, sahingga hemput aijo' mangkalualemo ka' bunganyo mohudu'mo ka' madi'mo ma'ima'. Sumo aitumo singkona na mian kaya; ia silaka hau-haunyo ia mompojalan usahanyo.