YEREMIA 7:9 - KITAB NU TUMPU ALLA LELE MA'IMAI'

⁹ Belemiu montomang, mompatei, masala', timbali sakisi anu baleko', monsombahkon koloban hi Baal ka' mule' monsombah to pilo-pilogot anu madi' osumbu' nu belemiu.

YEREMIA 7:9 ပူးပေါင်းရင်းမြစ်များ

1 TOMU-TOMUNDO' 18:21

Lantas i Elia nokiijo'mo hi mian da'isan ka' notatae, “Sampe toka hipian na tempo'nyo belemiu daagi' sabole-bole tataap mompo'ohua' kinyonyoa? De Tumpu aijo', Tumpu Allah, osombah na Tumpu! De Baal aijo' Tumpu Allah, osombah na Baal!” Mian da'isan anu sinilimu' i kiijo' ola nomohokot.

NOSABATMO 20:3

Boli monsombah to pilo-pilogot sangga'at, ola Aku na osombah.

YESAYA 1:13

Palasuma hondo na momboa mae anu osombahkon nu belemiu aijo. Aku monguahimo mamongook nohongnyo. Ku ka'ideki ka' madi' ko poko tahan na montoa belemiu molame'akon Bitu'on Bu'ou, to sina-sinaa nu Sabat ka' to sina-sinaa anu olame'akon ka' mule' kasintomuan-kasintomuan nu agama. Iwi-iwi' aijo' ihumimianmo nu dosa-dosa' nu belemiu sumomo boaon-Ku; Aku kinainmo na nonsimbu.

YESAYA 58:2

Aha monsombah Aku sansina-sinaa, ka' mongka'ima'i monsumbu' kahanda'-Ku da kokoonyo aha nombaumo anu ma'ima', ka' nontulutimo atulan-Ku. Aha notatae, tukoonyo nu aha sanang hondo na aha monsombah Aku ka' mongka'ima'i atulan-Ku anu adin.”

YEREMIA 1:16

Ku hukumo na mian anu palesayamo hi beleng-Ku, kalana aha binaladosa'mo ka' nohikumo mae Aku. Aha nonsombahkonmo koloban hi pilogot nu aha ka' lewa'mo nombau patong ka' sinombahmo nu aha.

YEREMIA 11:13

Pilogot nu aha Yehuda manjoo' hondo, sumo konjoo'nyo nu kota' nu aha. Mian anu jojoong i Yerusalem nompotinjomo mezbah-mezbah sumo konjoo'nyo nu jalan ikota' Yerusalem da bau ponsombahkonan koloban hi Pilogot Baal.

YEREMIA 11:17

Akumo na nompotinjo Israel tiba Yehuda, Aku, Tumpu Anu Mahakuasa. Panyo uuka aiya Aku ko kahanda'mo mompotoka mae balaa' hi aha. Posi ahamo ahi' iwi-iwi' na nonsaduakon aijo', kalana aha nombaumo palabuatan anu ma'idek, aijo'mo nonsombahkonmo koloban hi Baal sahingga Aku pinusamo.”

YEREMIA 13:10

Bansa anu ma'idek na palabuatan nu aha aijo' talalo ahi' panggaga ka' madi'mo mae tulu-tulutan hi beleng-Ku. Aha monsombah ka' palesaya hi to pilo-pilogot sangga'at. Mokonyo aijo' aha montihomo lipa' kodo-kodo' aijo' anu madi'mo daagi' ko gunanyo.

YEREMIA 18:15

Panyo mian anu palesayamo hi beleng-Ku nongkolilimimo Aku, ka' nompapuimo kamangian sinombahkon hi pilogot. Aha tinasala'mo ijalan nai-naipuan mae anu tionyo ahi' nu tului nu aha, lantas noselemo namba ijalan anu ma'isa pinohata.

YEREMIA 19:4

Han aijo' Ku baumo kalana bansa aiya nompala'imo Aku. Aha nohumimi'imo tampat aiya kalana nonsombahkonmo koloban hi to pilo-pilogot anu madi' nu sumbu' nu aha, hi pompolee' nu aha ka' hi to tomu-tomundo' nu Yehuda. Aha mule' ahi' nongisiimo tampat aiya nu baso' nu to mia-mian anu madi' kokasala'annyo.

YEREMIA 32:29

ka nu papuimo nu aha sampe motanggotmo iwi-iwi' tiba laigan anu pinombauanmo nu mian palabuatan anu ma'idek sahingga nonsabapimo da Aku notambuha'mo, kalana aita iloteng nu laigan haha aijo' pinompapuanmo nu aha kamangian anu sinombahkon hi Baal ka' mule' nondudu'akonmo anggur sinombahkon hi to pilo-pilogot.

YEREMIA 44:3

Han aijo' jinadimo kalana mian anu monjojoongi binaladosa'mo, sahingga nonsabapimo notambuha'mo. Aha nonsombahkonmo koloban ka' nonsombahmo to pilo-pilogot anu ma'isa' toho' sinombah nu aha, ka' mule' belemiu kabai mompolee' nu belemiu.

YEREMIA 44:8

Kadaka' belemiu nombaumo hahan anu monsabapimo Aku motambuha'? Belemiu tinokamo i Mesir ka' jinojoongmo, ilipu' anu ma'isa osumbu-sumbu' nu belemiu aijo' lantas belemiu monsombahmo pilogot ka' monsombahkonmo koloban hi to pilo-pilogot nu lipu' aijo'! Te belemiu kahanda'mo mohansuni posi butong nu belemiu da belemiu nu alumo nu bansa iwi-iwi' idunia aiya ka' mule' sanggo nu belemiu lewa'mo opake salaku bau pontotobi'akon?

YEREMIA 44:9

Te kinolilimanmo nu belemiu na palabuatan iwi-iwi' anu ma'idek bibinaumo nu belemiu i tano' Yehuda tiba ijalan-jalan ikota' Yerusalem aijo'mo palabuatan nu mompolee' nu belemiu, ka' to tomu-tomundo' Yehuda tiba to bengke-bengkele' nu aha tiba belemiu ka' mule' bengkele' nu belemiu?

YEREMIA 48:35

Ku pobelentimo na aha mian nu Moab mompapu koloban itampat-tampat ponsomban nu aha ka' madi'mo mompalasombahkon koloban hi to pilo-pilogot nu aha. Aku, Tumpu notataemo.

YEREMIA 5:2

Belemiu natataemo, koonyo nu belemiu nonsombahmo Tumpu pada hal tanga'an nu belemiu na madi' ahi' sumo aijo'.

YEREMIA 5:7

Tumpu notatae, “Kadaka' Aku mongampunimo dosa-dosa' nu mian anu palesayamo hi beleng-Ku? Aha nompala'imo mae Aku ka' mule' nonsombahmo anu misa' Tumpu Allah. Aku na nombee'i anu okaan hi aha sampe aha nobosumo, panyo aha nasala'mo ka' toto minsan aha mambamo hi to mia-mian anu saja' masala'.

YEREMIA 7:6

Bolimo daagi' sola' monsuka-sukai mian anu lengkat mae isalipu'an, anak anu madi'mo ko tuumanyo tiba tinanyo ka' mule' to balu-balu. Boli mompatei mian anu madi' kosala'nyo ilipu' aiya. Boli monsombah to pilo-pilogot sangga'at, kalana han aijo' saidi' mae monsilakaimo belemiu.

YEHEZKIEL 18:18

Panyo mule' ahi' tuumanyo anu saja' mongakali, mombuling, ka' mombau palabuatan ma'idek sangga'at na mate ahi' kalana iwi-iwi na dosa' anu posi ia ahi' na nombau.

YEHEZKIEL 20:30

Jadi poto'imo hi aha mian nu Israel apaa na anu pinoto'ing-Kumo hi aha, Aku, Tumpu Anu Matangkas na Kuasanyo. ‘Kadaka' belemiu nombaumo dosa' haha atina' susumo anu binaumo nu mompolee' nu belemiu? Susumo aha, belemiu suele nontulutimo ahi' pilogot haha aijo' anu okahegati.

YEHEZKIEL 23:39

I sinaa pipinompateianmo nu aha to ana-anak-Ku ka' sinombahkonnyomo hi to pilo-pilogot, ua-ua'aha na anu moto utus aijo' tinokamo mae i Laigan-Ku ka' nohumimi'imo!

YEHEZKIEL 5:11

Aku aiyamo na Tumpu anu tumuu', Tumpu Anu Matangkas na Kuasanyo, ka' aiyamo na potataeng-Ku: Kalana beleyum nohumimi'imo Laigan-Ku nu palabuatan nu beleyum anu ma'idek ka' anu okahegati, Ku hansunimo na beleyum madi'mo ko ampunnyo.

HOSEA 2:13

Aku na mohukumo ia kalana iwi-iwi na sinaa anu pinakenyomo nompapu kamangian osombahkon hi Baal, ka' binalahiasmo nu palahiasan da mololoi'mo to sindu-sindua'annyo, lantas madi'mo daagi' monginau' Aku totu-totu'u. Akumo, na Tumpu anu notataemo.”

HOSEA 6:9

To ima-imam i kota' aijo' sumomo sa'angu' na tompukan nu mian anu buling ka' anu lewa' mohakop mian anu motulu. I jalan anu mompatui mokiijo' i tampat anu susi' kiijo' i Sikhem suele aha nompateimo mian! Iwi-iwi' na kalakuan anu ma'idek aijo' anu binaumo nu aha memang ototonggolakon.

AMOS 4:5

Lako'mo monsombahkon roti salaku pompoita talima kase hi beleng-Ku ka' lako'mo sisik hi mian saba' belemiu nompaka tuangimo anu osombahkon! Tantu aijo'mo na anu oka'i ma'i nu bau nu belemiu!

ZEFANYA 1:5

Ku sapuimo iwi-iwi' ihe na saja' moliba' aita' mae i atop ka' monsombah batu nu sinaa, bitu'on, ka' to manda-mandala'. Saidi' mae Ku hopu'imo na aha anu monsombah Aku ka' mule' binasumpa'mo da tulu-tulutanmo hi beleng-Ku, panyo mule' ahi' binasumpa'mo hi sanggo nu Tominuat Milkom.

MALEAKHI 3:5

Notatae na Tumpu Anu Daka' na Kuasanyo, “Aku tokamo mae hi belemiu da momputusimo. Aku malia'mo timbali sakisi de momputusimo to tukang-tukang sihir, to mia-mian anu lewa' masala', anu tinimbali sakisai baleko', hi anu madi' adin na mombee'i gaji kona hi aha mian anu mongala tambo, hi aha anu madi' ko ka'adilannyo kona hi aha to balu-balu, to ana-anak anu madi'mo ko tuumanyo ka' tinanyo, ka' aha mian nu salipu'an mae, ka' mule' kona hi aha mian iwi-iwi' anu madi' mongadati Aku.”

ROMA 2:2

Osumbu'to de Tumpu monabu'akon hukuman hi to mia-mian anu mombau hia sumo aijo', pomputusi nu Tumpu aijo' totu'u.

PO'ULE' INGULIT 32:17

Aha nonsombahkon koloban hi tomi-tominuat anu ma'idek anu misa' Tumpu Allah, hi to pilo-pilogot anu madi' nusumbu' nu aha, to pilo-pilogot anu sala'je sinumbu' nu aha, anu madi' nu akui nu mompolee' nu aha.

ANU PINOTO'I HI YOHANES 21:8

Panyo mian anu madi' sabaan, geguan, mian anu palaganta pampatei, mian masala', mian anu ko ajimat, monsombah pilogot, ka' iwi-iwi' na anu baleko' o'alin i uno nu apu anu sumo ndalangon ka' belelang anu lewa' moak, aijo'mo na kapatean anu kopinduannyo.”

ANU PINOTO'I HI YOHANES 22:15

Panyo to mia-mian anu mombau han anu mahumimi', anu mompake to aji-ajimat, to mia-mian anu mombau to kala-kalakuan masala'; anu mompatei, anu monsombah pilogot, ka' to mia-mian anu baleko', mau anu otaloakon, mau apa-apaa na palabuatan ma'idek, iwi-iwi' na mian aijo' tampatnyo i sambiha' nu kota aijo'.

TO MIA-MIAN KOPIAN 5:8

Salatan Israel nonsombahmo pilogot, sinidamo na pahampatean i lipu' nu aha; aha anu 40.000 na suludadu nu bansa, mau pe'e ola samian madi' ko anu nontangkakon pimuhuknyo.