YEREMIA 7:34 - KITAB NU TUMPU ALLA LELE MA'IMAI'

³⁴ Lipu' aiya saidi' mae timbalimo padang tampat anu kunmo. Lewo'nu mian anu lame' tiba lewo' nu mian anu nombaumo bau-bauon nonika' Ku pobelentimo i kota-kota' Yehuda tiba i to jala-jalan nu Yerusalem.

YEREMIA 7:34 ပူးပေါင်းရင်းမြစ်များ

AYUB 3:7

Bakasmo da malom me saja' kapikatan madi'mo ko ka'ima'an nu kinyonyoa, madi'mo ko kalame'an.

MAZMUR 78:63

To oli-olitau nu aha kinaanmo nu apu; madi'mo ko anu nongosoai to lalangkoyang nu aha.

YESAYA 1:7

Lipu' nu belemiu ingideanmo; kota-kota' nu belemiu pinapuanmo iwi-iwi'. Mian anu i salipu'an nongalamo tano' nu belemiu ka' ingideannyomo na isinyo.

YESAYA 3:26

Isabatan toto daka-daka' nu kota' mian humangmo ka' lewa'mo tumando' ka mule' kota' aijo' saidi' mae sumomo boune anu ilanggo'anmo anu suha-suhang i tano'.

YESAYA 6:11

Aku nompokilawamo, “Sampe tokaje hi pian na kopinnyo na anu susumo aiya saja' jadi, o, Tumpu?” Tinaaman-Nyo mae, “Sampeje iwi-iwi na kota' hansunmo ka' madi'mo ko anu monjojoongi, iwi-iwi' na laigan madi'mo ko anu monjojoongi ka' mule' tano' madi'mo ko apa-apaanyo ka' mategesmo.

YEREMIA 16:9

Potombihing mae apaa na anu Ku poto'i hi beleyum, Aku, Tumpu Allah Israel Anu Matangkas na Kuasanyo. Lewo' nu mian anu lame' ka' kalame'an ma'di'mo Ku pobee' iwi-iwi'. Han aijo' nu sakisije nu to mia-mian anu daagi' tumuu' na belemiu tempo uuka aiya.

YEREMIA 22:6

De ola pontoang-Ku laigan nu tomundo' Yehuda ma'ima' hondo, sumomo ahi' ko ima'nyo tano' nu Gilead ka' sinin na bungkutnyo nu Libanon; panyo tampat aijo' Ku potimbalimo susumo padang tampat anu mateges anu madi' nu jojoongi nu mian.

YEREMIA 25:10

Onyi' nu kalame'an anu taha-tahaumo lame' na aha ka' kalame'an nu bau-bauon anu mo'osoa Ku pobelentimo. Aha madi'mo mohumpak lanya' anu otutungi bau sulu' tiba gandum nu aha mingkotmo.

YEREMIA 27:17

Boli mompotombihing aha! Tundu'mo ahi' hi tomundo' nu Babel, da belemiu salamat. Apaa na gunanyo na kota' aiya hansun?

YEREMIA 33:10

Tumpu notatae, “Mian nontaloakonmo koonyo nu aha tampat aiya sumomo padang tampat anu nategesmo madi'mo daagi' ko miannyo kabai binatang anu monjojoongi aijo'. Potatae nu aha memang totu'u, kalana kota-kota' nu Yehuda tiba jalan-jalan nu Yerusalem iwi-iwi' madi'mo ko miannyo anu otoa; madi'mo daagi' ko mian kabai binatang anu jojoong ikiijo'.

YEREMIA 33:11

Panyo itampat haha aijo' saidi' mae po ule'mo ohongo na lewo' nu mian anu lame' ka' anu binilahimo ka' mule' lewo' nu mian anu nombaumo babauon mo'osoa. Ka' ohongo mule' na nyanyian nu to mia-mian anu momboa koloban bau pontalima kase i Laigan-Ku. Aha motataemo, ‘Pontalima kasemo hi Tumpu Anu Balakuasa hondo, kalana Ia manonong ka' mule' kalibosan-Nyo sampe toka sidu-sidutu'.’ Lipu' aiya Ku pomajumo na kantumuu'an nu aha susumo momonanyo naipuan mae. Aku, Tumpu notataemo.”

YEREMIA 4:26

Tano' anu molumba' nategesmo ka' nanggasmo to kota-kota' singkapmo ihansun, kalana Tumpu notambuha'mo hondo hi mian anu palesayamo hi Ia. (

YEREMIA 4:27

Tumpu nompoto'i kooNyo songko-songko na dunia saidi' mae timbalimo padang tampat anu mateges panyo Ia madi' ahi' monsilakaimo iwi-iwi'.)

YEREMIA 44:6

Mokonyo aijo' pinobuntung-Kumo na tambuha'-Ku tiba idek nu kinyonyang-Ku hi kota-kota' Yehuda tiba jalan-jalan kiijo' i Yerusalem. Iwi-iwi' pinapung-Kumo sahingga tinimbalimo ihansun ka' kinunmo susumo anu tinoamo tempo' uuka aiya.

MOHAANGI 5:14

To tu'a-tu'anyo madi'mo sinilimu' i sabatan daka' nu kota', musik madi'mo daagi' ihongo hi aha to oli-olitau ka' to lalangkoyang.

YEHEZKIEL 26:13

Ku pobelentimo na nyanyian nu belemiu tiba kasapi' nu belemiu bolimo sola' onyanyi ka' okuti'.

YEHEZKIEL 7:11

Kasinggian mompalentah mongahenanmo lebe manjoo' mule' na palabuatan anu ma'idek. Iwi-iwi' na kakaya'an, kaholomatan tiba kakaya'an nu aha mingkotmo madi'mo daagi' ko apa-apaanyo.

HOSEA 2:11

Iwi-iwi' na bau-bauonnyo nu aha Ku tewa'mo, mau bau-bauon anu sataun toka sataun obau, mau bau-bauon anu obau sambitu'on toka sambitu'on, ka' iwi-iwi na, sinaa nu Sabat; pende'nyo iwi-iwi' na bau-bauon nu ka' agama'an.

HOSEA 2:13

Aku na mohukumo ia kalana iwi-iwi na sinaa anu pinakenyomo nompapu kamangian osombahkon hi Baal, ka' binalahiasmo nu palahiasan da mololoi'mo to sindu-sindua'annyo, lantas madi'mo daagi' monginau' Aku totu-totu'u. Akumo, na Tumpu anu notataemo.”

IMAMAT 26:33

Ku podaagi'mo na pahampatean i lipu' nu belemiu ka' mongga'aga'atakonmo mamba i lipu' nu mian anu i salipu'an. Ale' nu belemiu madi'mo okalaja, ka' kota-kota' nu belemiu opojohokmo me susumo tambulan nu apa-apaa.

MIKHA 7:13

Panyo tano' timbalimo kun kalana palabuatan anu ma'idek nu mian anu jojoong ikiijo'.

ANU PINOTO'I HI YOHANES 18:23

Mian madi'mo daagi' montoa jingka nu sulu' anu i unonyo; ka' madi'mo daagi' kahongoan na kalame'an nu bau-bauon po'osoan i kiijo'. To daga-dagang miu atina'mo to mia-mian anu talalo tongkoimona i dunia, ka' tiba to ili-ilimu' ka' ajimat miu, belemiu nongakalimo iwi-iwi' na bansa i dunia!”