YEREMIA 7:20 - KITAB NU TUMPU ALLA LELE MA'IMAI'

²⁰ Aku, Tumpu Anu Matangkas na kuasanyo, mompotudunmo tambuha'-Ku anu opalias hondo i laigan ponsomban aiya, kona hi aha manusia, ka' mule' kona hi binatang suele ka' hi to kau-kau' ka' isi nu kuhat. Tambuha'-Ku moakmo susumo apu anu madi'mo opoko ala o'ati'i.”

YEREMIA 7:20 ပူးပေါင်းရင်းမြစ်များ

2 TOMU-TOMUNDO' 22:17

Aha nohikumo Aku ka' nonsombahkonmo koloban hi pilogot sangga'at. Iwi-iwi' na anu binaumo nu aha nonsungkelekmo kinyonyoang-Ku sahingga Aku pinusamo. Aku nontambuha'imo Yerusalem, ka' tanbuha'ku aiya madi'mo ku poko sabanakon.

YESAYA 10:17

Tumpu anu susi', Jingka nu aha Israel, timbalimo susumo moak nu apu anu ola i uno nu sansinaa timbalimo montanggoti iwi-iwi na apaa ka' mule' iwi-iwi na kuhat anu kohii'nyo.

YESAYA 42:25

Sahingga binau-Nyomo nakita da nonta'up tambuha'-Nyo anu taha-tahahumo, ka' nongoa'imo kasansala'an kalana talalomo ahi' na lewa' nahampate. Tambuha'-Nyo nontoyo'imo Israel susumo apu, panyo kita madi' ahi' sininsumbu', ka' madi' binalagulu' ihan anu ingoa'antomo.

YESAYA 66:24

De aha mambamo, aha montoamo bangke' nu to mia-mian anu notomuhukmo hi beleng-Ku. Las anu mongkaanmo bangke' nu aha madi' ahi' silaka, ka' mule' apu anu nompapuimo aha madi' ahi' mate: han aijo' de otoa memang ahi' talalomo okabuhuk nu mian iwi-iwi'.” 167

YEREMIA 11:16

Toho'mo ingombeng-Ku na aha kau' zaitun anu tambok hondo na honnyo, mahampe na bua'nyo anu toto ima-ima'. Panyo uuka aiya tiba potatae anu polintup taha-tahahumo Ku papuimo na honnyo haha aijo' ka' mule' Ku paha pato'imo na panga'nyo iwi-iwi.

YEREMIA 12:4

Daagi' toka hipian na kopinnyo lipu' aiya manggasmo ka' hemputnyo magayoumo i iwi-iwi na ale'? Tomonsi' tiba binatang sangga'at natemo kalana palabuatan ma'idek nu bansa mami. Aha notatae, tukoonyo nu aha aku madi'mo montoa pa' mosia na ka ahenannyo saidi' mae na aha.”

YEREMIA 14:16

To mia-mian anu nontalimamo kila-kila'an nu aha aijo' suele ahi' opateimo nu jalan anu sumo aijo'. Bangke' nu aha ola opahalumbu'akon itutus jalan kiijo' i Yerusalem madi'mo daagi' ko anu molamun. Sumo aijo'mo na uki' nu aha tiba anak ka' mule' bengkele' nu aha. Ku bau na aha da mongoa'i balosnyo nu palabuatan ma'idek anu binaumo nu aha.”

YEREMIA 17:27

Iwi-iwi' aijo' bisa timbali de belemiu montuluti Aku ka' montungka'akonmo samata-mata sinaa nu Sabat baumo bahagian-Ku. Boli mongato balang maumo pa' apaa montulu sabatan daka' haha aijo' i Yerusalem isinaa aijo'. De olanggaimo nu belemiu na palentah-ngKu haha aijo', saba' sabatan toto daka-daka' i Yerusalem tibamo laigan iwi-iwi' nu tomundo' Ku papuimo ingko-ingkot ka' mule' apunyo aijo' madi'mo daagi' opoko ala opatei'.’ ”

YEREMIA 17:4

Belemiu saidi' mae talapakisamo mombee' tano' nu belemiu anu binee'-Kumo hi belemiu, ka' Ku pojadimo na belemiu da tulutmo hi sampobali' nu belemiu ilipu' anu madi' hondo-hondo osumbu' nu belemiu. Ku baumo na aijo' iwi-iwi' kalana tambuha'-Ku talalomo kosuhu-suhut susumo apu anu noakmo ka' madi'mo opoko ala opatei.”

YEREMIA 18:23

Panyo, Belento o Tumpu monsumbu' apaa na anu tinanga'anmo nu aha da mompateimo mae aku. Kalana aijo' bolimo mongampuni mae aha; bolimo mohapusi kasala'an nu aha. Dokemo na aha sampe tombahangkangmo. Baumo pa' apaa na obau hi aha kalana notambuha'mo na Belento.”

YEREMIA 42:18

Susumo Aku, Tumpu Allah Israel nompobuntumo tambuha'-Ku ka' pusang-Ku hi aha mian anu jojoong i Yerusalem sumo aijo'mo na Aku mompobuntu tambuha'-Ku kona hi belemiu anu mambamo i Mesir. Mian saidi' mae mabuhukmo na montoa belemiu; belemiu sola'mo o'alu, ka' sanggo nu belemiu lewa'mo opake' salaku bau pontotobi'akon. Belemiu madi'mo daagi' po ule' montoa lipu' nu belemiu aiya.”

YEREMIA 44:6

Mokonyo aijo' pinobuntung-Kumo na tambuha'-Ku tiba idek nu kinyonyang-Ku hi kota-kota' Yehuda tiba jalan-jalan kiijo' i Yerusalem. Iwi-iwi' pinapung-Kumo sahingga tinimbalimo ihansun ka' kinunmo susumo anu tinoamo tempo' uuka aiya.

YEREMIA 6:11

Tambuha' nu Belento hi aha suele ahi' ningoboamo ibutongku, o Tumpu! Madi'mo opokotahan.” Lantas Tumpu notataemo, “Potudunmo na tambuha' atina' hi to ana-anak anu aijo' ijalan daka' ka' hi to pomu-pomuda anu sinihukmo. Mo'ane tiba boune ohakopmo, ka' anu talalomo ilangkai' ka' binengkele'mo suele ahi' madi'mo opobebas.

YEREMIA 6:12

Laigan nu aha obee'mo hi aha mian sangga'at, sumo aijo' mule' ale' tiba bengkele' nu aha. Mian anu jojoong ilipu' aiya Ku hukumo.

YEREMIA 8:13

Ko kahanda' hondo na Aku momposihuk mian anu palesayamo hi beleng-Ku, susumo mian momposihukmo isi nu ale'nyo. Panyo mian anu palesayamo hi beleng-Ku sumomo ahi' kau' anggur tiba kau' ara anu madi'mo nimbua', ka' mule' honnyo singkapmo nagayou. Mokonyo aijo' pinobee'-Kumo na mian anu isalipu'an mae tinoka aiya ka nongkuasaimo lipu' nu aha. Aku, Tumpu, notataemo.”

MOHAANGI 4:11

Tumpu nompopiamo kapusan-Nyo ka' nompapuimo kota' Sion sampe i lata tiba tano'.

YEHEZKIEL 22:22

Susumo salaka ohansunimo i uno nu ponsuangan, sumo aijo'mo na aha ohansunimo kiijo' i Yerusalem. Sahingga nu sumbu'je nu aha taalu' Akumo ahi' na Tumpu anu nompotudunmo tambuha'-Ku hi aha.”

YEHEZKIEL 7:12

Tempo'nyo malia'mo toka, sinaanyo ingohanimo! Mian anu mongoli tiba mian anu mompobaluk madi'mo daagi' ko anu opihumpa-humpak na ka untungannyo, kalana hukuman nu Tumpu mongkonamo iwi-iwi' na mian.

YEHEZKIEL 7:14

Tolompet ingumonyi'mo ka' iwi-iwi' na mian nosadiamo. Panyo mau pe'e samian madi' ahi' ko anu namba nahampate itampat pahampatean, kalana tambuha' nu Tumpu nongkonamo iwi-iwi' na mian.

DANIEL 9:11

Songko-songko na Israel nolanggaimo iwi-iwi' na atulan nu Belento ka' madi' mongka'oho' mompotombihing potatae nu Belento. Kami binaladosa'mo hi Belento kalana aijo' binee'anmo mae nu belento kutuk na kami susumo anu tinulismo i Kitab i Musa posaihon nu Belento.

IMAMAT 26:28

saba' pusamo na Aku, Ku dokemo na belemiu ka' Ku hukumo na belemiu pimpitun lipat lebemo maboat molingkudui hukuman anu uuka mae momona.

NAHUM 1:6

Ihe na moko ala montahan de Tumpu pusamo? Madi' ko anu madi' nu kona de Ia motambuha'mo? Ia mompotudunmo kapusan-Nyo anu inoakmo susumo apu, batu hansunmo ka' timbalimo abu' i ahop-Nyo.

ZEFANYA 1:2

Tumpu notatae, “Aku mohopu'imo iwi-iwi' na anu i dunia aiya:

ZEFANYA 1:3

iwi-iwi' na mian tiba binatang sagalamo tomonsi' tiba ikan. Mian anu ma'idek na kinyonyoanyo Ku hopu'imo. Iwi-iwi' na mian Ku silakaimo madi'mo ko samian na anu Ku potumuu'. Aku, Tumpu na notataemo.

ZAKHARIA 7:12

Kinyonyoa nu aha pinokuutmo hondo nu aha susumo ko kuutnyo nu batu. Aku talalomo ahi' pinusa kalana aha madi'mo nontuluti to panga-pangajalan anu binee'-Kumo hi aha pipinoto'imo nu to nabi-nabi naipuan mae.

MALEAKHI 4:1

Tumpu Anu Daka' na Kuasanyo notataemo, “Tokaje na sinaanyo iwi-iwi' na mian anu buulon tiba mian anu ma'idek na palabuatannyo opapuimo susumo hat. Kona i sinaa aijo' aha opapuimo sampe motanggot iwi-iwi', sahingga aha aijo' madi'mo daagi ko anu tontuha'.

MATIUS 3:12

I lima-Nyo daagi' ko kiapan bau pontapii iwi-iwi' na gandum-Nyo sampe belesi'. Gandum nu polimu' i uno nu alang, panyo iwi-iwi' na ota'-Nyo o papui i uno nu apu anu madi' toho' mate.”

ANU PINOTO'I HI YOHANES 14:10

mian aijo' na monginum anggur nu Tumpu, aijo'mo anggur nu tambuha'-Nyo anu i lambe'-Nyomo i tampat pongisiannyo anggur anu madi' o ga'ai sangkiding pe'e! Iwi-iwi' na mian aijo' osakisamo i uno nu apu ka' belelang i ahop nu to mala-malaikat anu susi', ka' i ahop nu Anak nu Domba aijo'.