YEREMIA 7:19 - KITAB NU TUMPU ALLA LELE MA'IMAI'

¹⁹ Panyo sabenannyo ahi' misa' Aku na nu sakiti nu aha panyo posi butong nu aha ahi' sahingga aha ma ambangmo.

YEREMIA 7:19 ပူးပေါင်းရင်းမြစ်များ

EZRA 9:7

Daagi' pe'e tempo'nyo mae nu mompolee' mami sampe tempo' uuka aiya, kami mian anu pinalesayamo hi belento binaladosa'mo hi belento. Mokonyo aijo' kami, to tomu-tomundo, ka' to ima-imam mami, pinatundu'mo nu to tomu-tomundo anu i salipu'an. Kami pinateanmo pinahuhuanmo, ka' binoamo salaku mian anu i hakop. Kami talalomo hondo ingambangan, sumomo balu-balu'nyo nu sinaa aiya.

AYUB 35:6

De beleyum binaladosa'mo, Tumpu Allah madi' lugi'. De kasala'an nu beleyum manjoo'mo, Ia madi' momosia.

YESAYA 1:20

Panyo de belemiu madi mohongo-hongo Aku, belemiu matemo i uno nu pahampatean. Akumo na Tumpu anu notataemo.”

YESAYA 1:24

Kalana aijo' Tumpu Anu Daka' na Kuasanyo, Tumpu Israel notatae, “O, mian anu monsampobali' Aku, Ku balosakonmo na idekku hi belemiu sahingga belemiu madi'mo monsusa'i Aku.

YESAYA 45:16

Iwi-iwi' na mian anu nombaumo patong nu pilogot; opopo'ambangmo ka' o'alumo.

YEREMIA 15:9

Tina nu anak, anu popitu' na anaknyo mo'ane sinilakamo pinoso'mo kalana binotmo na ningkinyonyoa. Kantumuu'annyo madi'mo binalasahaya ingoa'annyo ia madi'mo ingadatan ka' mule' ingambanganmo. Sampobali' nu belemiu pinalentah-ngKumo da mompateimo anu daagi tumuu' atina' hi belemiu. Aku, Tumpu, notataemo.”

YEREMIA 2:17

Posi beleyumo ahi' na nonsabapi iwi-iwi' na anu jinadimo hi butong nu beleyum kalana tempo'nyo beleyum tinaka'-Kumo na ilumajang beleyum nohikumo mae Aku, Tumpu Allah nu beleyum.

YEREMIA 2:19

Posi palabuatanmo nu beleyum ma'i-ma'idek na nohukum butong nu beleyum, beleyum sinakisamo kalana madi'mo nongala Aku, Tumpu Allah nu beleyum. Aku, Tumpu Allah nu beleyum notataemo; Akumo na Tumpu Allah Anu Matangkas na Kuasanyo ka' Balakuasa hondo.”

YEREMIA 20:11

Panyo Belento o Tumpu montinjohi mae aku, Belento mahoson hondo ka' baani. Aha anu mololoi' mae aku ka' saja' monsakisa aku saidi' mae tombahangkangmo ka' madi'mo daagi' moko ala mombau apa-apaa. Aha saidi' mae ma ambangmo sampe toka sidu-sidutu', madi'mo jadi iwi-iwi' na tanga'an nu aha. Ka' ambangan nu aha aijo' saja'mo bau ingatan.

YEREMIA 22:22

Kalana aijo' to pola-polaya' nu belemiu saidi' mae mingkotmo susumo anu nu puhakon nu mombun. Iwi-iwi' na sangalu nu belemiu oboamo salaku mian anu ihakop ka' kota' nu belemiu o alumo ka' mule' opopo ambangmo kalana sinin na palabuatan ma'idek nu belemiu.

YEREMIA 25:7

Panyo Tumpu nontaloakonmo tukoo-Nyo belemiu madi' mohongo hongo Ia. Belemiu ola mule' ahi' mompaka bau da Ia motambuha', kalana pilogot nu belemiu haha atina'. Posi belemiumo na mohukum butong nu belemiu atina'.

YEREMIA 3:25

Jadi bakasmo da otanggungmo mami na ambang ka' bakasmo na kami da madi'mo kino angga'nyo. Kalana, kami tiba mompolee' mami binaladosa'mo hi Tumpu Allah mami, ka' madi'mo toho' tinulu-tulutan hi iwi-iwi' na palentah-Nyo.”

YEREMIA 44:3

Han aijo' jinadimo kalana mian anu monjojoongi binaladosa'mo, sahingga nonsabapimo notambuha'mo. Aha nonsombahkonmo koloban ka' nonsombahmo to pilo-pilogot anu ma'isa' toho' sinombah nu aha, ka' mule' belemiu kabai mompolee' nu belemiu.

YEREMIA 8:19

Hongo ahi' isongko-songko nalipu' kinolongnyomo kihis tiba haang nu bansangku mompokilawa, “Pa' madi'mo daagi' ko Tumpu kiita' i Sion? Iyamo mae na tomundo'nyo uuka aiya?” Tinaamanmo nu Tumpu, tomundo' nu aha, “Kadaka' belemiu tinolodadupumo monsombah to pilo-pilogot anu madi' hondo-hondo ko gunanyo? Kadaka' sinakitanmo nu belemiu na kinyonyoang-Ku nononsombahmo to pilo-pilogot?”

YEREMIA 9:19

Kiita' mae i Sion ihongomo na lewo' nu mian humang, “Kita silakamo ka' talalomo ingambangan. Lipu'to tionyo ahi' opala'intomo, laiganto iwi-iwi' hansunmo ka' motanatamo.”

YEHEZKIEL 16:26

Mesir anu mompaha ohani beleyum talalo hondo masawala' hi to bou-boune sinampoduhusmo nu beleyum. Tinotonggolakonmo nu beleyum na masala' da Aku motambuha'.

1 KORINTUS 10:22

Kabai o kita mongka'oho' mombau Tumpu ma'idekan na kinyonyoanyo? Te kita lebe mahoson molingkudui Tumpu?

PO'ULE' INGULIT 32:16

Aha nonsombahmo pilogot, sahingga Tumpu notambuha'mo, kalana aha nongka'ima'imo pilogot Ia notambuha'mo kalana aha nombaumo anu ma'idek aijo'.