YEREMIA 7:16 - KITAB NU TUMPU ALLA LELE MA'IMAI'

¹⁶ Tumpu notatae, “O Yeremia boli mondo'akon mian haha aiya. Boli momoita tulung kabai mondoa'kon aha; boli mae montetengakon hi beleng-Ku kalana Aku madi' mohongo apaa na anu opoita nu belemiu atina'.

YEREMIA 7:16 ပူးပေါင်းရင်းမြစ်များ

2 SAMUEL 8:18

Kapala nu anu monjagai i tomundo': i Benaya anak i Yoyada; To ima-imam ilaigan nu tomundo': to ana-anak i Daud.

NOSABATMO 32:10

Boli soba-soba monggagakon anu Ku palentahkon. Aku pinusamo hi aha ka' nonsilakaimo aha. Panyo beleyum ka' lee' nu beleyum Ku potimbalimo sa'angu' na bansa anu daka'.”

YESAYA 1:15

De komiu balado'a mohangkat lima nu belemiu, saba' Aku madi' mompalahatikan. Aku madi' mompajuli mau manjoo' na do'a nu belemiu, Aku madi' mohongo, kalana lima nu belemiu aijo'mo na anu pinatean nu belemiu.

YEREMIA 11:14

Kalana aijo' Yeremia bolimo mondo'akon aha kabai momoita tulung hi beleng-Ku da otulungi na aha! De aha nutokaimo nu kasusa'an ka' momoitamo mae tulung hi beleng-Ku, saba' Aku madi'mo ahi' mohongo-hongo aha.”

YEREMIA 15:1

Tumpu notataemo mae hi belengku, “Aku madi'mo daagi' mongkalibosi bansa aiya, maumo ahi' i Musa tiba i Samuel tuminjomo i aiya momoita mae da Ku kalibosi na aha. Saimo na bansa aiya da mambamo, madi'mo Ku ka'ima'i na montoa aha!

YEREMIA 15:6

Belemiu madi'mo nontalima ka' mule' nompala'imo Aku, kalana aijo' Ku tangkakonmo na limang-Ku da mohansunimo belemiu, kalana na osamo na Aku nongintim tambuha'-Ku.

YEREMIA 18:20

Pa' pantas na palabuatan anu ma'ima' obalosakon nu palabuatan anu ma'idek? Panyo aha nongkekemo bolo' da aku manabu' i unonyo. Inau'akon mae kalana aku nontinjohimo aha i ahop nu Belento, da Belento bolimo montambuha'i aha.

YEREMIA 4:28

Tano' humangmo, langit pikatmo hondo. Tumpu notataemo, ka' madi'mo mongabali na anu tinanga'an-Nyomo. Ia nontantukanmo kaputusan ka' madi'mo daagi' tolosule' mau ola sumo pala nu tengke.

YEREMIA 7:17

Pinosi toamo nu beleyum apaa na anu binaumo nu aha isinin na kota' nu Yehuda ka' mule' isinin na jalan i Yerusalem!

MIKHA 3:4

Tokaje mae na tempo'nyo belemiu moloboo'mo momoita tulung hi Tumpu, panyo Ia madi' ahi' montaami. Ia madi' montalima do'a nu belemiu kalana belemiu nombaumo palabuatan anu ma'idek.

PO'ULE' INGULIT 9:14

Boli soba-soba mongewa Aku. Ku silakaimo na aha, sahingga aha madi'mo daagi' o'inau'. Panyo beleyum Ku potimbalimo Tuuma nu sa'angu' na bansa anu lebe da'isan ka' lebe mahoson molingkudui aha.’

1 YOHANES 5:16

De komiu montoa sala'samian sangko kita mian Kristen mombau dosa' anu madi' mongahenakon mian aijo' talakangkanan i kantumuu'an kopian ka' sampe toka sidu-sidutu', tionyo ahi' komiu mondo'akon hi Tumpu; ka' Tumpu mombee'je kantumuu'an aijo' hi ia. Aiya kona hi aha anu dosa'nyo madi' mongahenakon aha talakangkanan i kantumuu'an aijo'. Panyo daagi' ko dosa' anu mongahenakon mian talakangkanan i kantumuu'an aijo'. Mongkona han aijo' aku madi' notatae tukoongku komiu tionyo mondo'akon hi Tumpu.