YEREMIA 7:15 - KITAB NU TUMPU ALLA LELE MA'IMAI'

¹⁵ Belemiu saidi' mae Ku laa'mo da bolimo ko anu aiya i ahop-Ku susumo Aku nolaa'mo to utu-utus nu mompolee' nu belemiu mian nu Israel.”

YEREMIA 7:15 ပူးပေါင်းရင်းမြစ်များ

YEREMIA 15:1

Tumpu notataemo mae hi belengku, “Aku madi'mo daagi' mongkalibosi bansa aiya, maumo ahi' i Musa tiba i Samuel tuminjomo i aiya momoita mae da Ku kalibosi na aha. Saimo na bansa aiya da mambamo, madi'mo Ku ka'ima'i na montoa aha!

YEREMIA 52:3

Tumpu notambuha'mo hondo hi aha mian anu jojoong i Yerusalem tiba aha mian nu Yehuda sahingga ilaa'-Nyomo na aha ka' madi'mo daagi' nonjagai aha. I Zedekia notomuhukmo hi Nebukadnezar tomundo' nu aha Babel,

2 TOMU-TOMUNDO' 17:23

Sahingga ahennyo mae madi'mo Tumpu nonginau' aha, panyo ahi' ingalin-Nyomo na aha da bolimo jojoong i tano' anu binee'Nyomo hi aha. Aijo' jinadimo susumo anu pinoto'imo nu Tumpu hi aha anu pinotokamo nu to posa-posaihon-Nyo ka' to nabi-nabi. Sumo aijo'mo na mian nu Israel anu binoa nokiijo' i pinongalinan i Asyur ka' i kiijo'mo na aha jinojoong sampe sina uuka aiya.

HOSEA 12:1

Tumpu notatae, “Bansa Israel montikubi mae Aku padahan baleko' ka' mongakali; bansa Yehuda tataap panggaga hi belengku Tumpu Anu Susi ka' manonong.

HOSEA 9:9

Talalo hondo ma'idek na palabuatan nu belemiu sumo anu toho'mo binau nu aha mian Gibea, Tumpu monginau'mo kasala'an nu belemiu ka' mohukumo belemiu kalana dosa' nu belemiu.

HOSEA 9:3

Belemiu o bansa Israel madi'mo daagi tataap jojoong i tano' anu binee'mo nu Tumpu hi belemiu. Belemiu tionyo ahi' minsusule'mo i Mesir, ka' tionyo ahi' mongkaanmo kaanon anu madi' toho' okaan kiijo' mae i Asyur.

HOSEA 1:4

Tumpu notataemo hi belengku, “Sanggohi na anak nu beleyum aijo' i Yizreel kalana madi'mo pin Aku mohukumo tomundo nu Israel kalana palabuatan i Yehu nompateimo mompolee'nyo kiijo' i Yizreel. Aku madi'mo mompobee' lee' i Yehu na mompalentah.

YEREMIA 23:39

saba' Ku tolukmo na aha ka' o'alinmo jo'o-jo'on, maumo aha maumo kota' anu binee'-Kumo hi aha tiba mompolee' nu aha.

2 TAWARIKH 15:9

Manjoo' na mian nu aha Efraim, Menase, ka' Simeon, naninggalumo hi Asa, ka' jinojoongmo i da'erah kalaja'anyo kalana tinoamo nu aha na Tumpu montulungi ia. I Asa nompalentahmo mian haha aijo' iwi-iwi' tiba aha mian da'isan nu Yehuda ka' Benyamin,

2 TOMU-TOMUNDO' 24:20

Tumpu pinusa hondo hi mian anu jojoong i Yerusalem ka' hi aha mian nu Yehuda, sahingga Ia madi'mo nongkali-kaliang aha.

MAZMUR 51:11

Posiloimo na ohup nu Belento ka bolimo mae montoa iwi-iwi na dosa'ku, ka' sautimo iwi-iwi' na kasala'anku.

YESAYA 7:16

Kalana ma'isa pe'e tinoka itempo'nyo ohua' na lipu' anu nu palentah nu to tomu-tomundo' nunu kabuhuk nu beleyum aijo' opala'imo sahingga madi'mo ko miannyo anu monjojoongi.

YEREMIA 9:19

Kiita' mae i Sion ihongomo na lewo' nu mian humang, “Kita silakamo ka' talalomo ingambangan. Lipu'to tionyo ahi' opala'intomo, laiganto iwi-iwi' hansunmo ka' motanatamo.”

YEHEZKIEL 23:31

Beleyum nontihomo kalakuan nu utus tu'a nu beleyum, kalana aijo' beleyum Ku hukumo nu hukuman anu pokakana.”

HOSEA 7:13

Silakamo na aha kalana aha nompala'imo Aku. Aha hansunmo kalana aha madi'mo nontuluti Aku. Aku ko kahanda' momposalamat aha panyo aha toka mae monsombah Aku madi' buke-buke' na kinyonyoa.

HOSEA 9:13

O Tumpu tinoangkumo na to ana-anak nu aha pinototumputan ka' pinateanmo.

YUNUS 2:4

I unonu kinyonyoangku aku nosi potataemo: Tumpu nola'mo aku aiya da bolimo ko anu daagi i ahop-Nyo. Madi'mo daagi aku montoa laigan kajojoongan-Nyo anu susi'.

YEREMIA 23:33

Tuhan notatae, “O Yeremia, de daagi' ko sala' samian na mian anu palesayamo hi beleng-Ku, kabai samian na nabi kabai imam mompokilawa hi beleyum, ‘Apaa na anu pinotuun mae nu Tumpu?’, tionyo ahi' nu taami nu beleyum, ‘Beleyumo na tanggungan aijo' anu nu bee' nu Tumpu; kalana aijo' beleyum oboamo’.

YEHEZKIEL 33:25

Kalana aijo' Tumpu Anu Matangkas na Kuasanyo nompalentahmo mae aku da mompotokakon potuunon-Nyo aiya hi aha, “Belemiu mongkaan antok nu binatang anu daagi' ko baso'nyo; belemiu monsombah pilogot ka' mompatei. Baani hondo na belemiu mongakui tano' aiya belemiumo na tumpunyo.