YEREMIA 7:10 - KITAB NU TUMPU ALLA LELE MA'IMAI'

¹⁰ Salatan iwi-iwi' aijo' binaumo nu belemiu, belemiu tokamo mae mangadap hi belengku i aiya iposi Laigan-Ku ka' motatae, ‘Kami madi'mo ko anu mompoposia.’ Lapas mae po ule' mule' ahi' obau nu belemiu na palabuatan anu ma'idek aijo'.

YEREMIA 7:10 ပူးပေါင်းရင်းမြစ်များ

1 TOMU-TOMUNDO' 9:3

Tumpu nompoto'i hi ia, “Do'a nu beleyum i hongong-Kumo ka' tiba jalan aiya Laigan anu binaumo nu beleyum aiya, uuka aiya Ku poto'imo timbalimo tampat samata-mata bau ponsomban Aku sampe toka sidu-sidutu'. Saja'mo-Ku toa ka' Ku jagai na tampat aiya.

2 TOMU-TOMUNDO' 21:4

Pinoto'imo nu Tumpu tukoonyo Yerusalem na tampat katokaan-Nyo, ka' tampat ponsomban Ia, panyo aijo' i Laigan nu Tumpu, singkapmo binauan i Manasye mezbah ponsomban pilogot.

2 TAWARIKH 33:4

Pinoto'imo nu Tumpu tukoonyo sampe toka sidu-sidutu' Yerusalem aijo'mo na tampat ponsomban Ia. Panyo kiijo' mae i Laigan nu Tumpu aijo', binaumo i Manasye na mezbah bau ponsomban to pilo-pilogot.

2 TAWARIKH 33:7

Patong nu pilogot pino'una'nyomo i uno nu Laigan nu Tumpu, padahan tampat aijo' polo'mo pinoto'i nu Tumpu Allah hi Daud ka' hi Salomo anaknyo momo'ane, “Laigan-Ku i Yerusalem aiya, anu pinile'an-Kumo hi anu sampulu' ka' ohua' na da'erah tulunan nu aha Israel aijo'mo na tampat anu tinantukanmo bau tampat ponsomban Aku sampe toka sidu-sidutu'.

AMSAL 15:8

Tumpu montalima do'a nu mian anu manonong; panyo Ia mongka'ideki palasombahan nu mian anu ma'idek na kinyonyoanyo.

YESAYA 48:2

Maumo sumo aijo' na beleyum mongakui totu-totu'u, tukooyum, beleyum mian anu jojoong ikota' anu susi'; ka' memang ahi' beleyum montaha'imanimo Tumpu Israel anu osa-osanggohi Tumpu Anu Daka na Kuasanyo.

YEREMIA 32:34

Pakalaus laigan anu binau da bau tampat ponsomban mae Aku ihumimi'anmo nu aha aijo'mo aha nompo una'mo bapilogotan nu aha anu mompobubun ilu itampat aijo'.

YEREMIA 34:15

Pa' piniangkuka na sinaa anu ihikuhakonmo na na'ima'mo ahi' na kalakuan nu belemiu ka' nombaumo ahi' anu momposanang mae kinyonyoang-Ku. Belemiu iwi-iwi' nonsitujuimo da mompobebasmo ahi' to botu-botuan anu bubu' mae bansa nu belemiu ka' binalajanji'mo tiba Aku i uno nu Laigan-Ku.

YEREMIA 44:9

Te kinolilimanmo nu belemiu na palabuatan iwi-iwi' anu ma'idek bibinaumo nu belemiu i tano' Yehuda tiba ijalan-jalan ikota' Yerusalem aijo'mo palabuatan nu mompolee' nu belemiu, ka' to tomu-tomundo' Yehuda tiba to bengke-bengkele' nu aha tiba belemiu ka' mule' bengkele' nu belemiu?

YEREMIA 7:11

Pa' belemiu monsangka Laigan-Ku aiya peta nu anu saja' montololangi? Iwi-iwi' na palabuatan nu belemiu tinoang-Kumo.

YEREMIA 7:14

Jadi Laigan-Ku ota-otaha'imani nu belemiu ka' tampat anu binee'-Kumo hi mompolee' nu belemiu ka' mule' hi mompolee' nu belemiu ka' hi belemiu aiya saidi' mae Ku baumo susumo Silo naipuan mae.

YEREMIA 7:30

Aha mian nu Yehuda nombaumo palabuatan anu ma'idek. Pilogot nu aha anu singkap Ku ka'ideki aijo' pinaha po una'mo nu aha i uno nu Laigan-Ku sahingga nohenyuimo.

YEHEZKIEL 20:39

Tumpu Anu Matangkas na Kuasanyo notataemo, “O, to mia-mian nu Israel, uuka aiya yayamo belemiu. Saboleh-bolehmo ahi' pombau dosa' monsombahmo pilogot nu belemiu haha atina'! Panyo jaga lapas mae na atina' belemiu tionyo ahi' montulutimo Aku ka' madi'mo ahi' daagi' mohumimi'i sanggong-Ku anu susi' kalana momboamo palasombahan hi pilogot nu belemiu haha atina'.

YEHEZKIEL 23:29

Kalana aha nongka'idekimo beleyum, sahingga iwi-iwi' na lawe nu beleyum nu agoimo nu aha. Beleyum opala'imo langgo-langgo' madi'mo daagi' ko hude i butong nu beleyum salaku mian anu saja' masala' ka' sola'mo nu toa nu mian da'isan. Napisu taha-tahahu majota hi mo'ane ka' sola' masala' na beleyum

YEHEZKIEL 23:37

Aha sola'mo nasala' ka' mule' sola'mo nompatei, aha nasala'mo tiba to pilo-pilogot ka' nompateimo to ana-anak-Ku anu ihampeakon nu aha. Anak haha aijo' sinombahkonmo nu aha hi to pilo-pilogot nu aha.

YEHEZKIEL 23:39

I sinaa pipinompateianmo nu aha to ana-anak-Ku ka' sinombahkonnyomo hi to pilo-pilogot, ua-ua'aha na anu moto utus aijo' tinokamo mae i Laigan-Ku ka' nohumimi'imo!

YEHEZKIEL 33:25

Kalana aijo' Tumpu Anu Matangkas na Kuasanyo nompalentahmo mae aku da mompotokakon potuunon-Nyo aiya hi aha, “Belemiu mongkaan antok nu binatang anu daagi' ko baso'nyo; belemiu monsombah pilogot ka' mompatei. Baani hondo na belemiu mongakui tano' aiya belemiumo na tumpunyo.

YEHEZKIEL 33:31

Aha toka mae manjoo' hondo na mian ka' salaku mian anu palesayamo hi belengku, aha sumuhangmo mompotombihing potatae nu beleyum, panyo apaa na anu nu palentahkon nu beleyum madi' ahi' nu tuluti nu aha. Biwi nu aha montaloakon potatae mongka'ima'i panyo kinyonyoa nu aha na ola ahi' mompotutugakon mosia na mohumpak ka'untungan.

YEHEZKIEL 5:11

Aku aiyamo na Tumpu anu tumuu', Tumpu Anu Matangkas na Kuasanyo, ka' aiyamo na potataeng-Ku: Kalana beleyum nohumimi'imo Laigan-Ku nu palabuatan nu beleyum anu ma'idek ka' anu okahegati, Ku hansunimo na beleyum madi'mo ko ampunnyo.

DANIEL 9:18

Potombihingakon mae na kami, o, Tumpu, toa mae na kami ka' palahatikan mae na kasala'an mami tiba kota' mami anu nana idekmo tiba suele sanggo nu Belento. Kami binalado'amo hi Belento misa' kalana kami mian anu manonong panyo kalana Belento talalo ahi' hondo mongkalibosi.

HOSEA 6:9

To ima-imam i kota' aijo' sumomo sa'angu' na tompukan nu mian anu buling ka' anu lewa' mohakop mian anu motulu. I jalan anu mompatui mokiijo' i tampat anu susi' kiijo' i Sikhem suele aha nompateimo mian! Iwi-iwi' na kalakuan anu ma'idek aijo' anu binaumo nu aha memang ototonggolakon.

AMOS 4:5

Lako'mo monsombahkon roti salaku pompoita talima kase hi beleng-Ku ka' lako'mo sisik hi mian saba' belemiu nompaka tuangimo anu osombahkon! Tantu aijo'mo na anu oka'i ma'i nu bau nu belemiu!

ZEFANYA 1:5

Ku sapuimo iwi-iwi' ihe na saja' moliba' aita' mae i atop ka' monsombah batu nu sinaa, bitu'on, ka' to manda-mandala'. Saidi' mae Ku hopu'imo na aha anu monsombah Aku ka' mule' binasumpa'mo da tulu-tulutanmo hi beleng-Ku, panyo mule' ahi' binasumpa'mo hi sanggo nu Tominuat Milkom.

MALEAKHI 3:15

Pinosi toantomo na to mia-mian anu bulon sanang na kantumuu'an nu aha. Mian anu ma'idek na kalakuannyo misa' ola mompaka kayamo, panyo de aha monguji' kasabalan nu Tumpu nu palabuatan anu ma'idek, aha madi' ahi' nu poposia nu Tumpu.’ ”

MATIUS 23:13

“Silakamo na komiu to gulu-gulu' agama ka' to mia-mian nu Farisi! Komiu saja' mombau pula-pula. Komiu ola monsaduakon da mian madi' totu-totu'u timbali mian anu palesayamo hi Tumpu Allah. Posi komiu pe'e madi' mongka'oho' mian anu palesayamo hi Tumpu, ka' mian sangga'at anu oka'oho', miu da boli palesaya. [

YOHANES 13:18

Apaa na anu Kutaloakon aiya misa' mongkona komiu iwi-iwi'. Kusumbu' ihe-he na anu pinile'an-Kumo. Panyo apaa na anu tinulismo i uno nu Kitab nu Tumpu tionyo timbali, aijo'mo, ‘Mian anu mongkaan hingga-hinggat tiba Aku na saidi' mae mongewa Aku.’

YOHANES 18:28

Subu-subu hondo aha nomboa i Yesus lengkat mae laigan i Kayafas namba i laigan nu gubernur. To mia-mian nu Yahudi madi' ninsoop i uno nu laigan daka', da aha madi' mahenyu susumo koonyo nu agama, kalana aha kahanda'mo mongkaan kaanon nu Paskah.