YEREMIA 6:7 - KITAB NU TUMPU ALLA LELE MA'IMAI'

⁷ Susumo mata nu uee tataap monsabatakon mae uee anu molino, sumo aijo'mo na kota' aijo' tataap mompodaagi' palabuatan anu ma'idek. Ola lele kabuhingisan ka' palabuatan sola' montololangi na anu Ku hongo ikota' aiya; bela tiba panyakit na anu Ku toa iyaya mae.

YEREMIA 6:7 ပူးပေါင်းရင်းမြစ်များ

AMSAL 4:23

Ojagai na kinyonyoa nu beleyum ima-ima', kalana kinyonyoa nu beleyum na montantukan jalan nu kantumuu'an nu beleyum.

YESAYA 1:6

Lengkat pe'e i ubak toka-toka i pala nu tengke madi'mo daagi' ko anu ma'ima i butong nu beleyum. Kahomo binangkak na butong nu beleyum, kahomo ningkalubabang ka' mule' kahomo bela. Bela haha aijo' ma'isa dinagusan kabai binobodan, ma'isa mule' pinakuli'an nu lanya'.

YESAYA 57:20

Panyo mian anu ma'idek na gau'nyo aijo' sumomo ambai anu bokolon ka' madi' toho' tenda. Soloknyo monganjuhakon hemput tiba hensek.

YEREMIA 20:8

Setiap aku motataemo, tionyo ahi' ku loboo'akon hoso-hoson, “Balaa'! Anu taha-tahahumo tokame mae!” O Tumpu aku lewa' okokojoi ka' opopo ambang sansina-sinaa kalana saja' monsisikakon potuunon nu Belento.

YEREMIA 30:12

Tumpu notataemo hi aha mian anu palesayamo hi Ia; “Panyakit nu beleyum tinadokmo hondo, bela nu beleyum atina' madi'mo daagi'ko pakuli'nyo.

YEREMIA 30:13

Madi'mo daagi' ko anu sanang na kinyonyoanyo molioakon da beleyum ma'alin, madi'mo daagi' kopakuli'nyo na bisun nu beleyum haha atina' madi'mo daagi' otaha'imani na beleyum ma'alin.

YEREMIA 30:15

Bolimo daagi' motusa' atina' i bela nu beleyum haha atina' kalana beleyum madi'mo daagi' otaha'imani timbali ma'alin. Belemiu ihukum-Kumo sumo atina' kalan dosa' nu belemiu nanjoo'mo ka' dinakamo na kasala'an nu belemiu.

YEREMIA 32:31

Salatanmo pe'e kota' aiya binau miannyo nonsaduakonmo Aku da pinusamo hondo. Aku nontantukanmo da monsilakaimo aha,

YEREMIA 8:22

Pa' apaa na nonsaduakon sahingga bansangku sampe uuka aiya ma'isa ahi' na alin? Pa' isongko-songko na Gilead, madi'mo daagi' ko dokter kabai pakuli'?

YEHEZKIEL 21:29

Apaa na anu tinoamo nu belemiu madi' totu'u ka' mule' apaa na anu kinila-kilamo nu belemiu atina' pipinoto'imo nu belemiu suele ahi' baleko'. Kinyonyoa nu belemiu ma'idek ka' mule' palaganta, ka' sinaa anu pohukumanmo belemiu atina' anu pupusnyomo malia'mo mae toka. Bajak aijo' mongkolongmo gogohong nu belemiu.

YEHEZKIEL 24:7

I kota' aijo' ko anumo pinatean, panyo baso' nu anu pinateanmo aijo' madi' nobubus i tano' panyo ola nobubus i batu anu mokuut hondo sahingga madi' opoko ala otabuhi.

YEHEZKIEL 45:9

Tumpu Anu Matangkas na Kuasanyo notatae, “Sukupmo na dosa' nu beleyum haha atina', o to mia-mian anu balakuasa i Israel! Bolimo daagi' belemiu talalo mongkabisa'i mian da'isan haha aijo'. Soba bau apaa na anu ma'ima' ka' mule' anu adin. Bolimo daagi' hondo-hondo molaa' aha anu palesayamo hi belengku mompala'i tano' nu aha. Aku, Tumpu Anu Matangkas na Kuasanyo nompalentahkonmo aijo' hi beleyum.

YEHEZKIEL 7:11

Kasinggian mompalentah mongahenanmo lebe manjoo' mule' na palabuatan anu ma'idek. Iwi-iwi' na kakaya'an, kaholomatan tiba kakaya'an nu aha mingkotmo madi'mo daagi' ko apa-apaanyo.

YEHEZKIEL 7:23

Iwi-iwi' na lipu' kalangkabutmo; iyaya mae daagi'mo ko anu opatei ka' singkapmo singgi.

ZEFANYA 3:1

Kinutukanmo na Yerusalem kota' anu palaganta anu saja' motomuhuk hi Tumpu ka' anu saja' nomposansala mian anu jojoong ikiijo'!