YEREMIA 6:6 - KITAB NU TUMPU ALLA LELE MA'IMAI'

⁶ Tumpu Anu Mahakuasa nompalentahmo aha anu balakuasa haha aijo' da montaa'i kau' ka' mombau puge'nyo nu palatahanan pontumbuhian Yerusalem. Tumpu notatae, “Kota' aiya Ku hukumo kalana kiijo' i unonyo manjoo'mo hondo na nomabu palabuatan monsuka-sukai na mompalentah.

YEREMIA 6:6 ပူးပေါင်းရင်းမြစ်များ

YESAYA 37:33

Aiyamo na anu titinaloakonmo nu Tumpu mongkona tomundo' nu aha Asyur: ‘Ia madi' koko minsoop i Yerusalem kabai mompana'akon pana' ikota' aijo'. To sulu-suludadu anu mintoongon nu kanta madi'mo daagi' ko anu mongohani kota' aijo', ka' ititikupnyo nu kota' aijo' madi'mo ko anu montambuni da bau pontumbuhian.

YEREMIA 20:8

Setiap aku motataemo, tionyo ahi' ku loboo'akon hoso-hoson, “Balaa'! Anu taha-tahahumo tokame mae!” O Tumpu aku lewa' okokojoi ka' opopo ambang sansina-sinaa kalana saja' monsisikakon potuunon nu Belento.

YEREMIA 22:17

Panyo beleyum, Yoyakim, sangalasan. Beleyum ola molio posi ka untungan nu beleyum. Beleyum nompateimo mian anu madi' ko sala'nyo ka' talalo ahi' monsakisa mian da'isan nu beleyum ka' talalo ahi' singgi.

YEREMIA 32:24

To mia-mian nu Babel nombau pagan mesen da bau pontumbuhian iduhu-duhuk na kota' da timbali opoko ala na kota' aijo' ka' uuka aiya aha nontumbuhimo. Pahampatean, kasusa'an i anu okaan, tiba panyakit anu molele na monsaduakonmo kota aiya matundu'mo hi lima nu aha Babel.

YEREMIA 32:31

Salatanmo pe'e kota' aiya binau miannyo nonsaduakonmo Aku da pinusamo hondo. Aku nontantukanmo da monsilakaimo aha,

YEREMIA 33:4

Laigan nu tomundo' Yehuda tiba laigan anu i kota' Yerusalem tinatakanmo da bau pompohoson palatahanan mongahopi sampobali' de montumbuhimo mae. Panyo Aku, Tumpu, Tumpu Allah nu aha Israel mompoto'i saba',

YEREMIA 39:1

Ibitu'on kinosampulu'nyomo, taun kino osio'nyomo na i Zedekia nompalentah tempo'nyo ia tinimbalimo tomundo' nu Yehuda, i Nebukadnezar tomundo' nu Babel tiba suludadunyo iwi-iwi' tinokamo mae nontumbuhi Yerusalem.

YEREMIA 5:29

Panyo, Aku, Tumpu, mohukumje aha kalana palabuatan haha aijo' iwi-iwi'; Ku balosimo na palabuatan-palabuatan nu bansa aiya.

YEREMIA 5:9

Apaa madi' pantasmo ahi' na Aku mohukumo bansa anu susumo aijo' ka' mombalosimo apaa na anu binaumo nu aha?

YEHEZKIEL 4:2

Lantas soba gamban na tampat pontumbuhian kota' aijo', tiba gotnyo anu okeke, tiba tambunan nu tano' anu lewa' opotambun, ka' anu pombauan kemah ka' pakakas anu opake pohobo'akon pagan mesen duhu-duhuk.

YEHEZKIEL 5:5

Tumpu Anu Matangkas na Kuasanyo notatae, “Soba toa aiyamo na Yerusalem. Kota' aiya Ku po una'mo i puso nu dunia tiba nega-negara sangga'at anu mompaha ohani.

DANIEL 11:15

Lapas aijo' tomundo' nu lipu' sasu utara mambamo montumbuhi sa'angu' na kota' anu ko bentengnyo ka' nu patundu'mo. Suludadu nu lipu' sasu salatan madi'mo daagi' moko ala mongewa ka' to sulu-suludadu anu pinile'annyomo madi'mo daagi' suele moko ala mongewa.

ZEFANYA 3:1

Kinutukanmo na Yerusalem kota' anu palaganta anu saja' motomuhuk hi Tumpu ka' anu saja' nomposansala mian anu jojoong ikiijo'!

LUKAS 19:43

Beleyum mongoa'ije sa'angu' na tempo', tempo' sampo bali'um mongewa iyayamae; aha montumbuhi ka' mompakisa beleyum lengkat mae i songko-songko na tampat.