YEREMIA 6:11 - KITAB NU TUMPU ALLA LELE MA'IMAI'

¹¹ Tambuha' nu Belento hi aha suele ahi' ningoboamo ibutongku, o Tumpu! Madi'mo opokotahan.” Lantas Tumpu notataemo, “Potudunmo na tambuha' atina' hi to ana-anak anu aijo' ijalan daka' ka' hi to pomu-pomuda anu sinihukmo. Mo'ane tiba boune ohakopmo, ka' anu talalomo ilangkai' ka' binengkele'mo suele ahi' madi'mo opobebas.

YEREMIA 6:11 ပူးပေါင်းရင်းမြစ်များ

YESAYA 40:30

To oli-olitau malawemo ka' mule' lu'usmo, to ana-anak anu ma'isa talalo daka' tinombahangkangmo kalana tinosumpun.

YEREMIA 15:17

Aku madi' suele balasana-sanang tiba to mia-mian anu sinihukmo lewa kumojo. Kalana montuluti Belento sahingga aku nanintademo kalana mongoa'i pusa.

YEREMIA 15:6

Belemiu madi'mo nontalima ka' mule' nompala'imo Aku, kalana aijo' Ku tangkakonmo na limang-Ku da mohansunimo belemiu, kalana na osamo na Aku nongintim tambuha'-Ku.

YEREMIA 18:21

Panyo uuka aiya, Tumpu, bakasmo da to ana-anak nu aha matemo nu ohop kabai silakamo i uno nu pahampatean. Bakasmo da to bou-boune nu aha madi'mo ko langkai' nu aha ka' mule' madi'mo ko anak nu aha; bakasmo da to momo ane nu aha silakamo kalana panyakit anu molele ka' mule' to oli-olitau nu aha silakamo i uno nu pahampatean.

YEREMIA 20:9

Panyo de ikinyonyoangku montaloakonmo na aku, “Sahanyo ku kolilimimo ahi' na Tumpu, bolimo daagi' aku motatae momboa atas sanggo-Nyo,” saba' potuunon nu Belento sumomo ahi' apu anu ningobamo ikinyonyoangku. Pinisobangkumo na nongintim, panyo madi' ahi' ku poko ala.

YEREMIA 5:9

Apaa madi' pantasmo ahi' na Aku mohukumo bansa anu susumo aijo' ka' mombalosimo apaa na anu binaumo nu aha?

YEREMIA 7:20

Aku, Tumpu Anu Matangkas na kuasanyo, mompotudunmo tambuha'-Ku anu opalias hondo i laigan ponsomban aiya, kona hi aha manusia, ka' mule' kona hi binatang suele ka' hi to kau-kau' ka' isi nu kuhat. Tambuha'-Ku moakmo susumo apu anu madi'mo opoko ala o'ati'i.”

YEREMIA 9:20

Aku notataemo, “Potombihing na potatae nu Tumpu, o, to bou-boune iwi-iwi'! Hi aha to lalangkoyang nu belemiu pogulu'akon na nyanyian mohangi, ka' hi to sanga-sangalu nu belemiu nyanyian anu onyanyi de ko anumo silaka.

YEREMIA 9:21

Kapatean ninsoopmo nontulu tolongan, ka' ninsoopmo i uno nu laigan nu tomundo'; ia nongkaanmo to ana-anak anu aijo' ijalan tiba olitau ka' langkoyang aijo' ilapangan.

MOHAANGI 1:15

Nusangka nu Tumpu madi' moko ala iwi-iwi' na suludadungku anu baani hondo. Pinalentahkon-Nyo na suludadu da mian anu daagi' olitau silaka iwi-iwi. Ia nompahampeja'akonmo bansangku sampe i hansun, susumo mian mompeeti bua' nu anggur.

MOHAANGI 2:21

Tu'anyo tiba anu daagi olitau sinilakamo daha-dahapa ijalan. Olitau, langkoyang sinilakamo nu bajak. Isinaa belento pinusamo, belento nongkolotmo aha kalana madi'mo nongkalibosi.

YEHEZKIEL 24:21

da mompoto'i potuunon aiya hi belemiu: Belemiu montakabunakonmo Kahosonan nu Laigan nu Tumpu. Belemiu mongka'ima'i montonto'i ia ka' sola' mamba hi ia, panyo nu pohumimi'mo na Laigan-Nyo. Ka' belemiu salaigan anu daagi olitau ka' daagi langkoyang daagi' jinojoong mae i Yerusalem, opateimo i uno nu pahampatean.

YEHEZKIEL 3:14

Kakuasa'an nu Tumpu na tinoka mae hi belengku, ka' salatan aku ihangkatmo ka' binoamo nu Roh-Nyo kinyonyoanku ingoa'anku napakatmo ka' mule' napanasmo.

YEHEZKIEL 3:3

Ia notatae, “O, manusia anu madi' tumuu' batu, kaanmo! Isiimo na kompong nu beleyum nu kitab anu ilulunmo aiya.” Lantas kitab aijo' kinaankumo ka' nyamitnyo matami' matami' hondo sumomo ahi' juu' nu uani'.

YEHEZKIEL 9:6

Pateimo na to momo'ane iwi-iwi' tiba to bou-boune, anu to tu'a-tu'anyomo tiba to ana-anak. Panyo boli mompoposia mian anu binee'anmo tanda isiakonnyo. Donganmo tampu'uni lengkat i, aiya, lengkat i Laigan-Ku aiya.” Sahingga aha nontampu'unimo nompojalan palentah anu binee'mo hi aha, aha nompateimo to pola-polaya' nu Israel anu hau-haunyo aijo' tinjo-tinjo i Laigan nu Tumpu.

MIKHA 3:8

Panyo mongkona ibutongku aiya, Tumpu nombee'imo mae aku roh-Nyo tiba kuasa-Nyo. Aku binee'an-Nyomo balakat da monsumbu' ka'adilan ka' mule' kabaanian da moko ala mompoto'i hi aha mian nu Israel iwi-iwi', na anu binaumo nu aha.

LUKAS 17:34

Palesayamo: I pihi aijo', ua'aha na mian hau-haunyo hoyot i sa'angu' na koi, samian oboa, ka' samian opala'i.

SISIKON NU TO RASUL-RASUL 17:16

Hau-haunyo i Paulus montanda'i i Silas ka' i Timotius kiijo' i Atena, kinyonyoanyo molibos na montoa kota aijo' nobuke'mo nu to pilo-pilogot.

SISIKON NU TO RASUL-RASUL 18:5

Salatan i Silas ka' i Timotius tinokamo lengkat mae i Makedonia, i Paulus nonggunaakon iwi-iwi' na kasampatannyo da mompolele lele lengkat mae hi Tumpu toka hi to mia-mian Yahudi tukoonyo i Yesus aijo'mo na Tomundo' anu Momposalamat anu jinanjimo nu Tumpu.

SISIKON NU TO RASUL-RASUL 4:20

Kalana kami madi' timbali belenti na motatae mongkona apaa na anu tinoamo mami ka' pinosi hongo.”

ANU PINOTO'I HI YOHANES 16:1

Lantas aku nohongo potatae anu daka' lengkat mae i Laigan nu Tumpu potatae hi malaikat anu popi-popitu' aijo', “Lako'mo bubusakon na isi nu popitu' na tampat pinongisian tambuha' nu Tumpu aijo' i bawo nu dunia!”