YEREMIA 6:10 - KITAB NU TUMPU ALLA LELE MA'IMAI'

¹⁰ Tinaamanku, “O Tumpu hihe na potataeanku, ka' ihe na anu ku pokinde'i? Aha panggaga hondo ka' madi' ka oho' mompalahatikan. Nu kokojoi nu aha ka' nu ka'ideki nu aha na potuunon nu Belento anu pinoto'ingkumo hi aha.

YEREMIA 6:10 ပူးပေါင်းရင်းမြစ်များ

SISIKON NU TO RASUL-RASUL 7:51

Palias hondo na ko panggaganyo na to Utu-utus ka' talalo susa' na mohongo Tumpu! Bihing miu mabongon hondo madi' mohongo potatae nu Tumpu! Komiu pokakana tiba mompolee' miu; saja' panggaga hi Roh nu Tumpu!

YOHANES 7:7

Dunia aiya madi' toho' mongka'ideki komiu. Panyo Aku memang nu ka'ideki nu dunia, kalana Aku saja' montaloakon i dunia kalakuannyo aijo' ma'idek.

YEREMIA 7:26

Panyo madi' ko anu mohongo kabai ko anu mompalahatikan. Belemiu ola mule' ahi' nompaka panggaga ka' naidek nolingkuduimo mompolee' nu belemiu.”

IBRANI 11:7

Kalana bala'iman, sahingga i Nuh pinoto'imo nu Tumpu mongkona hahan anu jadi aiya mae i ahop, anu madi' pinoko ala tinoanyo. I Nuh tulu-tulutan hondo hi Tumpu, sahingga ia nombaumo sa'angu' na kapan anu ahennyo nomposalamatmo butongnyo tiba aha sampoto'utus. Tiba jalan anu sumo aijo', dunia i hukumo, panyo i Nuh kalana ia bala'iman, sahingga koonyo nu Tumpu ia mian anu ma'ima'.

YESAYA 53:1

Tinaaman nu bansa aijo', “Ihe ahi' na anu pinalesayamo ihan anu i hongomo mami? Hi he na pinomponyata'anmo kuasa nu Tumpu?

NOSABATMO 6:12

Sumo aijo' na Tumpu nonsai i Musa ka' i Harun da mompotoka hi bansa Israel ka' hi tomundo Mesir tukoonyo nu Tumpu aha pinalentahmo nu Tumpu da molaya' bansa Israel mosabatmo mompala'i Mesir.

2 TIMOTIUS 4:3

Kalana tokaje na tempo'nyo, mian madi'mo daagi' mongka'oho' montalima pangajalan anu totu'u. Panyo ola ahi' aha montulutimo posi pongka'oho' nu aha, ka' momposihukmo manjoo' na to gulu-gulu' da o'ajanakon na hahan anu ma'ima' na ohongo nu bihing nu aha.

KOLOSE 1:28

I Kristusmo atina' na anu opolele mami toka hi toto samian. Kami mompotuka' ka' mompagala hondo-hondo mompogulu' aha iwi-iwi'. Kahanda' mami aijo'mo da batu-batu mian timbali oboa hi Tumpu Allah, sumo mian anu motu'amo na pikilan i uno nu hahan rohani, kalana nosa'angu'mo tiba i Kristus.

ROMA 7:22

Kinyonyoangku mongka'ima'ai atulan nu Tumpu,

SISIKON NU TO RASUL-RASUL 7:60

Lantas ia dinumaladupumo ka' noloboo' daka-daka' ka' notatae, “Kita Tumpu, boli dosa' aiya opokona hi aha!” Noko taloakonnyo sumo aijo' ia sinilaka.

YOHANES 9:40

To pia-piangkuka mian nu Farisi anu daagi' kiijo' nohongomo i Yesus notatae sumo aijo', lantas aha nompokilawamo hi Ia, “Pongka'oho'-Um da kami suele aiya mapisok?”

LUKAS 20:19

To gulu-gulu' agama, ka' Kapala nu to ima-imam monsumbu' saba' kantuangan aijo' nu patuakon i Yesus hi aha. Mokonyo aitu aha kahanda'mo mohakop Ia tempo'nyo aitu, panyo aha mabuhuk hi mian da'isan.

LUKAS 11:45

Sala'samian na gulu' agama notatae hi Yesus, “Tuumangku Gulu', tiba potatae aijo', Kita Tuuma mongambangimo ahi' kami!”

MATIUS 3:7

Manjoo' suele na mian nu Farisi tiba Saduki tinoka hi Yohanes da o palamandikan. Panyo tempo'nyo ia nontoa aha tinokamo mae ia notatae hi aha, “Komiu mian ma'idek! Ihe na nontaloakon komiu timbali molapas lengkat i hukuman nu Tumpu anu tokaje mae?

AMOS 7:10

I Amazia, imam nu Betel, nompakatumo lapulan aiya hi Yerobeam tomundo nu Israel, “I Amos nosa'angu'mo tiba mian da'isan da mongewamo belento Tomundo. Potataenyo anu monsale'i mian da'isan monsabapimo lipu' aiya da hansun.

YEHEZKIEL 33:9

De nu pokinde'i ahi' nu beleyum na mian anu saja mombau palabuatan ma'idek ai-aijo' ka' ia madi' ahi' belenti na mombau palabuatan ma'idek ai-aijo', saba' ia silaka sumomo ahi' mian anu baladosa', panyo beleyum na salamat ahi'.”

YEHEZKIEL 33:3

De ponjagai aijo' montoamo mae sampobali' toka ia mompo'onyi'mo salaku tanda ko bahayamo da iwi-iwi' na mian balasadiamo ahi'.

YEREMIA 4:4

Toongi na palajanjian nu beleyum tiba Aku, Tumpu nu beleyum ka' posadiamo na butong nu beleyum da bau kapalaluan-Ku o belemiu anu jojoong i Yehuda tiba Yerusalem. De madi' ahi', saba' tambuha'-Ku saidi' mae tahahumo ka' montoyo'imo susumo apu anu madi'mo opoko ala opatei maumo ahi' pa' hihe. Iwi-iwi' aijo' mongkonamo butong nu beleyum kalana palabuatan nu beleyum ma'i-ma'idek aijo!”

MAZMUR 119:174

Kinyonyoangku mongindimo kasalamatan lengkat mae hi Belento, atulan nu Belento nompolame'mo kinyonyoangku.

MAZMUR 119:77

Kalibosiakon mae na aku, sahingga aku sabole-boleh tumuu', kalana atulan nu Belento momposanang mae kinyonyoangku.

MAZMUR 119:70

Mian haha aijo' madi' mangalati', panyo de hi belengku atulan nu Belento na momposanang ahi' kinyonyoangku.

MAZMUR 119:35

O' amalakon da aku mintoong hondo-hondo hi palentah nu Belento, kalana aijo' na anu ku ka'ima'i.

MAZMUR 119:24

Atulan nu Belento iwi-iwi' baumo pompokinde'i aku anu momposanang kinyonyoangku.

MAZMUR 119:16

Atulan nu Belento nomposanangmo aku; pangajalan nu Belento madi'mo ku kolilimi.

MAZMUR 40:8

Lantas aku notataemo, “Aiyamo na aku, i uno nu lulunan nu kitab, tinulismo na aku.

MAZMUR 1:2

panyo anu mongka'ima'i mombau Palentah nu Tumpu ka' lewa' mompotutugakon maumo sinaa kabai maumo pihi.

PO'ULE' INGULIT 29:4

Panyo sampe sinaa aiya Ia ma'isa nompobee' belemiu da monsumbu' iwi-iwi' apaa na anu ingoa'anmo miu aijo'.

YEREMIA 5:21

“Potombihing mae, o belemiu mian anu ponga' ahi taha-tahahumo! Belemiu ko mata panyo madi' montoa, ko bihing panyo madi' mohongo!

YESAYA 42:20

O, Israel, manjoo'mo na anu tinoa nu beleyum panyo madi' nu palahatikan, bihing nu beleyum tabuka' panyo madi' beleyum mohongo.”

YEREMIA 7:13

Maumo ahi' Ku po uli-ulitmo na motatae hi belemiu, panyo belemiu madi' ahi' mongka'oho' mompotombihing mae. Belemiu mombau dosa' aijo' iwi-iwi' ka' madi' mongka'oho' montaami de Ku lagamo.

YEHEZKIEL 3:7

Panyo bansa Israel na madi' ahi' mongka oho' beleyum ka' Aku mule' madi' ahi' nu palahatikan nu aha. Aha iwi-iwi' panggaga hondo ka' madi' tulu-tulutan.