YEREMIA 52:9 - KITAB NU TUMPU ALLA LELE MA'IMAI'

⁹ Lapas aijo' i Tomundo' Zedekia binoamo hi Tomundo' Nebukadnezar kiijo' ikota' Ribla idaerah Hamat, lantas binee'anmo hukuman mate.

YEREMIA 52:9 ပူးပေါင်းရင်းမြစ်များ

1 TOMU-TOMUNDO' 8:65

I Laigan nu Tumpu aijo' na i Salomo ka' iwi-iwi' mian nu Israel anu pinalesayamo nombau lamean Tahop o atapi nu Hon nu kau', pitunsinaa na kopinnyo. Manjoo' hondo na mian anu tinoka i kiijo' Aha tinoka lengkat mae i da'erah anu majo'on hondo montulu Jalan Hamat sasu utara tinoka-toka ipotempasan tiba Mesir sasu salatan.

2 TOMU-TOMUNDO' 23:33

I Yoahas madi'mo nompalentah salatan i Nekho tomundo nu Mesir nohakopmo ia kiijo' mae i Ribla i da'erah Hamat, ka' binoamo nu aha ka' nompakisamo Yehuda nombayan hasin hi ia konjoo'nyo 3.400 kilogram na salaka tiba 34 kilogram na mosoni'.

2 TOMU-TOMUNDO' 25:6

Lapas aijo' i Tomundo' Zedekia binoamo hi Tomundo' Nebukadnezar i kota' Ribla, lantas pinokonanmo hukuman.

2 TAWARIKH 33:11

Mokonyo aijo' pinotokamo mae nu Tumpu na to tale-talenga'nyo nu suludadu nu aha Asyur nontumbuhi Yehuda. I Manasye i hakop nu pongkakait lantas pinungumo ka' binoamo i Babel.

2 TAWARIKH 8:3

Ia nompatundu'mo ka' nongalamo da'erah Hamat ka' Zoba.

YEREMIA 21:7

Beleyum tiba aha mian anu kopangkatnyo ka' mule' anu madi' silaka i uno nu pahampatean, kasusa'an i anu okaan, tiba panyakit anu molele, iwi-iwi' Ku pojohokmo da nu hakop i Tomundo' Nebukadnezar tibamo sinin na sampobali' nu belemiu anu kahanda'mo mompatei belemiu. Nu pateimo i Nebukadnezar na belemiu iwi-iwi' madi'mo daagi' ko ampunnyo ka' mule' madi'mo daagi' kokalibosan. Aku, Tumpu notataemo.”

YEREMIA 39:5

Panyo suludadu nu Babel nololoi'mo aha ka' nohakopmo i Zedekia i hatanyo nu Yerikho. Lantas ia binoamo hi Tomundo' Nebukadnezar ikota' Ribla idaerah Hamat, lantas binee'anmo hukuman mate.

MOHAANGI 4:20

Aha nohakopmo tomundo anu pinile'anmo nu Tumpu, mian anu obuulakon mami salaku anu mombee'i kantumuu'an, ka' monjagai de ko sampobali'.

YEHEZKIEL 11:10

Belemiu silakamo i uno nu pahampatean iposi lipu' nu belemiu sahingga nu sumbu'je nu belemiu taalu Akumo ahi' na Tumpu.

YEHEZKIEL 23:24

Aha tokamo mae montumbuhi beleyum lengkat mae isasu utara, suludadu nu aha manjoo' hondo tiba kareta-kareta anu bau pahampate, ka' mule' kareta-kareta anu momboa mantu. Kanta tiba songko anu ko aja' na mongkukubi aha de aha montumbuhimo beleyum. Ku pojohokmo na aha da mombee'imo hukuman hi beleyum susumo koonyo nu atulan nu aha.

NOMBILANGMO 13:21

Sahingga nambamo na mian haha aijo' i sasu utara ka' nondoyonimo ima-ima' lipu' aijo' tinampu'unan pe'e lengkat i padang bola Zin sasu selatan lantas nokiijo'mo sasu utara tinoka i kota Rehob, koko jalan mokiijo' i Hamat.

NOMBILANGMO 34:11

Lengkat ikiijo' mokaiyong i Ribla i sasu kabete'an Ain, lantas lau-lausmo toka-toka i puge'nyo haha kiijo' i biwi nu ambai sasu kabete'an i Dowiwi Galilea.

YOSUA 13:5

ka' mule' da'erah nu bansa Gebal, ka' iwi-iwi' na da'erah Libanon mompatui sasu kabete'an, lengkat mae i Baal-Gad sasu selatan Bungkutnyo nu Hermon, lau-laus mompatui toka-toka i jalan anu mamba i Hamat.