YEREMIA 52:7 - KITAB NU TUMPU ALLA LELE MA'IMAI'

⁷ pagan mesen nu kota' tinobahakonmo nu sampobali'. Pihi-pihi aijo' maumo ahi' aha mian nu Babel hau-haunyomo nontumbuhi kota' aijo', iwi-iwi' na suludadu nu aha Yehuda nopalaimo namba i Bangka'nyo nu Yordan. Aha nontulu jalan monsahak taman ilaigan nu tomundo' lantas nosabatmo nontulu sabatan daka' anu kotusanannyo tiba ohu' na pagan mesen itampat aijo'.

YEREMIA 52:7 ပူးပေါင်းရင်းမြစ်များ

2 TOMU-TOMUNDO' 25:4

pagan mesen nu kota' aijo' i hobo'akonmo nu sampo bali'. Pihi-pihi aijo' maumo mian nu Babel nontumbuhimo kota' aijo', iwi-iwi' na suludadu nu Yehuda nopalaimo namba i bangka'nyo nu Yordan. Aha nontulu jalan i taman anu aijo', koko laigan nu tomundo', lantas nosabatmo nontulu sabatan daka' anu mompoguntang ohua' na pagan mesen i tampat aijo'.

YEREMIA 34:22

Ku bee'imo tanda da aha po ule'mo mae minsusule' ikota' aiya, lantas montumbuhimo mae, ka' mongkuasaimo, ka' nu papumo nu aha. Sinin na kota' nu Yehuda Ku pojadimo susumo padang tampat anu mateges anu madi'mo nu jojoongi nu mian. Aku, Tumpu notataemo.”

YEREMIA 39:2

Itanggan osio' bitu'on kino osio'nyomo, bitu'on kino opatnyomo, taun kinosampulu'nyomo ka' sa'angu' na i Tomundo' Zedekia nompalentah, pagan mesen nu kota' ihobo'akonmo nu sampobali',

YEREMIA 49:26

Toka isinaa aijo' to oli-olitaunyo silakamo ijalan-jalan nu kota'nyo, ka' iwi-iwi' na suludadunyo ohopu'imo.

YEREMIA 51:32

Tampat potaapan kinuasanmo nu sampobali' ka' benteng-benteng palatahanan pinapuanmo. Suludadu nu aha Babel biningongmo.

YEREMIA 6:5

Sahanyo otumbuhintoje de malomo ka' ohansunimo na benteng haha aijo' ikota'.”

YEHEZKIEL 12:12

I uno nu pikat tomundo' nu aha monsimbumo balunannyo ibekoannyo lantas mambamo. To mia-mian mombolo'imo pagan mesen da bau posabatannyo. Ia mongkukubimo matanyo sahingga madi'mo montoa-toa jalan anu nu tului.

YEHEZKIEL 33:21

Itanggan olima' bitu'on kinosampulu'nyomo ka' taun kinosampulu'nyomo ka' ohua' tempo'nyo kami ihakop ka' binoa, samian anu noko popalai mae lengkat i Yerusalem tinokamo ka' nompoto'imo hi belengku tukoonyo kota' aijo' pinatundu'mo.

IMAMAT 26:17

Belemiu Ku hukumo, sahingga belemiu nu patundu'imo nu sampobali' nu belemiu ka' nukuasaimo nu to mia-mian anu mongka'ideki belemiu; Belemiu mabuhukmo hondo sahingga belemiu mopalaimo, maumo madi' ko anu mololoi'.

IMAMAT 26:36

Bubuu' belemiu anu kiijo' mae i lipu' sangga'at anu pinomboan ka' pinompojoongan belemiu Ku bauje da aha talalo mabuhuk, sahingga mau ola kiakas nu hon nu kau' anu nupuhi nu mombun okabuhukmo sahingga aha mopalaimo. Belemiu mopalaimo sumomo ko anu nololoi'i unonu pahampatean, lantas tombahangkangmo maumo madi' ko sampobali' nu belemiu koko atina' hi belemiu.

AMOS 4:3

Belemiu opakisamo oboa mokiijo' i sasu Hermon, ka' olumbu'akon i sambiha'nyo, toto samian montului loang nu pagan mesen anu ohani. Aku na Tumpu anu notataemo.”

PO'ULE' INGULIT 28:25

De belemiu madi'mo montuluti Tumpu Allah nu belemiu, Nu potimbalimo na belemiu da nuhungku'imo nu sampobali' miu iwi-iwi'. Belemiu montoukaimo ahi' totu-totu'u montumbuhi panyo ola ahi' malai ka' mosungkehet. Iwi-iwi' na bansa i dunia aiya mabuhukmo na montoa belemiu anu sinusa'mo susumo aijo'.

PO'ULE' INGULIT 32:30

Mosia na samian moko ala mololoi' samadala na mian, ka' ua'aha na mian monsaduakonmo sampulu' na madala na mian malai? Tumpu, Tumpu Allah nu aha, nompobalukmo aha; aha pinala'ianmo nu Tumpu Allah anu baani ka' daka' na kuasanyo.