YEREMIA 52:6 - KITAB NU TUMPU ALLA LELE MA'IMAI'

⁶ Itanggan kino osio'nyomo bitu'on ko opatnyomo tauno ai-aijo', tempo'nyo balaa' kasusa'an i anu okaan tinahahumo hondo sahingga mian da'isan madi'mo daagi' ko anu okaan,

YEREMIA 52:6 ပူးပေါင်းရင်းမြစ်များ

2 TOMU-TOMUNDO' 25:3

I tanggan ko osio'nyomo bitu'on anu ko opatnyomo i taun aijo' salatan tinalalomo hondo na balaa' kasusa'an i anu o kaan, sahingga mian da'isan madi'mo hondo-hondo ko anu okaan,

YESAYA 3:1

Memang Tumpu Anu Daka' na Kuasanyo mongalamo iwi-iwi' na palasadia'an i Yerusalem tiba i Yehuda aijo'mo au okaan ka' mule' uee. Ka' suele iwi-iwi' na mian anu nu taha'imani nu aha:

YEREMIA 15:2

De nu pokilawa nu aha hi beleyum, pa' moya na tionyo ahi' kalambanan nu aha, taami sumo uuka, ‘Tumpu notatae, anu tinantukanmo silaka kalana masakit bakasmo da ia silakamo nu panyakit. Anu tinantukanmo silaka i uno nu pahampatean bakasmo da ia silaka i uno nu pahampatean. Anu tinantukanmo silaka kalana mo ohop bakasmo da ia silakamo nu ohop! Anu tinantukanmo da ia ohakopmo, bakasmo da ia oboamo salaku miana nu ihakopmo!’

YEREMIA 19:9

Sampobali' montumbuhimo mae kota' aiya, ka' bala usahamo mompatei miannyo anu jojoong ikiijo'. Nontumbuhi aijo' tinalalomo hondo na kino ideknyo, sahingga aha to mia-mian anu i uno nu kota' aiya nompaha kakaanmo sangalunyo ka' mule' ahi' posi to ana-anak nu aha suele.”

YEREMIA 21:9

Batu-batu mian anu jojoong i uno nu kota' saidi' mae silakamo nu pahampatean, kasusa'an i anu okaan, kabai panyakit anu molele. Panyo aha anu mosabatmo mangakumo kalah hi aha mian nu Babel anu hau-haunyomo montumbuhi kota' aiya na tumuu' ahi' madi'mo opatei.

YEREMIA 25:10

Onyi' nu kalame'an anu taha-tahaumo lame' na aha ka' kalame'an nu bau-bauon anu mo'osoa Ku pobelentimo. Aha madi'mo mohumpak lanya' anu otutungi bau sulu' tiba gandum nu aha mingkotmo.

YEREMIA 37:21

Sahingga i Tomundo' Zedekia nompalentahkonmo da aku otalungku'mo i popasan nu nu laigan nu tomundo'. Jadi aku jinojoongmo ikiijo' mae, ka' sansina-sinaa obee'i roti anu o'alamae itampat pombauan roti sampe palasadia'an roti ikota' aijo' i ningkotmo iwi-iwi'.

YEREMIA 38:9

“Tuan Anu Opopodaka', palabuatan nu mian haha aijo' madi' ma'ima'. Aha nonguluakonmo i Nabi Yeremia i uno nu bubung; ia tantu silakamo nu ohop ikaiyong, kalana anu okaan i kota' aiya ningkotmo.”

YEREMIA 39:2

Itanggan osio' bitu'on kino osio'nyomo, bitu'on kino opatnyomo, taun kinosampulu'nyomo ka' sa'angu' na i Tomundo' Zedekia nompalentah, pagan mesen nu kota' ihobo'akonmo nu sampobali',

MOHAANGI 1:11

I uno nu motusa' ka' mompele-pele'na miannyo anu jojoong i kiijo molio anu okaasan; balang anu ko halaga'nyo mahan pinontolosimo nu aha roti, ola kalana da aha tataap tumuu' ka' boli silaka. Yerusalem nolobo'mo, “O Tumpu, toa mae na aku, palahatikan mae na iwi-iwi' kasala'anku.”

MOHAANGI 5:10

Kami sinansalamo nu ohop, sahingga kilit mami nomea'mo susumo pomposulian apu.

YEHEZKIEL 14:13

de sa'angu' na lipu' baladosa'mo ka' madi'mo tulu-tulutan mae hi beleng-Ku, Ku hukumo na lipu' aijo'. Ku hansunimo na palasadia'an nu anu okaan nu aha, ka' mule' mompotokamo mae balaa' kasusa'anmo i anu okaan ka' mule' mompateimo manusia kabai binatang.

YEHEZKIEL 14:21

Tumpu Anu Matangkas na Kuasanyo notataemo mae, “Aku mompokonamo mae opa-opat na bau pohukum-Ku anu talalo opalias hondo kona hi aha Yerusalem da baumo pohopu'i manusia kabai binatang. Hukuman aijo', aijo'mo pahampatean, kasusa'anmo i anu okaan, binatang anu mahangas ka'mule' panyakit anu molele.

YEHEZKIEL 31:1

Itanggan sa'angu' bitu'on kinototolu'nyomo i uno nu taun anu kino sampulu'nyomo ka' sa'angu' tempo'nyo kami ihakop ka' binoa, Tumpu notataemo mae hi belengku,

YEHEZKIEL 5:16

Ku hansunimo na palasadia'an nu anu okaan nu beleyum ka' mule' mompojohokmo mian anu jojoong hi beleyum da susa'mo i anu okaan. Aha saidi' mae mongoa'imo mosia na kosakisanyo na mo'ohop sumomo ahi' hihis nu pana' anu matajom hondo na monsusuk ka' mompateimo beleyum.

YEHEZKIEL 7:15

I songko-songko na jalan daagi' ko pahampaten, isongko-songko na laigan daagi'mo ko panyakit anu molele ka' madi'mo ko anu okaan. Maumo pa' ihe na anu isambiha' nu kota' saidi' mae silakamo i uno nu pahampatean ka' anu jojoong i kota' silakamo nu panyakit ka' silakamo nu ohop.

IMAMAT 26:26

Kaanon nu belemiu saidi' mae mingkotmo, sahingga aha sampulu' na to bou-boune ola sa'angu' na tampat bau pontunuan roti anu daagi' hi aha. Kaanon aijo' ola ogantangi, ka' de belemiu moko kaanmo, belemiu daagi' ahi' mongoa'i mo'ohop.

ZAKHARIA 8:19

“Puasa' anu obau nu belemiu toka i bitu'on ko opatnyo, ko olima'nyo, ko popitu'nyo tiba ko sampulu'nyomo timbalimo sinaa anu olame'akon ka' obau bila-bilahi, ka' timbali kasanangan nu mian anu jojoong i Yehuda. Ka'ima'i na kahondoan tiba kadamean!”

PO'ULE' INGULIT 32:24

Aha matemo kalana nusihabimo nu sakit ka' mo'ohopmo, ka' kalana panyakit anu okabuhuk. Ku pojohokmo na aha da nusa'umo nu binatang anu mahangas, ka' nubahe' nu ulo anu ko bisa'nyo.