YEREMIA 51:8 - KITAB NU TUMPU ALLA LELE MA'IMAI'

⁸ Panyo mamanga ahi' Babel tinontuamo ka' noposo'mo. Haangimo na ia ka' lioakon pakuli' da bau pompakuli'i belanyo haha aijo', toho' pisa ia daagi' ahi' ma'alin.

YEREMIA 51:8 ပူးပေါင်းရင်းမြစ်များ

YESAYA 21:9

Soba toa, aijo'mo na aha! Gombuan nu suludadu anu tinokamo mae toto ua-ua'aha mae. Lapas aijo' mian anu monjaga aijo' nompolelemo, “Babel pinatundu'mo! Iwi-iwi na patong nu nu sombah nu aha nohintutumo ka' notanatamo itano!”

YESAYA 47:11

Panyo beleyum nu tokaimo mae nu balaa', ilimu' ponsumbu'an nu beleyum madi' moko ala mompoluput beleyum. Beleyum saidi' mae nu tokaimo mae nu kasilaka'an, ka' madi' ahi' opoko ala opimpali nu beleyum. Balaa' aijo' monti-montiik ahi' tokamo mae ka' madi' pinoko ala sinangka-sangka nu beleyum na han aijo' pa' jadimo mae.

YESAYA 47:9

Panyo ola sasaingoni' i uno nu sansinaa, ohu-ohua' na han aijo' monsainjadi-jadimo hingga-hinggat. Maunyomo ahi' beleyum mompakemo ponsumbu'an tiba do'a-do'a, langkai' nu beleyum tiba anak nu beleyum ohahumbitakonmo ahi' hoso-hoson.

YEREMIA 46:11

O belemiu mian anu jojoong i Mesir, lako'mo mamba i Gilead polio pakuli'! Panyo maunyomo ahi' sumo aijo' madi' kopakuli' na moko ala mompo alin belemiu.

YEREMIA 48:20

Nu taamije nu aha, ‘Moab pinatundu'mo ka' na ambangmo, kalana aijo' haangimo na ia. Bebakonmo itutuus Kaunyo nu Amon taalu' Moab ihansunmo.’ ”

YEREMIA 48:31

Mokonyo aijo' Ku haangimo hoso-hoson na belemiu iwi-iwi' ka' suele kona hi aha mian nu Kir-Heres, puso nu kota' nu belemiu.

YEREMIA 50:2

“Pokonai tanda ka' bebakonmo na lele hi to bansa-bansa taalu' Babel pinatundu'mo! Bolimo opohowini na han aijo'! I Merodakh pilogotnyo ihansunanmo ka' mule sinin na patongnyo anu toto henyu-henyu singkapmo nobiha-biha', ka' mule' bapilogotan nu aha madi'mo iholomatan.

YEREMIA 51:41

Tumpu notatae, “Babel anu opu-opuji' isongko-songko na dunia pinatundu'mo ka' jinojoonganmo! Talalo ahi' okabuhuk na lipu' aijo' nu to bansa-bansa.

YEREMIA 8:22

Pa' apaa na nonsaduakon sahingga bansangku sampe uuka aiya ma'isa ahi' na alin? Pa' isongko-songko na Gilead, madi'mo daagi' ko dokter kabai pakuli'?

YEHEZKIEL 30:2

“O manusia anu madi' tumuu' batu, soba kila-kilamo ka' poto'i hi bansang Mesir apaa na anu Kupoto'i hi aha Aku Tumpu Anu Matangkas na Kuasanyo. Potataemo daka-daka' ka' haangmo sumo uuka; Ibeh! Sinaa nu Tumpu toka malia'mo mae! Ia sampamo mompalentah. Sinaa aijo' pikat kundomon, tempo'nyomo na to bansa-bansa mohumpakmo hukuman.

DANIEL 5:24

Mokonyo aijo' Tumpu nompakatumo mae lima aijo' da montulis potuunon-Nyo.

NAHUM 3:19

Bela nu beleyum madi'mo opoko ala opakuli'i ka' mule' madi'mo opoko ala da opa'alinakon. Iwi-iwi' na mian anu nohongomo lele kinahansunan nu beleyum nohapa'imo lima salaku tanda ilame'mo. Kalana iwi-iwi' na mian nongoa'imo kasansala'an kalana palabuatan nu beleyum anu ma'i-ma'idek atina' anu madi'mo kokamingkotannyo.

ANU PINOTO'I HI YOHANES 14:8

Malaikat anu ko ohua'nyo nompayuntunmo mae malaikat anu momonanyo ka' notatae daka-daka', “I nanabu'mo! Kota Babel anu daka' aijo' nanabu'mo! Ia nompotimbalimo iwi-iwi' na bansa da nalangu nu anggur – aijo'mo anggur nu napisu sahingga nasala'mo!”

ANU PINOTO'I HI YOHANES 18:2

Potataenyo daka' hondo ia noloboo'mo, “Nahungku'mo! Babel anu daka' nahungku'mo! Tempo' uuka ia tinimbalimo tampat nu to setan-setan ka' roh-roh ma'idek. I unonyo daagi' ko tomonsi' anu manjoo' na ngahanannyo anu mahenyu ka' anu nuka'ideki nu mian.