YEREMIA 51:6 - KITAB NU TUMPU ALLA LELE MA'IMAI'

⁶ Posalamatmo na belemiu! Popalaimo mae pala'i na Babel dumo belemiu suele opateimo kalana dosa' nu aha! Kalana aiyamo na tempo'nyo Aku mombalosimo palabuatan ma'idek anu binaumo nu aha Babel, ka' mohukumo ia sitimbang tiba palabuatan nu aha.

YEREMIA 51:6 ပူးပေါင်းရင်းမြစ်များ

MAZMUR 94:1

O Tumpu, Belentomo na Tumpu anu mombalosi, potoamo mae na pombalasi nu Belento o, Tumpu.

AMSAL 13:20

Mian anu mosangalu tiba mian anu pande saidi mae timbali pande; panyo mian anu mosangalu tiba mian anu ponga' saidi mae mohumpak kasilaka'an.

YESAYA 48:20

Lako'mo popalai ka' bolimo jojoong i Babel, ka' bebakonmo na lele aiya toka-toka iyaya mae. Poto'imo ka' pontaligalaimo lame-lame': “Tumpu nomposalamatmo posaihon-Nyo aha Israel!

YESAYA 63:4

Aku noko batanga'mo sinaanyo anu pombalosakonanmo ka' tempo'nyo pompobebasanmo mian anu palesayamo hi beleng-Ku.

YEREMIA 25:14

Iwi-iwi' na palabuatan nu aha mian nu Babel Ku balosimo; aha nu botuanimo nu to tomu-tomundo' toto daka-daka' na kakuasa'annyo ka' mule' manjoo' na to bansa-bansa anu mombotuani'.’ ”

YEREMIA 25:16

De nu inumo nu aha, aha mahasungonanmo ka' lipunmo na pikilan kalana pahampatean anu Ku potokamo hi aha.”

YEREMIA 27:7

Iwi-iwi' na bansa tundu'mo hi ia, hi anaknyo momo'ane tiba hi makumpunyo sampe tokaje na tempo'nyo negaranyo aijo' madi'mo balakuasa. Toka itempo'nyo aijo' bansa Babel tundu'mo hi bansa-bansa sangga'at anu mahason ka mule' to tomu-tomundo'nyo anu daka na kakuasa'annyo.

YEREMIA 46:10

Panyo aku, i Yeremia mompoto'i saba' aiyamo na sinaa nu Tumpu Allah Anu Matangkas na Kuasanyo ka' Mahakuasa; toka isinaa aijo' Ia mombalosakonmo hi aha iwi-iwi' na sampobali'-Nyo. Bajak-Nyo mongkaanmo aha sampe mobosu, ka' monginumo baso' nu aha sampe ma'osa. Sinaa uuka Tumpu Anu Mahakuasa, mongkolot iwi-iwi' na koloban-Nyo isasu utara, isonibi nu Kaunyo Efrat aijo'.

YEREMIA 48:6

Koonyo nu aha, ‘Lia-lia'! Posalamat na nyawa nu beleyum! Popadeka'mo susumo keledai anu ma'ela' itampat anu mateges!’

YEREMIA 50:15

Aisakonmo na ais nu pahampatean aijo' titikup ikota' aijo'! Uuka aiya Babel madi'mo daagi' noko ala nombau apa-apaa. Sinin na pagannyo mesen singkapmo biniha-biha' ka' ihobo'akon. Aku nombalosakonmo palabuatan nu Babel. Kalana aijo' baumo na aha susumo aha lewa'mo nombau mian sangga'at.

YEREMIA 50:28

Aha to mia-mian anu nopalaimo namba i Yerusalem lengkat mae i Babel nonsisikmo mosia na Tumpu Allah-nto nombalosakonmo palabuatan nu aha mian Babel kona aijo' hi Laigan nu Tumpu.) p

YEREMIA 50:31

O, Babel, beleyum saja' talalo buulon! Mokonyo aijo', Aku, Tumpu Anu Matangkas na Kakuasa'an, Tumpu Allah Anu Balakuasa hondo mongewamo beleyum. Tinokamo na tempo'nyo beleyum Ku hukumo.

YEREMIA 50:8

O, mian nu Israel, popalaimo pala'i na Babel! Belemiu na momonanyo tionyo ahi' mamba da mian sangga'at suele mambaje.

YEREMIA 51:11

Tumpu nonsale'imo to tomu-tomundo' nu aha Media, kalana Ia kahanda'mo mohansuni Babel. Sumo aijo' na bau-baunyo Ia kahanda'mo mombalosakon palabuatan nu aha to mia-mian anu nohansunimo Laigan-Nyo. To sulu-suludadu anu toto tangka-tangkas na pangkatnyo ipasukan anu mambamahampate nompalentahkonmo, “Tajomimo na hihis nu pana'! Posadiamo na kanta!

YEREMIA 51:36

Mokonyo aijo' pinoto'imo nu Tumpu hi aha mian anu jojoong i Yerusalem, “Aku montinjohimo palakala nu beleyum ka' mombalosakonmo palabuatan nu sampobali' nu beleyum anu binaumo nu aha hi beleyum. Iwi-iwi' na mata nu uee tiba kaunyo iwi-iwi' anu daagi' i Babel Ku paha otimo.

YEREMIA 51:45

Kalana aijo' popalaimo bolimo jojoong kiijo' mae, o, mian nu Israel! Potumuu' na butong nu belemiu da boli nu kona nu tambuha'-Ku anu taha-tahahumo aiya.

YEREMIA 51:50

Tumpu notataemo hi aha mian nu Israel anu kiijo' mae i Babel, “Belemiu madi'mo jadi pinatean! Jadi' lako'mo uuka aiya! Bolimo daagi' montanda'i! Maunyomo ahi' belemiu majo'on lengkat ilaigan, panyo inau' mae ahi' na Aku, Tumpu Allah nu belemiu, ka' suele ahi' o'inau' na Yerusalem.

YEREMIA 51:56

Aha tinokamo nongidei Babel, nompaha hakopakonmo to sulu-suludadu nu aha ka' nompato'imo sinin na toongon anu bau pahampate nu aha. Akumo na Tumpu anu mohukum palabuatan anu ma'idek, ka' Babel Ku balosakonmo sitimbang tiba palabuatannyo.

YEREMIA 51:9

Mian anu lengkat mae isalipu'an anu jojoong ikiijo' mae nontaloakonmo hi samian ka' hi samian, ‘Kita binala usahamo montulungi Babel, panyo tinalambatmo! Sahanyo opala'intomo na lipu' aiya ka' minsusule'mo ahi' iposi lipu'to toto samian. Tumpu nohukumo Babel hondo-hondo ka' nohansunimo ahi' ingko-ingkot.’ ”

MOHAANGI 3:64

Hukumo na aha sitimbang tiba kalakuan nu aha, o Tumpu.

NOMBILANGMO 16:26

I Musa notataemo hi aha mian nu Israel, “Pala'i na kemah nu mian anu toto ide-idek haha aiya ka' boli mongkanyang mau mule' pa' apaa na anu nu aha. De belemiu madi' mohongo-hongo, belemiu saidi' mae opatei hingga-hinggat tiba aha kalana dosa-dosa' nu aha.”

PO'ULE' INGULIT 32:25

Pahampatean monsaduakonmo kapatean i iwi-iwi' na jalan; hahan anu okabuhuk mongkonamo to mia-mian anu i laigan. To oli-olitau ka' to lalangkoyang anu tumimpasje opateimo, ka' suele bungamea' ka' mian anu langkai'mo ka' bengkele'mo.

PO'ULE' INGULIT 32:41

Ku boitmo na bajak-Ku anu jongki-jongkilaban, ka' mompojalanmo hukuman. Ku balosakon na sampobali'-Ku iwi-iwi' ka' Ku hukummo iwi-iwi' na anu mongka'ideki mae Aku.

PO'ULE' INGULIT 32:43

O bansa iwi-iwi', puji' na mian anu pinalesayamo hi Tumpu, kalana Tumpu mohukum iwi-iwi' na anu mompatei aha. Ia na mombalosakon hi sampobali' nu aha panyo mongampuni dosa' nu mian anu pinalesayamo hi Ia.”

1 TIMOTIUS 5:22

Boli talalo malia' mombalakati toto samian kahanda' mompotantumo ia da o hangkatmo baumo salaku posaihon nu Tumpu. De mian sangga'at baladosa', boli maninggalo' i dosa' aijo'. Ojagai na butong miu da tataap susi'.

ANU PINOTO'I HI YOHANES 16:19

Kota anu daka' aijo' nobagi-bagimo tinimbalimo totolu' na bahagian, ka' i nohopu'mo suele na to kota-kota, iwi-iwi' na negara i dunia aiya. Lantas Tumpu tinonginau'mo hi Babel anu daka' aijo'. Saba' Tumpu nompo'inummo anggur anu aijo' i tampat pinongisian anggur nu Tumpu – aijo'mo anggur pusa-Nyo anu tahahumo hondo.