YEREMIA 51:57 - KITAB NU TUMPU ALLA LELE MA'IMAI'

⁵⁷ Ku languimo na to mia-mian anu kopangkatnyo ipamalintahan Babel mian anu toto pande-pande, to pola-polaya' tiba to sulu-suludadu. Aha madi'mo daagi' sola' po ule' mobula, panyo sahoyotnyomo sampe toka sidu-sidutu'. Aku, notataemo; Akumo na tomundo', Aku, Tumpu Anu Balakuasa hondo.

YEREMIA 51:57 ပူးပေါင်းရင်းမြစ်များ

YESAYA 37:36

Pihi-pihimo aijo' na malaekat nu Tumpu tinoka ibinakema'an nu Asyur ka' nompateimo 185.000 na suludadu. Dodododopnyo subu-subu bangke haha aijo' singkapmo sika-sika bandang.

YESAYA 44:25

Akumo na anu madi' nompototu'u aha anu biasa sola' mongkila-kila apa na jadi saidi' mae, ka' sola'mo nombia-biangakon aha anu lewa' montahi'i. Potatae nu aha anu toto pande-pande ginagakon-Kumo, kapandean nu aha pinojading-Kumo kaponga'an.

YESAYA 6:5

Lantas aku notataemo, “Silakamo! Madi'mo daagi ko anu ku taha'imani kalana nganga'ku nahenyumo nu dosa' ka' aku jojoong hi aha bansa anu suele susumo aijo'mo. Maumo sumo aijo' posi matangkumo na nontoa Tomundo', aijo'mo Tumpu Anu Daka' na Kuasanyo!”

YEREMIA 13:13

Jadi poto'imo hi aha taalu' aha to mia-mian anu ilipu' aiya, to tomu-tomundo' lee' mae i Daud, to ima-imam, to nabi-nabi tiba ingko-ingkot na mian anu jojoong i Yerusalem Ku isiimo nu anggur sampe malangu'.

YEREMIA 25:27

Lantas Tumpu notataemo mae hi belengku, “Poto'i hi aha mian haha aijo' taalu' Aku, Tumpu Anu Balakuasa Tumpu Allah Israel mompalentah aha da monginum sampe malangu ka' sola' molua'i. Ku usahakon na aha da tombahangkang ka' madi'mo daagi' po ule' mobula kalana pahampatean anu Ku potokamo mae hi aha.

YEREMIA 46:18

Aku, Tumpu Allah anu tumuu', Aku tomundo', Tumpu Anu Mahakuasa. Susumo Bungkutnyo nu Tabor natunjomo nokiita' i olot nu to bungku-bungkutnyo, ka' mule' Bungkutnyo nu Karmel natunjomo nokiita' noliu-liumo ambai, sumo aijo'mo na kahosonannyo nu aha anu toka mae montumbuhi beleyum.

YEREMIA 48:15

Moab tiba iwi-iwi' na kota'nyo ihansunanmo ka' to oli-olitaunyo toto ima-ima' hondo pinateanmo. Aku notataemo, Aku tomundo', Tumpu Anu Mahakuasa.

YEREMIA 50:30

Toka isinaa aijo' to oli-olitaunyo silakamo itutus jalan nu kota' nu aha ka' mule iwi-iwi' na suludadunyo mohopu'mo. Aku, Tumpu notataemo.

YEREMIA 51:39

Panyo jota nu aha kahanda' mongkaan na tahahumo ahi'. Ku posadiaimo anu okaan na aha, ka' molanguimo aha ka' malintunga'mo na ubak sampe tohoyotmo ka' madi'mo daagi' moko ala mobula.

YEHEZKIEL 20:33

“Atas sanggong-Ku, Aku, Tumpu anu tumuu', Tumpu Anu Matangkas na Kuasanyo, Ku pokinde'i na belemiu saba' kalana Aku notambuha'mo, belemiu Ku kensengimo na mompalentah sahingga nu oa'imo nu belemiu na kuasang-Ku. Belemiu ku posihukmo ka' po ule'mo Ku boa mae lengkat mae isinin na lipu' tampat pipinongga'a-ga'atakonanmo belemiu.

NAHUM 1:10

Beleyum opapuimo susumo hat anu nanggasmo, susumo kuhat anu ko hii'nyo anu ningkalekotmo.

NAHUM 3:18

O tomundo' nu lipu' Asyur! To gubernur-gubernur nu beleyum sinilakamo ka' mule' to bupati-bupati nu beleyum ihoyotmo sidu-sidutu'. Mian da'isan nu beleyum noga'a-ga'atmo namba i bungkutnyo ka' madi'mo ko samian pe'e na anu moko ala monsule'akon mae aha.

MALEAKHI 1:14

Mohumpak kutuk na anu topo akali anu mompalasombahkon hi beleng-Ku binatang anu madi'mo mingkaliangan de memang ahi' hi aha aijo' daagi ko potuu'onnyo anu jinanji'nyomo binatang anu ma'ima na osombahkon hi beleng-Ku! Kalana Akumo na Tomundo' anu Talasanggo ka' mule' o adati nu iwi-iwi' na bansa.”

ANU PINOTO'I HI YOHANES 18:9

To tomu-tomundo i dunia anu suele nombaumo han masala' aijo' ka' napisu nu boune aijo' mohangije ka' montando'imo kota aijo' de aha montoamo tibuk ko puha-puha lengkat i apu anu montoyo'ije ia.