YEREMIA 51:51 - KITAB NU TUMPU ALLA LELE MA'IMAI'

⁵¹ Belemiu notatae, ‘Kami lewa'mo ingalu ka' lewa'mo pinopo ambang; kami madi'mo pinalesaya kalana aha mian anu isalipu'an nonjojoongimo salipi'-salipi'nyo anu susi' anu kiijo' i uno nu Laigan nu Tumpu.’

YEREMIA 51:51 ပူးပေါင်းရင်းမြစ်များ

MOHAANGI 1:10

Iwi-iwi' na halata'nyo ingagoanmo nu sampobali'nyo. Ia me montoa aha mompinsoopi Laigan nu Tumpu Allah, sa'angu' na kalakuan anu madi' nupobee' nu Tumpu hi mian anu ma'isa palesaya hi Ia.

MAZMUR 79:4

Kami tinimbalimo han anu lewa' o aluu ka' okokojoi nu to bansa-bansa anu mompaha ohani, aha lewa' mongkokojoi ka' mongalu kami.

MIKHA 7:10

Naipuan mae sampobali' mongalu kita, aha notatae, “Iya mae na Tumpu nu belemiu aijo'?” Panyo uuka aiya aha montoamo apaa na anu nu bau Tumpu, hi kita, ka' aha ma'ambangmo. Kita monsakisamo to sampo-sampobali'to ka' opantundu'tomo ka' opahampeja'akonmo susumo hensek i jalan.

DANIEL 11:31

Lantas ia mompalentahmo tompukan-tompukan nu suludadu anu mohumimi'i Laigan nu Tumpu. Aha madi'mo mompobee' koloban anu sansina-sinaa osombahkon ka' mule' mongatunmo anu okaideki osa-osanggohi palabuatan anu Ma'idek ka' bisa monsaduakon kahansunan.

YEHEZKIEL 36:30

Kutuangimo na kalumba'an nu kau' anu bua'nyo nu kaan nu belemiu ka' hasin nu ale' nu belemiu iwi-iwi' sahingga belemiu madi'mo mongoa'i kasusa'an i anu okaan anu mombusikimo sanggo nu belemiu hi aha bansa-bansa.

YEHEZKIEL 24:21

da mompoto'i potuunon aiya hi belemiu: Belemiu montakabunakonmo Kahosonan nu Laigan nu Tumpu. Belemiu mongka'ima'i montonto'i ia ka' sola' mamba hi ia, panyo nu pohumimi'mo na Laigan-Nyo. Ka' belemiu salaigan anu daagi olitau ka' daagi langkoyang daagi' jinojoong mae i Yerusalem, opateimo i uno nu pahampatean.

YEHEZKIEL 9:7

Tumpu notataemo hi aha, “Humimi'imo na Laigan-Ku aiya! Pobuke'imo na popasannyo haha aiya nu bangke' nu manusia. Donganmo tampu'uni!” Sahingga aha nontampu'unimo nompatei to mia-mian anu i uno nu kota'.

YEHEZKIEL 7:18

Aha mompusokmo hude kalung ka' songko-songko nu aha langkakatanmo. Ubak nu aha singkapmo okiismo ka' mule' aha opopo ambangmo.

MOHAANGI 5:1

Inau' pe'e mae, o Tumpu, apaa na anu jinadimo aiya hi kami. Toa mae na kami, ka' tonto'i mae na kahina'an mami.

MOHAANGI 2:20

O Tumpu toamo ahi' ka' palahatikan na aha anu sinsalamo nu belento aijo'! Pa' daagi ko anu toho'mo binau nu belento susumo aijo'? Tinanyo nongkaanmo posi anaknyo anu talalo hondo nu kalibosi, imam tiba nabi pinateanmo i uno nu Laigan nu belento anu susi'.

YEREMIA 52:13

I Nebuzaradan nompapumo Laigan nu Tumpu, laigan nu tomundo' tiba laigan iwi-iwi' nu aha mian anu talasanggo i Yerusalem.

YEREMIA 31:19

Belento ihukumo mami, panyo nompele-pele'mo na kami ipalabuatan aijo' Salatan Belento nohukumo kami, ubak mami tinolodukumo kalana sinusa'mo na kinyonyoa. Kami na ambangmo ka' madi'mo kino angga'nyo kalana binaladosa'mo tempo'nyo daagi' olitau'.’

YEREMIA 14:3

To posa-posaihon nu mian kaya sinaimo mamba molio uee iyaya mae; Iwi-iwi' na bubung ilambananmo nu aha panyo ueenyo iningkotmo iwi-iwi'. Madi' mae kino isinyo na kendi anu po ule' mae binoa nu aha. Binimbangmo na aha ka' sinusa'mo na kinyonyoa nu aha ka' na ambangmo sahingga kinukumbunganmo nu aha na ohup nu aha.

MAZMUR 109:29

Bakas da to mia-mian anu montutuk mae aku mohumpak anu moko ambang, ka' han anu moko ambang aijo' monsaingkukubi aha susumo juba'.

MAZMUR 79:12

O, Tumpu, balosakonmo na to bansa-bansa haha aijo' pimpitun lipat, kalana iwi-iwi' na alu anu mompopo'ise' Belento binaumo nu aha.

MAZMUR 79:1

Mazmur i Asaf. O Tumpu Allah, bansa anu madi' monsumbu'i Belento nonjojoongimo tano' pusaka' nu Belento. Aha nongkotonimo Laigan nu Belento, Yerusalem binaumo tambulan nu anu singkapmo na'idek.

MAZMUR 71:13

Bakas da mian anu montumbuhi mae aku opopo'ambangmo ka' osilakaimo. Bakas da mian anu kahanda'mo, monsilakai mae aku, bingongmo ka' mongoa'imo ma'ambang.

AMOS 7:9

Iwi-iwi' na tampat anu pinake nu tulunan i Ishak binau pogalejaan ohansunimo. Iwi-iwi' na tampat anu susi' nu mian Israel oideimo. Kuhopu'imo na tulunan i Tomundo Yerobeam.”

MIKHA 6:16

Iwi-iwi' aijo' jadimo saidi' mae kalana belemiu nontulutimo palabuatan anu toto ide-idek hi Tomundo' Omri, tiba anaknyo aijo'mo i Tomundo' Ahab. Belemiu nontulutimo sipa-sipat nu aha. Kalana aijo' Ku hansunimo na belemiu, ka' belemiu lewa'mo opobau-bau ka' mule' lewa'mo o'alu nu iwi-iwi na bansa.”

MAZMUR 89:46

Ka'umolitauannyo kinodo'anmo nu Belento, ka' kinulubanmo nu Belento na ia nu ambang.

YESAYA 13:1

Aiya na potuunon nu Tumpu anu tinalima i Yesaya anak i Amos mongkona Babel:

YESAYA 14:1

Tumpu po ule'mo nongkalibosi Israel mian anu palesayamo hi Ia, ka' po ulemo nompile'i aha da po ule ahi' Ia na tumpu-Nyo. Ia po ule'mo mompojoong ilipu' nu aha. Mian anu lengkat mae isalipu'an tokamo mae ka' maninggalumo hi aha.

YESAYA 21:1

Sumo uuka na potuunon mongkona Babel: Sumo tombusisi' na pinolintup nontulu mae tampat padang anu mateges, sumo aijo'mo na balaa' toka mae lengkat ilipu' anu okabuhuk.

YESAYA 47:1

Tumpu notatae, “O, Babel pintatau', bolimo sumuhang atina' ikadela nu beleyum, ka' suhangmo i abu'. Beleyum madi'mo nompokopiani butong ka' madi'mo natopos susumo naipuan mae.