YEREMIA 51:44 - KITAB NU TUMPU ALLA LELE MA'IMAI'

⁴⁴ Bel, pilogot nu lipu' Babel Ku hukumo. Ku kakeha'mo na ia da monsule'akon apaa na anu ingagoannyomo. Bansa-bansa madi'mo daagi' monsombah ia. Pagan mesen nu Babel nohobo'mo iwi-iwi'.

YEREMIA 51:44 ပူးပေါင်းရင်းမြစ်များ

2 TAWARIKH 36:7

Sambagian na to bala-balang anu mahan na olinyo i uno nu Laigan nu Tumpu binoamo i Nebukadnezar ka' pino'una'nyomo i laigan nu tomundo kajo-kajojoongannyo kiijo' i Babel.

AYUB 20:15

Halata' anu tinomangnyo ka' i lonyomnyomo madi' ka' madi' tantu nu lua'akonmo; Tumpu Allah na monsabatakon lengkat i uno nu kompongnyo.

YESAYA 2:2

Isinaa anu aiya mae ihop puge'nyo tampat Laigan nu Tumpu matangkasmo ka' tuminjo'mo hodi-hodi' aita ito bungku-bungkutnyo ka' mule' to puge-puge'nyo. Iwi-iwi' na bansa moduyu-duyutmo mamba mokiijo',

YESAYA 21:9

Soba toa, aijo'mo na aha! Gombuan nu suludadu anu tinokamo mae toto ua-ua'aha mae. Lapas aijo' mian anu monjaga aijo' nompolelemo, “Babel pinatundu'mo! Iwi-iwi na patong nu nu sombah nu aha nohintutumo ka' notanatamo itano!”

YESAYA 60:5

Belemiu nontoa aijo', bangangmo ka' ohup nu beleyum lame'mo; beleyum sanangmo na kinyonyoa bilahimo. Halata' nu to bansa-bansa oboamo hi belemiu, kakaya'an anu lengkat mae i santoa nu ambai manjoo'mo atina' hi belemiu.

YEREMIA 50:15

Aisakonmo na ais nu pahampatean aijo' titikup ikota' aijo'! Uuka aiya Babel madi'mo daagi' noko ala nombau apa-apaa. Sinin na pagannyo mesen singkapmo biniha-biha' ka' ihobo'akon. Aku nombalosakonmo palabuatan nu Babel. Kalana aijo' baumo na aha susumo aha lewa'mo nombau mian sangga'at.

YEREMIA 50:2

“Pokonai tanda ka' bebakonmo na lele hi to bansa-bansa taalu' Babel pinatundu'mo! Bolimo opohowini na han aijo'! I Merodakh pilogotnyo ihansunanmo ka' mule sinin na patongnyo anu toto henyu-henyu singkapmo nobiha-biha', ka' mule' bapilogotan nu aha madi'mo iholomatan.

YEREMIA 51:18

Bapilogotan haha aijo' madi' ko angga'nyo patut okokojoi ka sola' opopo ambang. De maluanyo tokamo na tempo'nyo, aha memang silakamo.

YEREMIA 51:34

Yerusalem ihansunanmo ka' kinaanmo ingko-ingkot itomundo' Babel; ia nompilongkangmo kota' aijo' susumo nompilongkangmo boton. Sumomo sa'angu' na binatang anu talenga'nyo hondo, ia nolonyomo Yerusalem ka' nongisimo kompongnyo nu iwi-iwi' na anu ma'ima anu ihumpaknyo ikota' aijo' lantas ingalinnyomo na labinyo.

YEREMIA 51:47

Palesaya, tempo'nyo tokamo mae, Aku mohukumo sagala pilogot nu Babel. Songko-songko na lipu' aijo' opopo ambangmo ka' ingko-ingkot na mian anu jojoong ikiijo' opateimo.

YEREMIA 51:53

Maunyomo ahi' Babel timbali moko ala moliba' mokiita' ilangit ka' mombaumo palatahanan anu madi' opko ala otoka, panyo tataap ahi' Ku pokau na mian da mamba mohansuni. Aku, Tumpu, notataemo.”

YEREMIA 51:58

Pagan mesen nu Babel toto hoso-hoson Ku hansunimo sahingga mahatamo susumo tano'. Sabatannyo daka-daka' toto tangka-tangkas Ku papumo sampe motanggotmo hondo. Ola pinalasuma' na lawe nu to bansa-bansa, kalana apaa na anu kinalajamo nu aha ola nu kaan nu apu. Aku, Tumpu Anu Mahakuasa notataemo.”

DANIEL 1:2

Tumpu nom poloasmo ia nompatundu' i Tomundo Yoyakim ka'nompahuhuakonmo sambahagian na to bala-balang anu mahan na olinyo i Laigan nu Tumpu. To mia-mian anu ihakop binoanyomo i kuil poponsombannyo pilogot i Babel ka' mule' to bala-balang anu mahan na olinyo pipinahuhuakonnyo, pino una'mo i uno nu gudang nu kuil haha aijo'.

DANIEL 3:29

Kalana aijo' ku palentah da batu-batu mian i sa'angu' na bansa, tulunan nu bansa kabai basa' iyayamae anu mongalu Tumpu anu nu sombah i Sadrakh, i Mesakh, tiba i Abednego, opado-padot ka' mule' laigannyo ohobo'akon ka' opojadimo tambulan nu anu nopapumo na laigannyo aijo'. Kalana madi' ko pilogot anu moko ala mombau apaa na anu binaumo nu Tumpu aijo'.”

DANIEL 4:1

Sumo uuka na anu binebakonmo i Tomundo' Nebukadnezar anu pinakatunyomo hi to mia-mian i iwi-iwi na bansa, tulunan nu bansa, ka' basa' i songko-songko na dunia: “Salamat kopian!

DANIEL 4:22

O, Tuanku belentomo Tuanku na kau' anu mata-matangkas ka' anu mahoson aijo'. Katalasanggoan nu belento Tuanku mompaka pintuangmo toka-toka i langit ka' mule' kakuasa'an nu belento Tuanku mompaka ewamo toka-toka i pus nu tano'.

DANIEL 5:19

Talalo hondo' daka' na kakuasa'annyo sahingga to mia-mian anu lengkat mae i iwi-iwi na bansa ka' mule' tulunan nu bansa ka' basa' ilakatnyomo ka' mule' nongkabuhukmo ia. De ia kahanda'mo mompatei mian nu pateimo na mian aijo'. De ia kahanda'mo momposalamat mian nu posalamatmo na mian aijo'. Ia mohangkat kabai montau'akon maumo pa' ihe asanje pongka'oho'nyo.

DANIEL 5:26

Ka' sumo uuka na alati'nyo: Binilangmo na kopinnyo belento Tuanku nompalentah, binilangmo nu Tumpu ka' madi'mo pinotuus-Nyo na belento Tuanku mompalentah;