YEREMIA 51:41 - KITAB NU TUMPU ALLA LELE MA'IMAI'

⁴¹ Tumpu notatae, “Babel anu opu-opuji' isongko-songko na dunia pinatundu'mo ka' jinojoonganmo! Talalo ahi' okabuhuk na lipu' aijo' nu to bansa-bansa.

YEREMIA 51:41 ပူးပေါင်းရင်းမြစ်များ

2 TAWARIKH 7:21

Laigan ponsomban Aku aiya, tempo' uuka aiya o'angga'i hondo, panyo de jadi na anu kokoong-Ku aijo' saba' batu-batu mian anu motulu i kiijo' bangangmo na montoa. Aha motataemo, ‘Kadaka' Tumpu nombaumo lipu' ka' laigan aiya sumo aijo'?’

YESAYA 13:19

Babel aijo' ma'ima'an hondo ka' binaumo katalasanggoan nu aha anu jojoong ikiijo'. Panyo Aku, Tumpu, mohansunimo ia susumo anu binaung-Kumo hi Sodom tiba hi Gomora.

YESAYA 14:4

De nu posidamo nu Tumpu na aijo' nu alumo nu aha na itomundo' Babel sumo uuka, “Tomundo' anu buhingison pinatundu'mo! Ia madi'mo daagi mombee'i mae pakalaja'an anu monsakisa.

YEREMIA 49:25

Kota' anu talasanggo ka' saja' lame' uuka aiya iliingmo madi'mo ko anu nonjojoongi.

YEREMIA 50:23

Songko-songko na dunia pinanmo nu Babel sampe ihansun, panyo uuka aiya pompan aijo' nopato'mo! Songko-songko na bansa tinolokengkengmo na nohongo apaa na anu tinadimo ilipu' aijo'.

YEREMIA 50:46

De maluanyo Babel opatundu'mo, ohongomo na anu hengge anu tahahumo hondo sahingga songko-songko na dunia tolokengkengmo ka' mabuhukmo; tando' nu to mia-mian anu jojoong ikiijo' kahongoanmo hi to bansa-bansa sangga'at.”

YEREMIA 51:37

Lipu' aijo' timbalimo tambulan nu anu ihansunmo ka' mule' timbalimo tampat paninsulukan nu dedeng nu alas. Mian mabuhukmo na montoa, ka' madi'mo ko mian anu mongka'oho' jojoong ikiijo'.

YEHEZKIEL 27:35

Iwi-iwi' na mian anu jojoong isonibi nu amabai ilakatnyomo na nohongo uki' nu beleyum. To tomu-tomundo' nu aha suele ahi' nabuhukmo; tinoamo i ohup nu aha na salaku tanda aha nabuhukmo.

DANIEL 2:38

Belento Tuanku pinojadinyomo anu mongkuasai bagian nu dunia anu ko miannyo ka' mongkuasai to tomo-tomonsi' tiba binatang sangga'at. Belentomo Tuanku na ubak mosoni' i patong aijo'.

DANIEL 4:22

O, Tuanku belentomo Tuanku na kau' anu mata-matangkas ka' anu mahoson aijo'. Katalasanggoan nu belento Tuanku mompaka pintuangmo toka-toka i langit ka' mule' kakuasa'an nu belento Tuanku mompaka ewamo toka-toka i pus nu tano'.

DANIEL 4:30

aku notatae, “Soba toa na ko ima'nyo na kota' Babel aiya! Akumo aiya na nombau da tinimbali puso nu kota' nu negara da bau pomponyata kakuasa'anku ka' mule' kahosonanku, katalasanggoan, ka' kahebatanku!”

PO'ULE' INGULIT 28:37

Iyaya mae na lipu' pinongga'a-ga'atakonan nu Tumpu belemiu, to mia-miannyo mabuhukmo na montoa belemiu; belemiu lewa'mo o'aluu ka' nukokojoi nu aha.