YEREMIA 51:34 - KITAB NU TUMPU ALLA LELE MA'IMAI'

³⁴ Yerusalem ihansunanmo ka' kinaanmo ingko-ingkot itomundo' Babel; ia nompilongkangmo kota' aijo' susumo nompilongkangmo boton. Sumomo sa'angu' na binatang anu talenga'nyo hondo, ia nolonyomo Yerusalem ka' nongisimo kompongnyo nu iwi-iwi' na anu ma'ima anu ihumpaknyo ikota' aijo' lantas ingalinnyomo na labinyo.

YEREMIA 51:34 ပူးပေါင်းရင်းမြစ်များ

AYUB 20:15

Halata' anu tinomangnyo ka' i lonyomnyomo madi' ka' madi' tantu nu lua'akonmo; Tumpu Allah na monsabatakon lengkat i uno nu kompongnyo.

MAZMUR 74:13

Tiba kahosonan anu daka' hondo ka' anu madi' opoko ala opokakanai, Belento nongga'atmo ambai ka' nompahantohakakonmo ubak nu ulo anu toto daka-daka' i ambai.

AMSAL 1:12

Uuka ai ya aha tumuu' sanang ka' madi' masakit, panyo aha saidi' mae timbalimo susumo mian anu mompai silakamo.

YESAYA 34:11

Tomonsi' undan tiba landak na jojoongmo ikiijo', mongkoek tiba papaa' na suele jojoong ikiijo. Tano' aijo' nu pokalangkabutmo nu Tumpu ka' madi'mo ko anu monjojoongi susumo ma'isa pe'e dunia pinotimbali.

YESAYA 42:22

Panyo bansa aijo' lapasmo binulingan; aha pinojoongmo i uno nu salipi' anu kaiyong i uno nu tano', ka' pinaha po, isimo i uno nu talungku', Ahamo aijo' na anu pinahabulingmo mae, ka' madi' ko anu tinoka mae nontulungi.

YEREMIA 50:17

Tumpu notatae, “Mian nu Israel sumo sanggombu na domba anu iloloi'mo ka' pinosungkehetmo nu singa. Momonanyo aha tinumbuhanmo itomundo' Asyur, lantas mule' i Nebukadnezar tomundo' nu Babel nonggulugudi'mo buku nu aha.

YEREMIA 50:7

Aha otumbuhimo ka' osakisamo nu mian iwi-iwi' anu singkabot tiba aha. Iwi-iwi' na sampobali nu mian anu palesayamo hi beleng-Ku notataemo, ‘Apaa na anu binauntomo, madi' sala', kalana mian haha aijo' binaladosa'mo hi Tumpu. Mompolee' nu aha na palesaya ahi' hi Tumpu, jadi sabenannyo aha na sabole-bole ahi' tulu-tulutan hi Ia.’

YEREMIA 51:44

Bel, pilogot nu lipu' Babel Ku hukumo. Ku kakeha'mo na ia da monsule'akon apaa na anu ingagoannyomo. Bansa-bansa madi'mo daagi' monsombah ia. Pagan mesen nu Babel nohobo'mo iwi-iwi'.

YEREMIA 51:49

Manjoo' na mian isongko-songko na dunia sinilakamo pinatean sinaduakon nu Babel, panyo uuka aiya Babel opatundu'mo kalana monginau'mo Israel anu pinateanmo. Aku, Tumpu, notataemo.”

MOHAANGI 1:1

Talalomo hondo iliing na Yerusalem uuka aiya, kota' anu u'utu mae lame' hondo. U'utu mae talalo hondo mamba i mona hi aha to bansa-bansa, uuka aiya tinimbalimo susumo anu balu. U'utu mae kota' anu talalo hondo talasanggo hi aha to bansa-bansa uuka aiya tinimbalimo susumo balu.

MOHAANGI 2:16

Iwi-iwi' na sampobali' nu beleyum montoa ohup nu beleyum ka' mongka'ideki nu kokojoi nu aha na beleyum ka' lewa' motatae nganga' Aha motatae, “Kota' aijo' ihansunanmo mami! Ahennyo tinokamo ahi' na tempo'nyo anu pininmo na lewa' tinanda'an mami!”

HOSEA 8:8

Susumo kuhon tano anu noposo sumo aitujemule na Israel madi'o daagi ko'alatinyo, ka tinimbalimo bansa biasa pokakana tibaa bansa sanggaat.

AMOS 8:4

Potombihing mae o belemiu anu nongkabisa'imo mian anu kasiasi i lipu' aiya sahingga aha i hansunmo.

NAHUM 2:2

Totu-totu'u Tumpu po'ule'mo mompokopiani Israel da timbali po'ule' ma'ima' susumo u'utu mae tempo'nyo ma'isa pe'e binulingan nu sampo bali'.)

MATIUS 23:13

“Silakamo na komiu to gulu-gulu' agama ka' to mia-mian nu Farisi! Komiu saja' mombau pula-pula. Komiu ola monsaduakon da mian madi' totu-totu'u timbali mian anu palesayamo hi Tumpu Allah. Posi komiu pe'e madi' mongka'oho' mian anu palesayamo hi Tumpu, ka' mian sangga'at anu oka'oho', miu da boli palesaya. [